RENDRE JUSTICE SUR LES LIEUX

les décrets et ordonnances de la saincte Eglise catholique, en laquelle s'il y a quelques vices ou erreurs, si est elle tousjours Eglise. « Si ma mère est putain, disoit Marillac, evesque de Rennes, à ce propos, encore est-ce ma mère. » A laquelle les souverains magistrats doivent rendre sa chasteté et premiers habits nuptiaux, s'ils se veulent conserver en la crainte de Dieu et amitié de leurs subjets, afin de satisfaire et clorre le bec à ceux qui disent qu'ils reviendront à l'Eglise quand elle sera nettoyée et repurgée, comme font les citoyens en leur ville quand la peste en est hors : ce qui ne fut onc en ceste Eglise visible et militante. « Et faut, disoit saint Paul, qu'il y ait des hérésies. »

mm

Des Bons Larrecins.

ouRTELiER cstoit l'un dcs plus gentils let experts mareschal, serrurier, harquebusier, fondeur de cloches et artillerie, qui fust en tout nostre Océan ; et me souvient dit Polygame, que messieurs du Conseil, qui lors estoient en Bretaigne, expedians les appellations criminelles, furent bien empeschez en ce poinct de droit, que, pour l'excellence d'un bon artisan et ouvrier, ou autre considération de qualité, on peut remettre et commuer la peine de mort. En quoy plusieurs estoient d'avis que, sur l'appel de mort interjette par Tourtelier, accusé de fausse monnoie, on devoit avoir l'avis du roy, comme telles grâces dépendent de sa seule grandeur. Toutefois, la fréquence de tel délit emporta la

120 DES BONS LARRECINS.

balance, et mourut bouilly en l'eau, avec toutes ses sciences ouvrières. Il savoit forger et polir fort proprement les arcs d'arbaleste, mais la manière et industrie de les bien tramper, comme faisoit Houlard d'Avranches, le plus expérimenté en cest article qui fust deçà les monts, luy deffailloit.

Tourtelier, toutes choses cessantes, habillé en gueux, se présenta à la forge de Houlard, et, après plusieurs injures receues : coquin, grand truanî, grand pendard! fut instalé à fendre le bois, porter le charbon et frapper sur la grosse enclume, où il faisoit mille fautes et incongruitez. Tantost il frappoit à costé, tantost à travers, et le plus souvent sur le billot où elle est plantée. Les serviteurs, qui tous estoient venus de parties lointaines pour apprendre de Houlard, et notamment pour crocheter ce secret de la trampe, donnoient advis qu'on devoit chasser et renvoier ce grand vilain Breton, larron et ignorant, en son pays.

— Le Breton, dit Eutrapel, qui desroba le cordeau dequoy le Normand devoit estre pendu, se doit il appeller larron? Car j'ay leu que Britones non latrones, sed laterones, dicebantur, quod clauderent latiis principum, et estoient gardes-corps des princes, comme l'on voit les Escossois, le tout pour la seurté et fiance qu'on avoit en eux.

— Les autres disoient que ce seroit grande au-

DES BONS LARRECINS. I27

mosne luy faire gaigner sa vie ; qui esmeut Houlard à le prendre de plus prés à son service, estimant qu'il pourroit s'aider de ce gros asnier à bourelet à faire ses eaus et trampes, sans crainte qu'il en eust comprins la science. Il entre au cabinet : il souffloit à grandes tirasses; mais Houlard, en riant, luy apprenoit à modérer les soufflets et les mener par les moyens compassez et requis.

— A-vous bien veu, dit Eutrapsl, jouer des orgues (c'estoit moy qui soufflois;, ou bien d'un sot organiste, lequel, tancé et rabroué de ce qu'il ne faisoit rien qui valust, respondit : « Messieurs, quand je cuide sonner un Sanctus, le souffleur souffle un Gloria in excelsis, où les plus fins seroient trompez » ?

