TEXTE DU MANUSCRIT F
i . Sachiez que mil et cent et nu. XX et xvu anzemprez l'incarnation Ihesu Crist, au tenz Innocent l'apostole de Rome, Phelippe le roi de France , et Richart le roi d'Engleterre. ot i. saint home en France qui ot non Fouquez de Nulli cil Nullis siet entre Laigni seur Marne et Pariz ; il estoit prestre de Nulli et tenoit la paroisce. Cil Fouques commença à palier de Nostre Seigneur et par les autres pais d'entor: sachiez tout certainement que Nostre Sire fist maint espert miracle pour lui.
2. La renommée de ce saint home ala tant qu'ele vint à l'apostole Innocent; dont li manda l'apostoiles Innocent qu'il sarmonast de la croiz , et l'en donna le pooir. Et emprez li envoia i. chardonal. qui ert apelez mestre Peron de Capez ; et manda par lui le pardon tel corne je vos dirai : Il manda que tuit cil qui se croiseroient por qu'il servissent i. an en l'ost Nostre Seigneur seroient quitez de touz les péchiez qu'il auraient fez pour tant qu'il fussent confez. Et por ce que cil pardonz fu si granz , s'ezmurent maint cuer de preudome , si que maint s'encroisierent par le monde.
3. En l'an aprez que cil preudon ot commencié à parler en tel manière , ot i. tornoiement en Champaigne, tout droit à i. chastel que l'en apele Ecri; si avint , si corne il plot à Nostre Seigneur, que li quenz Tibauz de Champaigne et de Brie prist la croiz , et li quenz Looys de Blois et de Chartain la prist autresi ; et ce fu à une entrée des Avcnz. Et sachiez que cil quenz Tibauz estoit jennez hom si corne de Liage de xxn.
anz : et li quenz Looys n'en avoit mie plus de xxvn. Cil dui conte estoient cousin germain et neveu le roi de France, et neveu le roi d'Engleterre
65. Ains que la grans messe commenchast, li dus. de Venisse, qui avoit non Henris Dandole, monta el letrinet parla au pueple et lor dist : « Segnor, « acompaignié iestes à la melleur gent « dou monde, et ont entrepris le plus « grant afaire c'onques gens euussent; " je sui viex hom et foibles et mehaigniés « de mon cors; mais je voi que nus ne " vous saroit mius gouvrener ne mas- « troier comme jou, ki vostre sires sui. « Se vos voliés otroier que je presisse le « signe de la crois por vous garder et « ensegnier, et mes fiex remansist en « mon Iiu et gardast la terre , je iroie « vivre u morir avocques vous et avoec « les pèlerins. »
65. Et devant ce que l'en commensast à chanter la grant messe, li dux de Venise monta en haut , et leur dist :
Seigneur, il est einsint que nos pour la plus haute chose qui soit somes acompaignié à la plus haute gent du monde ne qui orendroit soit en vie en < la crestienté ; et je sui mes i. vielz hom et foibles de corz et mehaigniez; si i auroie des ore en avant mestier de reposer ; mes il est ainsint que je ne voi orendroit nul home en nostre comun qui avant moi vous seust conduire ne guerroier. Se vos voliez otroier que mes filz demorast en la terre en mon leu pour garder la et gouverner, je prendroient meintenant la croiz et iroie avec vos vivre ou mourir, lequel que Dex m'aura destiné.»
