I04 DES PAGES

court et entrée duquel il trouva plusieurs jeunes hommes, tant pages qu'autres, folastrans et empeschez à plusieurs offices et devoirs, tels qu'on peut estimer en telles scientifiques et dévotes personnes. Et parce qu'ils virent ce nouveau incogneu accoustré à la nouvelle mode, une longue queue de renard entourtillée à son chapeau fait à l'albanesque, pensèrent bien avoir trouvé leur homme, la fève au gasteau, et quelque casanier mal nourri. Luy, cognoissant et contremirant l'humeur de ce sainct collège de notables docteurs, fit plus le grossier et lourdaut, haussant sa ceinture à my-corps, frapant et jouant des doigts sur le pommeau de son espée, sublant ou sifflant, lequel que l'on voudra, ou tous deux, une chanson du pays fort harmonieusement.

S'estant telle jeunesse amassée alentour de luy comme un vendeur de theriaque, les uns tiroyent sa casaque, et, tandis qu'il s'en vouloit défendre, un autre le tiroit par le costé. En toutes lesquelles fantasies et sages opérations il prenoit le plus grand plaisir qu'il pouvoit ; toutesfois, se desmarchant, il leur monstra un peu la dent, et que le jeu trop ennuyé ne luy plaisoit, leur disant en langage de sa nativité, qui estoit le Lambalois : « Savé quoi i a, je vous taperé des soufflet, oay. — Et bien, mon amy, luy demanda l'un d'eux,

qui faisoit bien le suffisant, le quant à moy, et se cuidant bien valoir quelque chose par sus les autres; qui vous meine en ce pays? — Par ma fé, mon deux amy, mon fiston, c'estoit me mère qui m'a icy envoyé quérir ine place d'archer pour may et pour mes hors, ou in autre office. — Voila qui va bien, fit bonne mine à un autre des plus rebrassez, entretenez ce vénérable archer tandis que j'en iray faire le raport à monsieur »; lequel luy commanda qu'on fist monter ce gentil poursuyvant d'office; et en l'instant voycy entrer en la ^ sale ce gentil-homme, suyvy de toute la brigade bien eschauffée, lequel, ayant faict la révérence, fut incontinent recogneu par deux ou trois gentils-hommes, ses compagnons d'armes, qui assistoient et faisoient compagnie a monsieur le comte, auquel ils firent entendre son nom et qui il estoit;' ce qu'ayant seu, luy dit en s'avançant pour le recueillir et bien-veigner : « Ha! capitaine 'il l'appella parle nom de sa maison, laquelle, comme il n'y a rien de durée, est aujourd'huy entre autres mains estrangeres) , comment vous va? Il y a long-temps que vostre réputation m'avoit fait souhaiter vous cognoistre, pour vous faire plaisir de bonne volonté et agrandir vostre renommée de ce qui seroit en ma puissance. »

La trouppe desbauchée, se voyant, par icolles ca-

I06 DESPAGES

resses non attendues, hors de conte et s'estre mescontée, se voulut retirer en cachetés et tapinois; mais l'un des escuyers en menaça les uns du fouet, et les plus grands de leur bien laver le nez, leur apprendre leur bec jaune, et à qui une autre fois ils s'adresseroient. Toutefois le capitaine supplia pour tous qu'ils fussent excusez, leur en savoit bon gré, et que, si un jeune homme n'est un peu pront et esveillé, mal-aisément et à peine pourra-il estre bon compagnon et se trouver aux lieux d'honneur; que, de jeune hermite, vieux diable. Au reste, parlant à eux d'une face gaillarde, qu'ils ne se souciassent de rien, et qu'il avoit pareilles assez pour se revancher. Après laquelle petite galantise remise et pardonnée, vous les eussiez veu observer et recognoistre les façons, gestes et contenances de ce gentil-homme, en tout ce qu'il disoit et faisoit, comme la vertu d'un brave homme se fait désirer et admirer en quelque lieu et forme que ce soit, o

Eutrapel lors se mit sur les rangs et en voulut estre, disant qu'un messer vénitien luy contoit un jour, en la place Sainct Marc, de la France, où il avoit esté avec leur ambassadeur; trouvoit les François gens honnestes et humains; toutesfois qu'il ne se contentoit aucunement d'une espèce et genre de petits hommes qu'il avoit veu en

la cour habillez de diverses couleurs. « Je ne say, disoit-il, quels offices ils ont, s'ils sont des finances ou du conseil; mais ces petits diabloteaux, qu'ils appellent pages, vous tireront tantost par la cape, puis d'un costé, puis de l'autre, faisant semblant regarder ailleurs et demander quelle heure il est. Toutefois, disoit le preudhom, je les estime gens de bien et d'honneur. »

Lupolde dit qu'il n'aymoit aucunement telle sorte de marchans meslez, d'autant qu'un jour, bonnetant et courant après un secrétaire qui luy tenoit sa depesche en longueur pour attraper quelque escu d'avantage, ils luy desroberent son chappeau plus de dix fois, et autant le rachetoit tousjours d'un douzain ; mais qu'il en avoit eu bon m.arché, au pris d'un escholier, qu'ils reconnurent, parce que huit jours devant il leur avoit fait la nique et jette des pierres comme ils passoient par l'Université. Neantmoins,voyans qu'il estoitseul, il eschapa, et en fut quite pour demye douzaine de chiquenaudes, qu'un laquais luy donna en pur don, de l'ordonnance de ce prudent sénat. Car c'est un point et maxime de droit que les laquais se veulent comprendre, ou bien estre accessoirement joints et associez, suyvant l'edict, avec messieurs nos maistres les pages, et ainsi avoir esté jugé. Car, quand l'huissier Beaussierfit comman-

I08 DESPAGES

dénient ausdits laquais se taire, ne mener bruit et ne faire la guerre aux esprons appellans et intimez qui se promènent aux sales du palais, ils demandèrent bien et beau le double de sa commission; et au demeurant, que leurs causes estoient commises ailleurs, où et quand ils seroient bien et deuëment adjournez, ils respondroient, et non autrement, par le mystère et organe des pages, leurs compères et anciens confederez.

