EXTRAITS DE YILLE-HARDOUIN
de Rome Innocent; et l'apostoille envoya en France et manda al prodome que il penchast des croiz par s'autorité. Et après i envoia un suen chardonal , maistre Perron deChappes, croisié: et manda par lui le pardon tel con je vos dirai : Tuit cil qui se croisseroient et feroient le servise Deu un an en l'ost, seroient quites de toz les péchiez que il avoient faiz dont il seroient confés. Por ce que cil pardons fu issi granz, si s'en esmurent mult li cuefs des genz ; et mult s'encroisierent por ce que li pardons ère si granz.
3. En l'autre an après que cil preudon Folques parla ensi de Deu , ot un tornoi en la Campaigne, à un chastel qui ot nom Aicris; et par la grâce de Deu si avint que Tibauz, quens de Campaigne et de Brie, prist la croiz, et li quens Loevs de Blois et de Chatein : et ce fu à l'entrée des Avenz. Or sachiez que cil quens Thibauz ère jones hom, et n'avoit pas plus de xxii. anz ; ne li quens Loeys n'avoit pas plus de xxvii. anz. Cil dui conte erent nevou le roi de France et si cousin germain, et nevou le roi d'Engleterre
de l'autre part
65. Devant ce que la grant messe commençast, et li dux de Venise, qui avoit nom Henris Dandole. monta el leteril , et parla al pueple et lor dist : Seignor,aeompaignié estes alla meilor gent dou monde et por le plus hait afaire, que onques genz entreprissent: et je sui vialz hom et febles, et auroie mestier de repos, et maaigniez sui de mon cors : mes je voi que nus ne vos saurcit si governer et si maistrer com ge, qui vostre sire sui. Se vos voliez otroier que je preisse le signe de la croiz por vos garder et por vos enseigner, et mes filz remansist en mon leu et gardast la terre, je iroie vivre ou morir avec vos et avec les pèlerins. »
postelc de Rome Innocent : et Faposteles envoia en France et manda au preudome que il preeschast de la croiz par s'autorité. Et après y envoia i. sien cardenal, mestre Perron de Chapes, croisié: et manda par li le preudome ce que je vous dire : Tuit cil qui se croiseraient et feroient le servise Dieu i. an en l'ost, seroient quite de touz leur péchiez que il auraient t'ez dont il seroient confés. Pour ce que ce pardon fu si grant, si s'en esmurent mult les cuers des genz; et mult s'encroisierent pour ce que le pardon estoit si grant.
3. En l'autre an après que ce preudome Fourques parla ainsi de Dieu, ot i. tornoi en Champaigne, à i. chastel qui ot non Eris ; et parla grâce de Dieu si avint que Thibaut, quens de Champaigne et de Brie , prist la croiz, et li quens Loeis de Blois et de Chartain ; et ce fu à l'entrée des Avanz. Et sachiez que cil quens Thibauz estoit juenes hom , et n'avoit pas plus de xxii. anz; ne li quens Loys n'avoit pas plus de xxvii. anz. Cil dui conte estoient neveu le roy de France et ses cosins germains , et neveuz le roy d'Engleterre de l'autre part
65. Devant que la messe commençast, li dus deVenice.qui avoit non Henri Dandoille, monta au leteri, et parla au pueple et leur dist : « Seigneur, « acompaignié estes à la meilleur gent « dou monde et pour le plus grant afere « que gent entreprissent; et je sui viel « home et feble, et auroie mestier de « repos , et mehaigniez sui de mon cors ; « mes je voi que nus ne vous saurait si « gouverner ne si mestroier conme je, « qui vostre sires sui. Se vous voliez que « je preisse le signe de la croiz pour « vous garder et pour vous enseignier- « et mon filz demorast en mon leu et « gardast la terre, je iroie vivre ou « morir avec vous et avec les pèlerins. »
