ET SUYTES DE PROCES

apparent titre que j'aye en mon sac est que ma partie, en se levant du lit, void le clocher de la cure dont est question. Que si on objecte quelque simonie, et qu'il y ait vente et bourse desliée au contrat et marché du bénéfice, je soustien estre acheteur de bonne foy; mesme qu'il ne faut plus douter de la validité de tels et semblables actes, qui ont ja passé en force de chose jugée, et hoc jure utimur. »

— Il est aussi bon, dit Polygame, comme d'un gentil-homme de ce pais, qui avoit nouvellement fait rebastir un gibet pour avoir haut et bas la cheminée, qui fut tant solicité par les importuneniens de sa femme qu'il luy promit faire voir pendre un homme à iceluy, d'autant qu'elle n'avoit onc veu tel passetemps, comme elle disoit, ce que elle desiroit sur toutes choses; et pour complaire à telles importunitez, car autrement elle luy eust fait le groin plus de deux lieues à pied, il s'advisa d'un pauvre compagnon sien voisin, qui luy desroboit par fois quelque peu de bois pour soy chauffer, quelques pommes, et, peut estre, des poires, qu'il le mettroit en procès criminel : ce qui fut fait, tesmoins pourcest effect administrez, et si fut escrit et raporté par le greffier (ha! gens de bien, je ne vous puis voir, mon chappeau est percé!; que l'accusé confessoit tout,