Polygame dit que le mesme capitaine, duquel cy dessus a esté parlé, estoit marié à une fort honneste damoiselle, mais la plus avaricieuse et chiche qui fust au pays, n'osant manger son saoul, de peur que la terre ne luy deffaillist , comme fait la taupe. Il la laissoit assez faire le petit pain ; de son costé, faisant grand' chère, mettoit tout par escuelles, ne se souciant au reste que de ses armes et chevaux; mais, pour dire tout, il alloit aucunefois au change, disant qu'il gardoit sa femme pour les grand's festes et qu'il ne la vouloit mettre à tous les jours : quelle proposition n'estoit pas bien aggreable à celle qui y pretendoit interest formel, encore qu'elle fust plus aagée que luy et qu'il ne l'eust espousée que pour ses biens, et non pour ses vertus, ce qui se fait trop souvent : pépinière et source des plus malheureux et tristes mariages.

Un jour, se pensant bien caché et hors la portée du canon, qu'il joûoit un peu trop famiHerement à l'une des damoiselles, sa femme le print sur le fait, et lors qu'il n'y avoit plus que les ciseaux entre deux, disant : « Vous excusez que je suis malade par fois, mais je veux bien que vous entendiez que la grange ne fut onc si pleine que le baloy ne peust bien derrière l'huis. » Et en ce disant luy donna deux ou trois coups sur les espaules, comme vous savez que jamais coup de jument ne fît mal à cheval. Luy, de son costé, crie : « A la force! au meurtre! au feu! au feu! bonnes gens, au feu ! » Ses serviteurs, à ses doléances et plaintes, accourent à longue haleine, et sur tout son trompette, car il estoit lieutenant d'une compagnie de gens-d'armes, auquel il commande prontement monter au haut de la maison, et là trompeter et fanfarer, pour appeller tous ses voisins à son aide. Lesquels incontinent, à ce cry, qui estourdissoit et se faisoit ouyr de bien loin, par ce vent gresle et tempestatif, se trouvèrent sur le lieu équipez et embastonnez, pour le secourir, esteindre le feu, ou faire quelque autre service signalé. Ausquels, estans en rond à la façon de la guerre, il raconta son desastre et advanture : entre autres, que sa femme l'avoit battu, ce qu'onc homme n'avoit fait, et, pour ceste cause, les avoit fait appeller

tlO DES PAGtS

pour le mettre en leur protection et sauvegarde; que pour tel bienfait, afin de n'estre ingrat, les vouloit présentement festoyer, ce qu'il fit : car tout ce qu'il y avoit de pain, chair, vin et autre artillerie de gueule, fut desployé, mangé et beu, tandis que sa femme fongnoit et rechignoit à pause et demis souspirs. Toutefois, cognoissant le naturel de son mary, qui ne faisoit pas cas ne estât de telles grimaces, elle descendit pour entendre d'où procedoit ceste émeute et desbauche; ce qui luy estant raporté, et voyant que toutes ses provisions estoient mangées et depeschées, craignant aussi pareil inconvénient une autre fois arriver, promit à son mary, d'une contenance gaye et changée (car d'un traict, en matière de femmes, issent en mesme instant les pleurs et ris ensemble), ne faire jamais la foie, et qu'elle ne croiroit rien de luy qui ne fust digne d'estrecreu, ou si elle mesme ne le voyoit de ses propres yeux et en personne. « En bonne foy, m'amie, dit une vieille tante qui , voyant qu'aussi bien tout estoit perdu et abandonné, avoit triomphé à bien vuider les pots, la jalousie fait plus mourir de femmes que les femimes ne font mourir d'hommes. Helas! les bons vauriens y prennent plaisir; mais je leur laisseroye si peu de quoy faire en leur escarcelle, et d'ancre au cornet, qu'ils ne peussent voyager

ne chevaucher ailleurs. Quand cela est, l'on a beau batre les cloches, devant que les paroissiens soyent venus. Vous m'entendez bien. »

Que les juges doivent rendre justice sur les lieux.

^J k^^f^ UTRAPEL se présenta un beau matin def^^Bvant Polygame, botté, espronné, et 2^^ son cheval à la porte, prenant congé de luy pour aller à Paris plaider, et où il avoit esté appelé à requeste d'Hipocrates le jeune. S'arrestoit aux juges des lieux qui congnoissoient les parties et le mérite de leurs causes; /uxfa illud, tu magis scire potes : il beuvoit avec eux, joûoit à la paume, faisoit la musique, et autres familiaritez dont il se taisoit. Conclusion : que les juges devroient ordinairement se promener par la ville, par les marchez et tels lieux publiques, et non résider et faire bonne mine en leurs estudes, pour entrer ausquelles y avoit plus de mal de la moitié qu'à jouer d'une mandore à gauche.