Ne t'y fie pas et tu ne seras pas trompé

422 COMIMENTAIRES

nans , et l'ung et l'aultre doibt fere bonne mine : il se cognoislra bientost qui a mauvais jeu. A ces heures ayés tousjours l'œil au guet ; dès lors le bruict court partout qu'on se rend : cependent ceux de dedens , au lieu de songer à se deffendre , pensent à se sauver , qui son argent, qui ses armes; et ceux de dehors, qui voint que l'espérance du butin est perdeue pour eux si la capitulation s'ensuit , taschenl à vous donner ung croc ingambe ^ ; car lors on s'approche plus aiséement de la muraille , parce que volontiers il se faict quelque trefve. Souvenés-vous donc tousjours que l'heure des parleraens est dangereuse.

Les deux aultres villattes se rendirent et m'envoyarent les clefs. Monsieur le mareschal arriva l'endemain , bien aise de mon exploit. Et marchasmes droict à Sève, laquelle est une petite ville bien jolie et bien fermée de muraille ; une rivière passe , ou bien par dedens la ville, ou contre les murailles; car je n'y ay jamais esté que quand monsieur de Bonivet et moy y vinsmes secourir monsieur le mareschal , et à ce coup que nous la reprinsmes ; et n'y couchay qu'une nuict, car monsieur le mareschal m'en fict retourner l'endemain matin , pour ce que don Arbre estoict avec ses forces à cinq mil de là , et dens Albe n'esloit demeuré que mon lieutenent avec la moytié de ma compaignie. Or il y a une montaigne au dessus de la ville au sommet de laquelle il y a une esglise , et dens le rochier unghermitaige, dens lequel on entroict par dessus une table, despuis l'esglise jusques à l'entrée du rochier;

i . Il faut probablement lire : en Jambe. Toutes les anciennes éditions portent ingambe et le passage manque dans nos deux manuscrits.

dp: BLAISE de MONLUC. '^23

et dedens y avoict des autelz pour dire messe, et une chambre pour l'hermitte; et n'y avoit aultre clarté que par la porte ou l'on entroict, qui respondoict vers la ville. Et avoinct bien percé l'esglise , et ne faiU loict que tirer la table à eux : tout le monde ne les eust sceu prendre. Hz avoinct encores faict ung aultre fort à main droicte , quinze ou vingt pas et l'avoinct faict en manière d'ung fossé , et les contr'escarpes fort liaultes ; de sorte que , comme on venoict sur la contr'escarpe , homme ne pouvoict monstrer ung doigt de la teste , sans estre descouvert et thué : et encores avoinct faict une trenchée qui prennoict despuis ce fort jusques à l'esglize.

Que comme nous arrivasmes pour camper auprès de là, le seigneur Franciscou Bernardin et moy, qu'estions mareschauix de camp, et faizant les quartiers pour le loger, ilz sortirent deux ou trois cens hommes*, tant du fort que de la trenchée et de l'esglise, et nous attacquarent. Je n'avois que le cappitaine Charry avecques moy , et cinquante harcquebuziers ; quelques gens à cheval avions-nous pour nous tenir escorte. Le baron de Chipy,maistre de camp, m'envoya renforser de cent harcquebuziers ; je feuz contrainct de luy mander qu'il m'en envoyast encores , car nous estions aux mains et de bien près. Sur ce, voicy arriver monsieur de Bonivet en poste , qui venoict de la court ; lequel , oyant l'escaramoche , dict au baron de Chippy sans descendre : « Faictes haltou icy, jusques ce à ce que monsieur le mareschal sera arrivé, et je m'en

i . Var. des édit. précéd. « .... qui estions mareschaux de camp^ estans sur le point de loger l'armée, deux ou trois cens hommes sortirent tant du fort que,... »

« veois trouver monsieur de Monluc. » Les cappitaines le suyvirent et quelques harcquebuziers à cheval ; et, en nous embrassant , les ennemis firent une cargue aux nostres. Alors je diz à monsieur de Bonivet : « Monsieur , pour vostre bien venue , mettes tous pied « à terre, et allons fere une cargue à ces gens, et remet barrons les jusques dans le fort. » Incontinent tout le monde mist pied à terre ; et me dict. « Donnés, vous, « droict à ceulx qui vouldront gaigner la trenchée et je « donrray à ceux qui vouldront regaigner le fort*. «Il prend une rondelle en la main , et moy une hallebarde ; car j'ay tousjours aymé à jouer de ce baston. Et alors je diz au seigneur Franciscou Bernardin : «Mou i( compaignon , cependent que nous ferons la cargue, « faictes les quartiers. « Il me respondict : « Est-ce tout « ce que vous voullés fere de la charge que monsieur le « mareschal nous a donnée? Or je feray le fou aussi bien « que vous, et pour ce coup je seray Gascon. » Il mist pied à terre, et s'en vinct à la cargue avecques moy : il estoict armé d'armes fort pesantes, et de luy-mesmes l'aage le rendoict pesant; voilà pourquoy il ne peult pas venir si viste que moy. Il me sembloict en ces banquets que mon corps ne pesoict pas une once , et que je ne touchois pas en terre : il ne me souvenoict guières de ma hanche. Je chargis droict à ceux qui tennoinct le cousté de la trenchée, monsieur de Bonivet en fistautantde son cousté bien bravement; elles rembarames de telle sorte, que je passis la trenchée pelamelle avecques eux, et les mennay tliuant jusques à