— Tourtelier,continuoit Polygame, fit tant en ses journées qu'il apprint, par ses feintes niaisetez, tout ce que son maistre savoit; et un jour de petite feste, que les compagnons estoient allez à la desbauche, et le bon-homme de Houlard à sa grand' messe, Tourtelier, lequel, comme dernier venu, portant la clef de la forge, fit un petit arc d'arbaleste trampé et mignonnement dressé, lequel il mit sur la grosse enclume, la clef sous l'huis, et au pied vers les Trois-Maries, prés Rennes, dont il estoit. Le lendemain vous n'eussiez ouy que : 0 Où est la clef.-' Où est le Breton ? Je disois

128 DES BONS LARRECINS.

bien qu'il nous donneroit un coup de son mestieioudeson fouet! » Finalement, cest arc trouvé, etapprinsn'estrede la façon de pas-un, Houlard, l'ayant fait monter, et congneu qu'il estoit de sa trampe, se happa au nez, disant aux compagnons pour s'asseurer encore de plus : « Est ce point quelqu'un de vous qui l'a fait? wMais il ouit, una voce dicentes : « Ce n'a pas esté moy, nemoy, nemoyy> , et per omnes casus;«Nemoy,ne moy. «La plus part disoient que c'estoit bienfaict, et qu'il n'eust pas monstre son secret à l'un d'eux, qui le venoient trouver de si loing et à grands frais. Ce fut a Houlard à piller patience de Lombard. Mais un jour, estant venu à Rennes, comme estoit sa coustume, avec dix ou douze chevaux chargez d'arcs d'arbalestes, il va recongnoistre, à la butte du champ Jaquet, son valet Tourtelier, qui, de sa part, avoit apporté pareille marchandie. Ce fut lors qu'après avoir honnestement requis pardon de telle tromperie, qu'il baptisoit du nom de bonne (nam veteres honum dolum dixerunt), laquelle luy avoit cousté maintes injures et coups depoin sur ses espaules, ils s'embrassèrent d'un haut appareil, beurent ensemble, à la charge que Tourtelier celeroit la science de tramper, et auroit bon bec, et que Houlard, de son costé, l'accorderoit avec les compagnons de la Prairie blanche, ausquels il se recommandoit ,

DES BONS LARRECINS. I29

oniisso medio, et sans autrement approuver leurs qualitez. »

Lupolde se mit sur les rangs, disant que telle promesse et vœu n'est non plus tenable que celuy d'une femme qui auroit juré et promis n'oster sa chemise au lict, suivant la glose singulière au canon Manifestum, 33. qusst.

« Mais celuy des quatre mandiens, dit Eutrapel, qui est jurer et faire ceste haute promesse qu'ils vivront sans rien faire, aux despens du peuple et aux enseignes du bon-homme Peto, d'Orléans, est elle tenable passive? Car active ils l'ont ainsi chiffrée, ne mutetur.Je n'entens en ce comprendre frère Fredon et les galans hommes de sa suitte; mais j'approuve , avec toute l'antiquité, ce brave et nécessaire larcin de Cneus Flavius, autant que celuy dont nos théologiens scholastiques font de celuy qui a desrobé l'espée dont quelqu'un avoit délibéré tuer son voisin : car il print en la librairie publique de Rome le livre des actions et formules de mettre en procès et adjourner, le publia et mit en lumière, si bien que ce livre, tant curieusement gardé, aprint à tout le peuple par quantes manières on doit plaider.

N'a pas long-temps qu'un certain philosophe alchemiste me vint trouver, se ventant et se faisant fort savoir ceste belle pierre philosophale,

l3o DES BONS LARRECINS.

à laquelle se sont frottez, heurtez et rompus tant de gentils esprits : dont les uns y sont demeurez fondus avec leurs bourses, car ils font de cent solds quatre livres, et de quatre livres rien; et les autres, qui ne sont tant hasardeux, s'en retirent bagues sauves; autres, plus spéculatifs, s'appellans spagiriques (devinez que c'est, car il n'est hebrieu, grec, latin ne bas-breton), font comme les jurisconsultes dont parle Cicero : cum in jure nihil profechsent, ad rubricas sese contulerunt; n'ayans rien apris en droit, se sont retirez à la chiquane. Ainsi ces bons operateurs, n'ayans peu rencontrer leurs transmutations métalliques, se jettent par leurs sels, extradions, huiles, quinteessences , sur la médecine qu'ils appellent nouvelle, où quelque fois il se treuve je ne say quoy de bon, comme disoit la bonne femme qui peschoit atout un mail en la mare de son fumier, laquelle, sur ce qu'on luy disoit qu'il n'y avoit aucun poisson dedans, respondit que les coups portent quelques fois qu'on n'y songe pas.

