JEANNE d'alBBET, REINE DE NAVARRE, A MONLUC

[Tarbes, 3 octobre 1567.]

Monsieur de Monluc, comme j'estois acheminée pour m'en aller àFoix tenir les estatz et visiter mes subjects soubz l'obéissance du

1, Voyez t. m, p. Ik et t. V, p. S^t, 60, 61, 69.

roy, mon seigneur, j'ay entendu, estant arrivée à Saint-Gaudens, qu'il y avoict en plusieurs endroictz quelques assemblées de gens en armes * ; qu'a esté cause de me faire reprendre le chemin de Pau, où Je m'en voys maintenant pour tenir et conservei* mon pays et mes subjects en la paix et reppoz que par la grâce de Dieu j'ay faict jusques icy, quelques afferes et troubles qu'on ayt veu passer ailleurs, avec bonne affection et intention de n'espargnier jamais les moiens que j'auray pour le service de sa Majesté, ainsin que plus particulièrement vous fera entendre le sieur de Bladre, présent porteur, que je vous envoyé exprès, et par lequel je vous prie me faire scavoir de voz nouvelles. Et je supplierai le Créateur vous tenir, Monsieur de Monluc, en sa très saincte grâce.

De Tarbe, ce 3« octobre 1567.

Vostre bonne amye,

Jehanne '.

(Copie du temps; Archives nat., K. 1506, n" 94.)