1 . On lit seulement dans les cdit. précédentes : « Donnez, vous, droict, à ceux qui voudront regaigner le fort. // prend une rondelle.... »

l'esglise : jamais pour ung coup je ne frappay tant ; tellement que ceux qui estoinct dedens, voyans leurs gens en désordre et ainsi massacrés, la abandonnarent, et se mirent au long d'ung petit chemin, tout au long du rochier de la montaigne , qui alloict descendre bas à la ville, et ung des miens accolletta celluy qui pourtoict l'enseigne; mais il se deffict bravement de luy, et sauta dens le chemin, gagnant en haste la ville. J'y coureuz , mais il feust plus viste que moy ; aussi il avoict la peur aux talons. Le cappitaine feust limé sur la porte, qu'ilz eslimoinct beaucoup ; et estoict homme d'environ soixante ans, car il estoict tout blanc. Tous ne peurent pas gaigner le chemin, car il en réentra une partie dens l'esglise ,j qui se deffendoinct fort bien. Hz avoinct faict ung petit revelin (ievant la porte , lequel nous leur gaignasmes; et alors ilz se retirarent tous dens l'hermitage, et tirarent la table à eux, comme ung pont levis.

Monsieur de Bonivet feust mal traicté , de tant qu'il perdist pour le moingz vingt hommes des meilleurs qu'il eust, et plus de trente de blessés; car, comme noz gens se volsirent jecter à coup perdu dens le fort de dessus la contr'escarpe , avant que pouvoir descouvrir le fort, ilz estoinct thués ; et en perdist entre aultres quatre de ceux qu'il avoict menné de France \ qui ne vindrent que trop tost pour eux, dont il en y avoict deux Basques, aussi vaillans junes hommes que la terre pourta jamais; je les avois veu ailleurs : ces gens ont les noms si revers qu'il ne m'en souvient, de quoy

1 . Les deux manuscrits portent en France. Le sens nous imposait ici l'obligation de suivre la leçon de l'édition originale.

je suis marry. Et feiist constrainct ledict sieur de laisser ce fort et venir à moy à l'esglise. Monsieur le mareschal avoict faict fere haltou à tout le camp à ung mil de là, qui attendoinct quant le seigneur Franciscou et moy luy pourterions les quartierz où failloict que le camp se logeast. Et, comme il \ist qu'il n'avoict poinct de nouvelles de nous, manda ung gentilhomme pour sçavoir que nous estions devenus, lequel nous trouva à l'esglize, et nous dict que monsieur le mareschal estoict mal content et fort fasché , ne sçachant où loger , ny où les quartiers esloinct faictz. Alors je luy diz : « Retournés-vous en, et luy disiés qu'il a faict « deux sages mareschaulx de camp qui n'ont songé « aultre cboze qu'à le loger et l'armée, mais c'a esté à « envoyer des gens au royaume des taupes, y^ Le gentilhomme cogneust bien qu'il n'y avoict rien de faict , et s'en retourna estant presque nuict ; de sorte qu'il fauzist que la cavalerie se mist dens ung vallon à main gauche, et nostre enfanterie en ung aultre à main droicte. Monsieur le mareschal arriva à nous , qui se feust volontiers courossé; mais, ayant veu ce que nous avions faict, ne s'en soscia plus, ains se mist à rire de ses mareschaulx de camp qu'il avoict faict. Le seigneur Franciscou Bernardin s'escuzoict sur mov, et moy sur Iny ; mais monsieur le mareschal dict : « Je « sçay bien que la teste blanche est trop sage , et que « ce sont des boutades deGascoigne. »

Or, le colonel Sainct Pedre Corse, vint avec monsieur le mareschal ; ceux de l'hermitage le demandoinct, pource qu'il y avoict de Corceres^, et le cappitaine