Cest abstracteur d'idées ou essences, suivoit Eutrapel, vouloit à toute force et extrémité que je l'eusse accommodé de lieu, pour faire la réduction des quatre elemens, selon Raimond Lulle,ou des trois principes, selon Paracelse et puis dites que je n'y entens rien , et, cela fait, que j'eusse à

DES BONS LARRECINS. l3l

chercher quelque royaume pour acheter, parce qu'il fourniroit d'argent. Appelloit a son aide les livres de Jean, pape vingt deuxiesme; la lettre d'Alexandre le Grand à Aristote, qui est en Aulu-Gelle ; les traitez de Salomon, des princes afriquains, et, pour clorre le conte, du magnifique Meigret. »

Atoutquoy Eutrapeldisoit avoir respondu qu'il ne doutoit aucunement de tout cela, mais s'esbahissoit, attendu les grandes promesses qu'il faisoit, comme il estoit si mal en point, sans chausses, souliers, et un meschant manteau qui ne luy attaignoit que le bout des fesses. Et sur ce disoit que ce vaillant philosophe luy avoit dit, bien bas et en l'aureille, qu'il falloit et estre expédient que les enfans de la science marchassent aussi sur la terre en toute pauvreté et humilité, de peur qu'un roy ou grand seigneur ne l'eussent enfermé en quelque chasteau et le contraindre à faire illec une infinité de linguots d'or, par le moyen desquels se pourroient mouvoir de grosses guerres injustes et mal fondées; desquels scandales et meurtres il ne vouloit, pour mourir, estre occasion, ne y participer; et que l'issue de leurs contes avoit esté, que ce souffleur et affronteur luy demandoit un teston à prest, à don, interest, ou autrement deuement.

Polygame lors, qui estoit assez tardif en ses jugemens (car de fol juge brève sentence), estoit

^'^ DES BONS LARRECINS.

au bout de ses finesses sur la vérité de ceste pourpensée et haut-louée science chemiste, laquelle n'osoit asseurer, pour n'y entendre rien que par ouir dire à des hommes vains et notables advanceurs de contes à crédit. Bien le retenoit aucunement le tesmoignage d'Oldradus, le plus eminent et insigne jureconsulte de sa saison, lequel, en un sien conseil, afferme la science d'alchemie et transmutation des métaux estre permise et non défendue, pourveu qu'il n'y ait péché en la forme ne en la matière ; et avoit leu au commentaire de Jean André sur le titre De fa/s/s, au spécule, que de son temps il avoit veu à Rome (il faut qu'il y ait deux cens ans et plus) Arnaud de Villeneuve faire de petits lingots d'or, qu'il exposoit à tout examen, et qui le soustenoient. Et Cardanus, qui est de nostre temps, raconte d'un apoticaire trevisan qui convertit l'argent-vif en pur or devant la seigneurie de Venise : cela doit estre arrivé l'an mil cinq cens quarante sept. Ce que Scaliger, reformateur des théorèmes de Cardan, ne peut' digérer. Le pape Léon dixiesme eut bonne grâce, quand Augurel luy présenta un beau livre en vers latins, nommé la Chrysopée ou l'art de faire l'or, espérant avoir quelque présent pour recompense,' quand il luy donna une belle grande bourse de satin, disant, puis qu'il savoit et escrivoit la façon

DES DONS LARRECINS. l33

de faire l'or, il n'avoit besoin, à ce conte, que de bource et sacs à le mettre.

