EXTRAIT DE LA COMPILATION
rechiut li empereres très grani damage; car poi li est remés de gent de coi il peust faire grant chose. A daerrains parlèrent tant preudoume que li mariages fu jurés une autre fois de Tempereour Robiert et de la fille Toldre PAscre ; et furent délivré grant plenté de prisons que li Gryu tenoient. Si fu li empereres Robiers une pieche em pais. Adont avoit une dame en Constantinople ; fille avoit esté un chevalier d'Artois qui avoit non Bauduins de Nuevile. Li empereres Robiers Tama tant que il en laissa à parfaire le mariage de la fille TAscre et de lui. Si espousa celé dame coiement, et le mist avoec lui manoir en son palais, et la mère la dame aussi.
Quant li Franchois ki en Constantinople estoient sorent cestc chose, si en furent dolant et esbahi ; car li empereres ne soignoit de chose que il eust à faire. Pour chou prisent conseil ensamble, et s'en alerent à la chambre Tempereour. Si prisent la mère à la dame, si renvoiierent noiier en un batiel , et la dame coperent le nés et les baulevres, et puis s'en alerent. Quant li empereres vit le honte que si houme li avoient faite, il ne volt plus demourer ou païs, ains entra en une galie et s'en ala à Roume ; si se plainst à l'apostoîle de chou ke si houme li avoient fait. Li apostoiles le reconforta et li douna dou sien ; et puis li pria tant ke il Ten fist râler vers Constantinople. En che ke il s'en raloit, il ariva en la terre Joifroi de Vile Harduin, qui a grant hounour le rechiut; là li prist une maladie dont il morut. Quant cil de Constantinoble le sorent, il orent conseil que il feroient. Li pluisour loerent que il laissaissent la chité ; li autre disoient que il seroient honni se il laissoient si noble chitet sans cop ferir.
A daerrains, par coumun acort envoiierent messages à Tapostoile et li mandèrent Testât de la terre, et que il i mesist conseil. Avoec chou li priierent que il parlast au roi Jehan d'Acre, par coi il entrcpresist l'empire à desfendre; carilne véoient mie que il peussent estre legîerement aidié d'autrui*- Li apostoiles, qui ot pitié de la terre, manda au roi Jehan que il entrepresist celé besoigne. Li rois Jehans respondi que il ne le feroit en nulle manière ; car uns enfes estoit remés de l'empereour Pieron, qui estoit hoirs de la terre, et il ne se voloit mie mètre en si grant péril pour autrui terre garantir. Li apostoiles li dist que se il i voloit aler, il li feroit grant secours de gent et
