Barge, petite ville entre Salusses et Pignerol
192 COftIMENTAIRES
sieur de Termes, et fort bon Françoys, nommé Gramignin', que, venant de Barges à Savillan, feust prins des chevaulx-légiers de la compaignie du comte Pedrou d'Aport, gouverneur de Fossan ; lequel l'on pendoict demain, puis l'on le mettoict à rançon : de sorte que le pouvre homme demeura liuict jours en toute désespération de sa vie. A la fin il s'adviza fere dire au comte s'il luy plaisoyt qu'il parlast à luy, et luy diroict de chozes qui seroinct à son proffîct et honneur. Lequel comte parla à luy, et ledictGramigninluy propoza qu'il ne tiendroict qu'à luy qu'il ne feust seigneur de Barges, el f|u'il luy bastoict l'anime* de luy mettre le chasteau entre les mains, car la ville n'estoict forte. Le comte, curieux d'entendre à ceste entreprinse, conclud et arresta que Gramignin bailleroict son filz et sa femme en hoslaige. Et ledict Gramignin propoza la façon, disant qu'il estoict grand amy du cappitaine du chasteau, et que les vivres qu'on mectoict dedens passoinct par ses mains ; et qu'il 9 voict inteligence à certains guaingz qn'iiz faisoinct ensemble, sçavoir ledict cappitaine du chasteau , nommé La Mothe , et luy ; et aussi que l'Escossois qui gardoict les clefs du chasteau estoict fort son amy, auquel faizoict tousjours gaigner quelque choze : et qu'il s'asseuroict de le convertir, non toutesfois ledict cappitaine La Mo-
i . Ce nom est écrit Garmeinhin dans le premier manusci'it des commentaires, Gramignin et quelquefois Gramigny dans le second qui nous sert de modèle, enfin Granuchin dans toutes les anciennes éditions.
2. Anime. Le premier manuscrit des Commentaires porte envie. L'édition originale : « et qu'il estoit en sa puissance de luy
mettre.... »
the; mais qu'il estoict malade d'une fiebvre quarte qui le tennoict quinze ou vingt heures, et ne bogeoict du lict, ains y demeuroict presque toujours : et que, comme il seroict hors de prison, il s'en iroict plaindre à monsieur de Termes de deux hommes de Barbes qu'avoinct le bruit destre Impérialz, qui l'avoinct vendu et adverly les ennemys de son allée; comme il estoict vray de tout ceci que je diz. Et par ainsi, comme il auroict baillé sa femme et son filz en hostage, et demandé raison à monsieur de Routières par le moyen de monsieur de Termes, il s'en yroict à Barges, au chasleau, et ung dimenche matin il feroict sortir de quinze à vingt soldalz que La Mothe y avoict, tous sinon l'Escossois, le sumelier et le cuisinier, pour allei prendre ceux qui l'avoinct vendu ainsi qu'ilz seroinct à la première messe le matin. Et cependent, ceste nuict-là, le comte feroict marcher quarante soldatz, qui se rendroinct ung heure devant jour à ung petit tailliz (ju'il y a à une harcquebuzade de la fausse porte dudict chasteau , et comme il seroict temps de venir, il dresseroict ung drappeaii blanc au dessus de la dicte fausse porte. Or il y avoict ung prebstre dudict Barges, qu'estoict bany, se tennant à Fossan, et estoict amy dudict Gramignin, et faizoict tout ce qu'il pouvoict pour sa deslivrance, lequel feust appelle à leur délibération, pour ce qu'il avoict parlé souvent au comte en faveur dudict Gramignin, Et conclurent que le prebsire se rendroict, une nuict qu'ilz arrestarent, à nioytié chemin de Fossan à Barges, en ung petit bois ; et, pour le recognoistre, feroict ung sifflet; et que, s'il avoict converty l'Escossois, il le menneroict avecques luy pour arrester ce que failloict fere. Âinsin Grami-
19(i COMMENTAIRES
gnin escripvitune lettre à monsieur de Termes, par laquelle luy priet demander le sauf conduict à monsieur de Boutières, pour fere venir sa femme et son filz à Fossan entrer en pleiges* pour luy; car il avoict tant faict, avec l'ayde de certains amys qu'il avoict au dict Fossan, que le comte le laissoict aller moyennant six cens escuz ; et que, si luy-mesmes n'esloict dehors et en liberté, ne trouveroict homme qui volsist achepter de son bien pour fere l'argent; et que, s'il avoict le sauf-conduict, luy pleust le bailler à ung scien amy, qu'il nomma à Savillan, auquel il escripvoict, et priet fere les diligences de fere venir sa femme et son filz audict Fossan.
Et comme cela feust arresté, ledict Gramignin sortist, et vint audict Savillan trouver monsieur de Termes, auquel il comta toute l'entreprinse, et sa marchandise. Et incontinent ledict seigneur de Termes, qui commensoyt desjà à tomber malade d'une maladie que luy duroict chesque fois quatorze ou quinze jours, qui ne le comunicquet pas à tout le monde, me manda à sercher, et me comunicqua le tout. Et tous trois ensemble arrestames que ledict Gramignin yroict parler avecques monsieur de Boutières pour luy comter l'entreprinse. Monsieur de Termes luy bailla des lettres adressantes audict seigneur de Boutières, lequel, après l'avoir entendeu, n'en fist pas giand cas, mais seuilement escrivist à monsieur de Termes que, s'il cognoissoyt que l'on se deubst fier audict Gramignin, qu'il en fist comme bon luy sembleroict. A laquelle responce monsieur de Termes eust oppinion que ledict
