Livre apres livre, et puis ton Escriture

DIEU. Partez aussi, vous Tribulation; Allez à l’autre; et tant le martyrez Par maladie et par tentation Dehors, dedens, qu'à moy vous l’attirez.

Amys, plaisirs, tous de luy retirez; Faites luy voir qu'il ne peult que pecher:

Car congnoissant ses maux tant empirez, A moy viendra, qui l'en puys depescher.

TRIBULATION. Je suis de toy le double commissaire ; Les Reprouvez par moy sont endurcis, Mais les Esluz me trouvent necessaire; Et de mes coups te rendent grands mercis.

Par maladie en rends les uns transis ; Aux autres fais perdre plaisirs, honneur; Autres je rends par peché sy noircis, Qu'ilz n'ont espoir fors qu'en toy seul, Seigneur.

DIEU. A l’autre Roy, Dame Inspiration, Allez soudain et le frappez au cœur; Declarez luy ma grand dilection,

Que pere suis et du monde facteur ;

En l'asseurant du promis Redempteur ; Lequel viendra de nation Juifve,

Qui de la Mort sera triomphateur,

Tant que par Foy dedens son cœur.je vive,

INSPIRATION. Le eommander est desja fait en toy, 90 Ne reste plus qu’à le mettre dehors.

Au fonds du cœur m'en vois du sage Roy, Luy annoncer tous ces divins records.

Tous les espritz par peché presque morts Je resuscite; et les plus ignorans 95 Je fais sçavans ; et les foibles rends forts : Mes escholiers ne sont jamais errans.

DIEU. Or levez vous, Parfaite Intelligence ; De mes secrets cachez aux Escritures, Allez là bas, et faites diligence

100 D'en faire à tous salutaires lectures :

=. Là dedens sont des ames les pastures.

Mais monstrez leur que mon divin Escrit N'ha autre fin en toutes ses figures.

Que mon seul Filz tresamé sen an Christ.