JUGE MENS

en avoit bien fait d'autres, qu'il avoit aussi desrobé des prunes ; et tellement exploité que, pour gratifier la damoiselle, ce pauvre paisant fut pendu. Et, pour le reconforter, le prestre de la maison luy disoit, estant ja en l'eschelle : « Mon amy,ce t'est un grand honneur d'estre le premier pendu à ceste belle justice toute neufve, joint le grand plaisir que tu donneras à ma damoiselle, qui autrement seroit en grand danger de perdre son enfant; y a plus, car on chantera pour toy à gorge déployée, et une bonne mine de bled pour ta femme et enfans. » A ceste charge fit le pauvret le saut périlleux, où il demeura acroché au lacs courant. Mais, depuis, quelque voisin, s'estant esveillé, en advertit la Cour souveraine, qui renversa tel inique jugement, et fut le gentil-homme, outre la privation de sa haute justice, condamné en grosses amendes.

Ne tarda pas long temps qu'un autre juge, pour avoir fait exécuter de mort un Italien, accusé d'homicide, qui , au lieu de dire : « J'en apelle » , avoit dit : « Ad vires apostoUcas », fut condamné en autres grandes amendes, et privé de son estât, pour deux raisons : la première, que le mot ad vires estoit assez significatif: que le condamné seplaignoit de la sentence, auquel cas faut demeurer là, pour en estre l'effect suspensif, et fust il pro-