Lupolde, qui estoit un grand souffleur, mais c'estoit au verre, disputa longuement sur cestc première réduction du corps à l'ame, qui est ceste eau philosophale tant cherchée, et moins rencontrée • qu'il avoit congneu un grand nombre d'hommes ruinez par ceste fine folie, et avoir veu de son temps que le grand rendez-vous de tels académiques estoit à Nostre Dame de Pans, ou aux portaux d'églises, que Nicolas Flamel, grand et souverain arracheur de dents en ce mestier, avoit faict construire. « Et sur tout on les voit par bandes et regimens, comme estourneaux, se promenans aux cloistres Sainct Innocent à Pans, avec les trespassez et secrétaires des chambrières, visitans la dance Marcade, poëte parisien, que ce savant et belliqueux roy Charles le quint y fit peindre où sont représentées au vif les effigies des hor^mes de marque de ce temps là, et qui dansent en la main de la mort. Parmy lesquelles peintures Y a, des deux costez du cimetière, deuxpourtraits, d'un lion rouge et d'un serpent verd, iUec faict mettre par iceluy Flamel, avec bonne dotation pour l'entretenement d'iceux. Et dii on (vous en croirez une partie, et l'autre vous la pourrez mettre à meurir) que jamais la phiole de Tantalus, ou

DES BONS LARRECINS.

les deux lampes trouvées encores ardentes, environ cent ans sont, au territoire de Padouë, dedans le sepulchre de l'ancien Olibrius, n'y font rien, si vous ne voulez y coucher et employer le sainct Graal, qui estoit une fiole pleine d'un baume si mirifique, après lequel les chevaliers errans coudoient, comme petis' gars qui auroient adiré leurs vaches. »

Débats et Accords entre plusieurs honnestes gens.

'^^'est une vieille coustume en ce pays, ^et croy que par tout ailleurs, de se o..-..>^^trouver et amasser chés quelqu'un du vm'aTe, au soir, pour tromper les longueurs des nuits, et principalement à l'hiver.

« Au temps, dit Lupolde, que nous estions aux escholes, à Bern, prés Rennes, soubs ce docte sophiste Gaillard (car il eust bien prouvé, à fine force d'arguer, que vous eussiez disné, encore que vous n'eussiez rien mangé que vostre mords de bride, comme les mules du palais), il se faisoit des filer.es qu'ils appellent veiUois, tantost à la Yalée, tantost à la Voisardiere, h Souillas, et autres lieux de réputation, où se trouvoient de tous les environs plusieurs jeunes valets et bardeaux, illec s'assem-

r36 DEBATS ET ACCORDS

blans et jouans à une infinité de jeux, que Panurge n'eut onc en ses tablettes. Les filles, d'autre part leurs quenoilles sur la hanche, filoient, les unes assises en lieu plus eslevé, verbi gratia, sur une huge ou met à longues douettes, afin de -faire plus gorgiasement pirouetter leurs fuseaux, non sans estre espiez s^ils tomberoient : car, en ce cas, y a confiscation, rachetable d'un baiser. Et bien souvent il en tomboit de guet à pans et à propos délibéré, qui estoit une succession bien-tost recueillie par les amoureux, qui, d'un ris badin, se faisoient fort requérir de les rendre. Les autres, moins ambitieuses, estans en un coin, prés le feu' regardoient par sur les espaules des autres et plus avancées, se haussans sur le bec du pied, et minutans les grimaces qui se faisoient en la place et comble de l'hostel, tirantes et mordantes leur fil, et, peut estre, bavantes dessus, pour n'estre que' d'estouppes.

Que si, par fortune, le gros Jean Robin, ou autre, monstroient aux jeux qu'ils menoient le haut de leurs chausses à descouvert, ce n'estoient les dernières à rire à gorge desployée, avec la mam entr'ouverte devant les yeux, pour asseurer toute chose et se garantir du hasle. Là se faisoient des marchez, le fort portant le faible; mais bien peu, par ce que ceux qui vouloient, tant peu

