TEXTE DU MANUSCRIT D

632. Et nostre gens ont tant fait, par la divine soufrance, que bien ont retenu le moitié de lor anemis. Et Mahius Bliaus a pris Rauoul lecastelain de Cristople, et si l'a fait loier sor un povre tonci , les pies loiés par desous le ventre , au plus viument k'il peut. Et bien lu drois que gueredons li fust rendus de le grant honte et de le grant vilonnie que il fist à son segnor, quant il son casriel frema contre lui. Que vaut chou?

Il l'emmainent en prison tout plaie et ensanglanté , et molt esbahi de la grant honte que il atent , dont il jamais ne se verra descargié.

633. Molt se prouvèrent bien nostre gent à celé desconfiture , et grant hounour firent à lor contrée et à toz chiaus dont il estoient estrait. Que vaut chou? I.ombart i furent desconfit, pris et loié,