LE IL TYRANT

400 Osez vous bien au Roy desplaire ?

C'est trop grande desloyauté.

LA II FEMME

Tuez moy donques pour parfaire Sa trop cruelle cruauté.

Helàs, par force il le m'arrache 405 Pour le tuer devant mes yeux!

Meschant, cruel, infame et lasche Serviteur du Roy vicieux ; J’esleve cœur et voix aux cieux; Et en demande la vengeance 410 Au grand Dieu sur tous autres Dieux.

Pour m'en venger en diligence.

Helàs mon enfant, Tout le cœur me fend De te tenir mort.

415 L'image de vie Est de toy ravie, Par cruel effort ; Làs, Herode ha tort.

LE IL TYRANT. | | Baillez cest enfant; que de peine!

420 La fuyte ne vous sert de rien.

LA III. FEMME. Ta volonté trop inhumaine Si je peux. n'aura pas le mien.

110 Marguerite de Navarre.

Il le prend. Làs, il le prend! O cruel chien, Qui de sang humain as envie!

495 Làs, il met à mort tout mon bien:

A peu pres que je ne desvie.

Helàs, il me jette Celuy que.regrette Mort, entre mes mains.

430 Làs, le cœur me fault!

O Dieu de là hault, À ces inhumains N'en faites pas mains.

LE III. TYRANT, Cest enfant est fort bien en ordre, 435 Mais sy le me faut il avoir.