PENSAIS

Anges, allez, cerchez et bas et hault Ce que Dieu sçait qui nous est necessaire, Apportez nous sans plus ce qu'il nous fault.

Car nous n'avons du superflu affaire:

Mais en allant vostre chant ne fault taire Faisant par tout ce desert retentir, A terre et bois, et rochers il fault ‘faire De nostre Dieu la louenge sentir.

LES ANGES chantans.

. Chantons trestous par rochers et par bois Gloire et honneur à nostre Createur ; Tant que nul lieu n'ignore nostre voix:

Mercions Dieu qui nostre Redempteur Met sus terre Qui la guerre Bien tost finera:

: A malice A tout vice La mort donnera.

LE, PREMIER ANGE

Tous Arbres secz, ne soyez plus steriles, Le Createur veult que soyez fertiles, Donnans voz fruitz de tresbonne saveur.