DE BAUDOUIN D AVESNES

d'avoir. A daerraîns dist li rois que il iroit par tel couvent que li hoirs de la terre espousast une soie fille ke il avoit; et apriès juerroit sour sains que tant coume li rois viveroit, il ne demanderoit signourie en l'empire, ains le tenroit li rois Jehans toute sa vie, et li feroient li houme de la terre houmage à sa vie; et toute la terre que il conquerroit, qui avoit esté as ancisseurs l'enfant, demouerroit à l'enfant ; et se il conqueroit autre terre, elle seroit à ses hoirs et le tenroient de Tempereour, Li apostoiles loa bien ceste chose; si le dist as messages de Constantinoble, qui s'en retornerent en Consiantinoble, et contèrent as chevaliers chou que il avoient trouvé. Cil orent conseil, et selonc chou que il virent que li enfes estoit encore jouenes et que il tenoieut poi de terre dehors Constantinoble, ne leur sambla pas que il eussent pooir d'iaus garantir. Pour chou otriierent ceste convenenche.

Dont remanderent à l'apostoileet au roi Jehan que il acompliroient la couvenanche tout ensi que elle avoit estet devisce. Lors s'en ala li rois Jehans à l'apostoile qui li douna grant avoir, et H ot couvent que il le secourroit de gens. Dont s'en ala li rois en Venisse, si entra en mer, et s'en ala en Constantinoble. Li chevalier alerent contre lui, et le rechiurent à grant hounour. En brief tant apriès, Bauduins qui devoit estre empereres espousa la fille le roi Jehan, puis fist sairement détenir la couvenanche qui avoit esté devisée, etiuit H houme II firent houmage. Or tairons un poi à parler de l'empire de Gresce; si dirons dou roi Loeys de Franche. *