DE BAUDOUIN D^AVESNES

en Constantinoble estoient, envoiierent grant partie de lour gent contre lui. De chiaus fu chievetainne mesires Gerars la Truie, qui adont i estoit. Li autre Gryu se coumenchierent à révéler, et reconquisent la plus grant partie de la terre que li empereres Henris avoit gaaignie sour iaus. Li message qui estoient aie querre le conte Phelippon de Namur li disent que li baron de Constantinoble le mandoient pour estre empereres. Il n'i ot mie conseil d'aler, ains i envoia Robiert son frère. Cil s'en ala par Hongherie, où il fu recbeus à grant hounour de sa serour, qui estoit roine de la terre, et dou roi Andriu. Il sejoma tout Tyvier en Hongherie, car il n'avoit niie bien les passages à sa volenté. Il avoit od lui un serjant qui estoit nés de Lisle en Flandres. Auchun disoient que il estoit oncles de bas cestui Robiert qui aloit pour estre empereres. Cil variés avoit une biele damoisiele qui estoit sa fille. Robiers d'Auchoirre le fist richement apparillier, *et disoit que chou estoit sa cousine ; et puis fist parler de mariage de li et dou roi de Servie. Li rois qui cuida ke che fust voirs, s'acorda au mariage; si furent faites les noches à grant sollempnité. Par che mariage et par Païde des Blas ala Robiers d'Auchoirre seurement jusques en Constantinoble, là où il fu recheus à grant joie. Mais il n'osa mener le père la demoisiele od lui pour chou que la chose ne fust seue, ains li douna deniers et le renvoia en Flandres. Quant Gerars la Truie et si çompaignon sorent que Robiers estoit venus en Constantinoble, il fièrent à lui et le couronnèrent à Sainte Souphîe. Foi apriès, s'entremisent preudoume de pais entre l'empereour Robiert et TAscre, qui sa serour avoit à feme. La dame meismes s'en pena moult, tantke en la fin s'acorderent ; que li Ascres ot couvent à l'empereour à donner une fille que il avoit de sen premier mariage, et grant terre avoec.

Cette chose fu asseurée d'une part et d'autre, et furent délivré tuit li prison. Mais en brief tans apriès morut li Ascres; par coi li empereres Robiers ne volt aler avant dou mariage. Li baron de la terre en orent grant desdaing, si recoumenchierent la guerre. D'une part guerrioient li Coumain, et coumenchierent un chastiel à fremer en une montaigne. Li empereres Robiers i envoia de sa millour gent pour le desfendre, mais il furent vaincu et en furent li plus ochis. Dont