RENDRE JUSTICE SUR LES LIEUX

seulement œconome et dispensateur, et faire payer les gens d'église, comme il faict ses autres officiers, et à leur main, pour avoir plus de moien vacquer à prières, jeusnes et oraisons, et, sans avoir occasion d'aller, plaidassant ainsi par les justices, et amasser leurs droits, que les officiers du roypoursuivroient et menageroient beaucoup mieux et avec moins de scandale; joint le beau loisir et grande commodité d'estudier, prescher, administrer les sacremens et faire plus mystérieusement le service divin qu'ils n'ont, non seulement de la moitié, mais du total en tout et par tout; que cela n'estoit aucunement nouveau; mesme que les princes françois avoient autrefois mis la main bien avant à cest affaire. Concluoit que cela se devroit faire pour la décharge de la conscience du magistrat et des gens d'église, dont ceux qui avoient entendement plus net le souhaitoient, pour le bien et repos de tous. Ainsi se disoient les apostres, Missi ou envolez; et seront beaucoup mieux receus et ouis les estrangers que ceux originaires du pays ; nemo propheta in patr'ia, nul n'est prophète en son pays; chacun désire que ses imperfections ne soient decelées : ce qui se fait plustost chez nos voisins qu'en nos villages, où l'on nous congnoist jusques dedans la ratte; laquelle congnoissance diminue et appetisse beaucoup de nostre réputation,