EXTRAIT DE LA COMPILATION

estoient filles le conte Pieron d'Auchoirre et la contesse Voient suer Tempereour. Par ces mariages aquist il grant pais et grant aide ; mais il ne vesqui gaires apriès, ains morut sans hoir de sa char; dont che fu grans damages, car moult avoit esté vighereus et de grant cuer. Li baron qui en Constantinoble estoient envoiierent hastivement messages pour querre le conte Pieron d'Auchoire, qui avoit à feme la serour Tempereour. Cil quens estoit cousins germains le roi Phelippe de Franche. Il avoit deus fins de sa feme. Li aisnés ot non Phelippes; chelui avoit il donné la conté de Namur qui eskeue estoit à sa feme du conte Phelippon de Namur qui mors estoit sans hoir de sa char. Li autres avoit non Robiers. Si ot pluisors filles de coi nous vous avons dit les mariages des trois. Quant li message furent venu au conte Pieron, et il li orent dit la mort Tempereour Henri, et coument li baron le mandoient pour faire empereour, il atorna ses besoignes, et puis murent entre lui et sa feme. Si enmenoient le conte de Sansuerre et grant compaignie de chevaliers et de serjans. Quant il vinrent à Roume, li papes les couronna. De là s'en alerent à Brandis, et entrèrent en mer. Si s'en ala li empereres Pieres par Duras , qui estoit la première chités de Gresce deviers Sezillé ; et Tempeerris sa feme s'en ala par iaue jusques en Constantinoble, car elle estoit grosse. Elle n'i demoura gaires puis que elle fu arrivée, que elle acoucha d'un fil qui ot non Bauduins.

Li empereres Pieres ki fu arrivés à Duras, fu recheus à grant hounour dou signour, qui avoit non Toldres li Communies. Mais il n'i ot gaires esté quant il le fit prendre, et le conte de Sansuerre aussi ; si les tint tant em prison que ili morurent. L'empeerris Yolens ne vesqui gaires apriès; ains morut en Constantinoble. Cil de la terre envoiierent querre le conte Phelippon de Namur, et li mandèrent que il venist rechevoir l'empire qui eskeus li estoit. Quant li Ascres sot que li empereres Pieres estoit mors, et li empeerris Yolens sa feme, il entreprist à conquerre l'empire; si coumencha la guerre. Li baron ki

nuation est-elle l'abrégé d^un texte plus complet de Henri de Valenciennes ou d'une autre chronique ? c'est ce qu'il est impossible de décider. Mais, quelle que soit l'origine de ce court fragment, j'ai pensé qu'il convenait de le mettre sous les yeux du lecteur.

Je reproduis le texte du manuscrit français 17264, plus complet en cet endroit que le manuscrit 13460, dont j'ai cité plusieurs variantes en le désignant par la lettre G.