ENTRE PLUSIEURS HONNESTES GENS. iBy

fust, faire les doux yeux; remettre les tetins, descendus sous l'aissele par le continuel mouvement du fuseau, en bataille et en leur rang; desrober quelque baiser à la sourdine, frappant sur l'espaule par derrière, estoient contreroolez par un tas de vieilles, qui perçoient de leurs yeux creux jusques dedans le tait aux vaches, ou par le maistre de la maison, estant couché sur le costé en son lict bien clos et terracé, et en telle veuë qu'on ne lui peust rien cacher. Je ne me veux pas restraindre si exactement et de si prés sous Fedit des presidiaux qu'on ne peust dire le petit mot, cahin caha; mais c'estoit faire l'amour par mariage : car en te'lles assemblées beaucoup d'honnestes familiaritez sont permises, comme en Alemagne, où les garçons et filles sont couchez ensemble sans note d'infamie; et leurs parens, interrogez sur les articles de telles privautez, respondent : « Caste dormiiint. » C'est jeu sans vilenie, et là se préparent et commencent de tresbons et heureux mariages. »

Eutrapel , qui estoit merveilleusement scrupuleux, et difficile à faire tomber en bonne opinion ceste fréquentation si approchante, en l'endroit mesmement des Alemans d'aujourd'huy , qui,ayans dégénéré et perdu leur première et rustique naïveté, sont tant francisez, espagnolisez et

ï38 DEBATS ET ACCORDS

italienisez, disoit qu'il n'y auroit pas grande seurete en icelles approches; r,ue nature estoit trop coquine, que c'estoit mettre le feu bien prés de l'amorche. Et sœur Binette souloit dire qu'un chose estoit bien tost coulé, et avoir ouy dire à sa grand' tante que dom Jean Orry, de Noyai sur Seiche, demanda à nostre maistre Prau, y preschant notamment contre la paillardise des prestres, qui l'avoient refusé de l'accommoder • «Venez çà, frère Jean. Si une belle fille vous chatouilloit au lit et pinsoit sans nre, que luy feriez vous? - Je say bien, respond magister noster nostrandus, que je devrois faire; mais je ne say que je ferois. » Passons outre.

Lupolde, de son costé, se fascha d'estre ainsi interrompu par ce muguet, qui tousjours estoit en fièvre comme les singes, ou celuy à qui Marion a tardé venir à l'heure dite; y joinct, comme dit Homère sur le calendrier des bergers : « Merde {galhce loquendo) en la bouche du prescheur qui nestescouté. Place, place! voicy monsieur

Les valets de la Valetiere pour reprendre nostre chèvre à la barbe (ainsi sont appeliez les jeunes garçons à marier, et entre les anciens estoient les jeunes gentils-hommes appeliez jusques à l'aage de dixhuit ans valets, qui se nomment en ce jour pages), avoient esté trompez peu de temps aupa-

ENTRE PLUSIEURS HONNESTES GENS. l3()

ravant, allans ausdites veilles et fileries, par ceux de Tremerel, associez de longue main aux habitans de Ramussac, pour raison, ainsi que l'on croit, des espines qu'ils avoient mises sur le bout des eschaliers, de sorte que, cuidans mettre la main dessus pour passer de l'un champ en l'autre, se piquoient les mains avec grand' effusion de sang, pleurs et ris in eodem siibjecto. Par autres fois avoient noué des genêts et attachez ensemble au travers des routes par lesquelles ceux de la Valetiere, Houssiere et Orgevaux dévoient passer la nuit : occasion que les premiers tomboient de grands sauts à dents, qui aprestoit aux derniers moitié figues moitié raisins, moitié peur et moitié ris. Et, non contens de ce, lors qu'ils rencontroient les pauvres Valetois, leur demandoient, faisans bien les simples et marmiteux, s'ils avoient passé par tels et tels endroits; puis tout d'un coup s'esclaffoient de rire si démesurément qu'ils en pissoient en leurs chausses et celles de leurs voisins. Et bien souvent en fussent venus aux mains et entrebatus, sinon que les plus rusez de la Valetiere empeschoient qu'on ne passast outre, bien que quelques uns d'eux aleguassent et missent .en fait que les filles de la Simonnaye, à l'occasion d'icelles moqueries, ne leur faisoient si bonne chère comme elles avoient accousiumé, et qu'on

