DU PRONOM FRANÇOIS

En quoy il est particulièrement conforme au Pronom

grec.

Obs. 1. Les François , en plusieurs manières de parler , usent de ces pronoms au datif cas , moy, toy, nous , vous, en la mesme sorte que les Grecs usent de leur pot, <roi, %îv, utxtv (lequel pot reviendrait totalement à nostre moy quant à la prononciation , aussi bien qu'il en retient la signification , si on vouloit prononcer la diphthongue ot à la mode des Anglois , et autres qui ne suivent nostre façon de prononcer, laquelle est moins curieuse et toutesfois plus receue). Je parle de l'usage qu'ha ce moy quand on dit : Regarde-moy la grâce de ce galand. item, Prenez-moy bien garde à ce que je vous ay dict. Item , Parlez-moy bien à luy. Ainsi est-il quasi du Pronom vous ; comme si je di : Et incontinent