CHARLES IX A MONLUC

[Villers Cotterets, 9 août 1566.]

Monsieur de Monluc *, vous sçavez que dernièrement quant vous me feistes demander congé pour le cappitaine Monluc, vostre filz, de s'en aller avecques les navires qu'il a fait faire en son voyage, je le luy baillay avecques ceste condition qu'il n'allasten lieu là oii il peust offencer aucun de mes amys et alliez. Et ]<our ce que je voy que cela mect beaucoup de mes voisins en doubte, je vous ay ])ien voulu encore réitérer ceste mesme defFence ; vous priant luy commander très expressément de ma part de ne se jouer aucunement d'aller es terres ny du roy d'Espaigne ny du roy de Portugal; d'aultant que le faisant et s'en ensuivant décela quelque altercation entre nous, je ne pourray que le trouver très maulvais et user en son droict de tel ressentiment que je doibs pour l'entretenement de l'alliance et amityé avecques mes voisins, amys et alliez. Pareille deffence veulx-je que vous faciez faire à tous les cappitaines de navires qui sont en ma coste de Guyenne, ad ce qu'ils n'aillent es dictz pays, mesme dudict roy de Portugal, ad ce que nul n'ignore ma volunté.

De Villiers Costeretz, le IX* jour d'aousH566.

(Minute originale; Bibl. nat., coll. Gaignières, vol. 472, f° 302.)