s'en estoit bien apperceu, tant en la soûle de Chanteloup, où elles se seroient cantonnées et mises à part, que pour n'avoir daigné, en fenant aux prairies de Chasteau-Letard , respondre aux chansons que les hardelles de Roiard disoient de l'autre costé, la seule rivière de Sèche entre-deux, fors la pauvre Armelle Simon, qui, encore qu'elle en fust bien tancée par ces despiteuses, s'avisa, pour sauver l'honneur commun, respondre à un seul verset de chanson, encore en voix beelante et tremblante, comme les Alemans. Si conclurent ils neantmoins qu'il falloit avoir leur revanche, à quelque pris que fust le bled, mais par un moien honneste et mieux délibéré, que trouva dom Jean Pichon, l'un des plus adroits pescheurs à la ligne qui fust au quartier (et n'en déplaise au mounier de Blochet), lequel, ayant descouvert une fîlerie de haut appareil, qui se devoit faire à la Tousche, et où ceux de Places n'auroient garde de faillir se trouver, dressa aux quatre cornières d'un travouil quatre gros flambeaux, composez en belle molaine sèche et bien ointe de graisse. Et lors que André Loheac, leur espion, les vir.t jîdvertir que sans doute les Placerons avoient desja passé la fontaine de Bouillant, faisant beau bruit et tintamarre, dom Jean commença tourner et virer leur instrument avec son équipage, petit à petit, à

pauses et intervales ; puis, tout d'un coup, comme les mouvemens d'un horloge, dégoûtez si vistement que tout sembioit estre en feu.

Quand les maire, eschevins et autres habitans de Places apperceurent ce terrible engin ainsi miraculeusement enflammé et bruslant, ce fut aux premiers à tourner le dos, fuir le chappeau en main, à longue course, crians et huchans : « A la force! miséricorde! » et renversans, rompans et brisans tout ce qu'ils trouvèrent devant eux, aussi furieusement comme le gros bataillon des dix mille lansquenets du marquis du Gast, et à la journée de Cerisoles l'an 1544, fît sur le reste de l'armée impériale; qui fut occasion de la rupture d'icelle par la charge foudroyante des quatre vingts hommes d'armes avec leur haut appareil et chevaux bardez du seigneur de Routiers, Dauphinois. Vous eussiez ouy, comme à un loge qui peut, lors qu'ils furent un peu esloignez et prins haleine, criailler et s'entr'apeller, afin de se recueillir et remettre ensemble pour gaigner leur village, mesme pour attendre partie des filles, les unes desquelles estoient aux bouillons jusques à je ne dy mot, les autres et la plus part ayant perdu quenoilles, fuseaux, pezons et semblable attirail du mestier, sans y comprendre une trentaine de couvre-chefs, sauf erreur de calcul, qui

demeurèrent pendus et acrochez par les hayes et buissons, comme la peur aux talons met des ailes. Le lendemain, il ne couroit autre bruit par tout, qui vola jusques bien loing hors le pais, à Clays, que ceux de Places avoient trouvé le loupgarou. Autres affermoient que c'estoient les fées, courroucées de ce que les filles alloient la nuit, et que plusieurs estoient tombées à la renverse et avoient fait le saut périlleux. Mais la plus saine et suyvie opinion fut que c'estoient les sorciers de Retiers qui cherchoient du treffle à quatre fueilles pour aller à Haguilanneuf suyvant la reigle du Publicandis. Toutefois, les choses bien conneuës et avérées, et mesme par ce dom Jean qui avoit faict toute la traînée, qui s'en estoit vanté et avoit publié l'affaire chez Pitouays, au bourg de Sainct Erblon, leur demeura seulement l'envie de s'en pouvoir venger et rendre la pareille en mesme monnoye, conduits et menez, ce dit l'on ^car je ne veux rien mettre du mien, ne rien controuver : Sponde, prœsto noxa est ; soyez caution, asseurez-vous quant et quant de payer), par la consultation de Bourtouraut, auquel menant un muy de vin ils avoient refusé deux chevaux pour le desgager et tirer son harnois d'une bourbe et fondrière d'entre le Vionnoy et Galemeaux. Neantmoins, après y avoir bien songé et rêvé in utro-

