RENDRE JUSTICE SUR LES LIEUX. II

qui a passé par les mains de beaucoup, qu'il devoit, en ce tumulte et desordre de religion, se saisir du total revenu des biens de l'Eglise, non pour se les approprier et faire siens, ains y pourvoir, comme souverain magistrat; et ce faisant, sans toutesfois se départir de l'amitié, filiation et bienveillance de nostre Sainct Père, faire qu'il n'y auroit plus de gueux, belistres et autres coquins en son royaume, desquels il faisoit le conte à deux millions de personnes, en leur faisant rendre, au distribuer, la tierce partie des dismes et revenu ecclesiastic aux paroisses dont ils sont natifs; au demeurant, que ceux qu'on appelle le clergé fussent changez par eveschez, abbaies et paroisses, de demy an en demy an, alternativement, à ce que chacune province participast aux commoditez et incommoditez l'une de l'autre.

« Cela, dit Lupolde, seroit bien de difficile exécution, car les gens d'église ont tant faict, par leurs journées, qu'ils sont plusieurs fois plus riches que le roy, sa noblesse et le tiers estât. Que si le royaume de Francevaut douze escus, ils en ont sept à leur part, ainsi que ce docte Bodin a escrit et calculé, sans parler du livre appelle le Cabinet du roy. Leurs richesses, dit Lupolde, leur feront trouver hommes et argent pour s'opposer à telles altérations et changemens.