A. qui; B, etc., illuec

V1LLE-HARDOUIX , III. — 2 1

Henri son frère, et les autres genz qui avec lui furent. Totes les genz parmi là où il passa vindrent à lui, à sa merci et à son comandement. Et lors lor vint la novele que l'empereres Alexis avoit traiz les oels à l'empereor Morchuflés. Mult en fu granz parole entr'aus-; et bien distrent que il n'avoient droit en tere tenir, qui si desloialment traïssoient3 li uns l'autre.

273. Lors fu li consels l'empereor Baudoin qu'il chevaucheroit droit à Messinople, où l'empereres Alexis ère. Et li Gré d'Andrenople li requistrent cum à seignor qu'il lor laissast la ville garnie, por Johan, le roi de Blaquie et de Bougrie, qui guerre lor fassoit sovent. Et l'empereres Baudoins i lassa Eustaice de Saubruic1, qui ère uns chevaliers de Flandres mult preuz et mult vaillanz, atot quarante chevaliers de mult bone gent, et cent serjanz à cheval-.

274. Ensi s'en parti l'enperere Baudoins d'Andrenople; et chevaucha vers Messinople, où il cuida l'empereor Alexi trover. Totes les terres par là où il passa vindrent1 à son comandement et à sa merci; et quant ce vit l'empereres Alexis, si vuida- Messinople et s'enfui. Et l'empereres Baudoins chevalcha tant que il3 vint devant Messinople. Et cil de la vile vont encontre lui, et li rendent la vile à son comandement.

275. Et lors dist l'empereres Baudoin's que il sejorneroit por atendre Boniface le marchis de Monferrat, qui n'ere mie encor venuz en l'ost', porce que il ne pot mie si tost venir con l'emperere ; qu'il en amenoit avec lui l'empereris sa famé. Et chevaucha tant- que il vint vers Messinople, sor le flum3; et enqui se herberja, et fist tendre ses très et ses paveillons. Et l'endemain ala parler à l'empereor Baldoin et lui veoir, et li requist sa convenance.

276. « Sire, fait il , noveles me sunt venues de Salenique, que la « gens del pai's me mandent que il me ' recevront volentiers à sei- .< gnor -. Et je en sui vostre hom, et la tieng de vos : si vos vuel proier