que jure, se résolurent n'en faire cas, et en rire comme les autres lors cju'on viendroit sur tels propos, et estre le souverain expédient pour se depestrer de toutes injures. «Tu es usurier», disoit quelqu'un; lequel respondoit à quartier, et non de droit fil: « Il ne l'est pas qui veut.» Autrefois: «Tu es un glorieux». « Ouy, respondoit il, car il me sied et m'appartient, pour avoir toutes les parties et forteresses requises à un brave et galant gentil-homme, et non à toy, qui es un vilain envelousté». « Buridan dit que tu es un meschant, que tu as fait cecy et cela. » La response fut : « Mon doux amy, dy au seigneur Buridan que, s'il luy plaist m'oùir et escouter sur le progrés de ma vie, qu'il apprendra bien d'autres imperfections et fautes sur moy que celles qu'il m'impose. » Cicero avoit cela de bon , traverser les raisons de l'advocat son adversaire dont il ne se pouvoit depestrer que par risées et facéties. Demosthene, un joueur de plat de langue comme luy, fit dextrement, lors que on luy objecta qu'il avoit fuyle jour de la bataille : « Ouy, dit-il, pour combatre une autre fois, et reculer pour mieux sauter. »

— Le Chiquanoux d'Aurillé ne print pas ce chemin, dit Eutrapel, car les valets et courtaux de boutique, laquais, martinets du collège de la Frommagerie, et autres frippons et gens d'hon-

neur de la ville d'Angers, voyans qu'il se courrouçoit et prenoit à partie tous ceux et celles qui l'appelloient Chiquanours, les fit adjourner devant le prevost, concluant, depuis le soleil levant jusques au couchant, à réparation d'injures et prohibitions à l'advenir. Les defences furent faites, et signifiées à ban et cry public; mais les adjournez et leurs associez pretendans interest, pour n'enfraindre la sentence, le voyans passer, disoient seulement de main en main, et assez bassement : « Chic, chic »,ce qui lui tourmenta encore sa caboche de plus de pied et demy, jusques à les mettre de nouveau en procès. Mais le juge, parties ouyes, déclara les défendeurs mal et folement intimez, avec adjudication de despens taxés à deux pots de vin, et la suite; et que ce mot : chic, chic, bien enté, pouvoit facilement et de gré à gré engendrer une chiquenaude, voire demie douzaine. Les escholiers de Poitiers , sur la defence faicte par l'assesseur ne porter espées chez Maturin le pasticier, les trainoient après eux, alleguans que il n'y avoit contravention à la sentence, et qu'en pareils et semblables termes il avoit esté jugé dernièrement par le juge d'Angers avec le Chiquanoux d'Aurillé, et que sententia in simili facit jus 7. nescio. ff. de vasquinis tollendis]. Mais le bon-homine de juge estoit fasché d'ailleurs : c'es-

toit qu'une bande d'iceux escholiers avoient appelé, relevé et intimé de la sentence par luy donnée contre le chien de Bergeron, lequel il avoit condamné par provision estre en prison huit jours au pain et à l'eau, pour luy avoir happé son chapeau qu'il tenoit en sa main allant tenir son audience.

Le mesme hazard et accident fit quelque brèche à l'honneur de ceux de Nonnaitou, quand ceux d'Amantis vindrent, par despit, dancer autour de leur cimetière, avec le petit bonnet et la belle fueille de chesne joincts et adhérez pour se recognoistre, trois ou quatre gros cailloux en leurs bragues, le moindre coup desquels rué de ces forts et puissans bras abatroit l'homme et cheval armez. Car, s'ils n'eussent rien dit, ains seulement les regarder et en rire en forme de corps politic ou autrement, il ne s'en fust pas basty une chanson mondaine qui trota par tout le monde, c'est à dire jusques à Chante-Pois, Tramabon, Mordelles, et autres provinces adjacentes. »

Polygame, voulant adjouster, ou plustost conduire la suite du précèdent conte, dit que, du temps que premièrement il fut envoyé à Poitiers pour devoir estudier, il trouva à Chasteau-Giron (où est ceste grande tour de laquelle, tous les jeudis, soit jour ou non, il se tire dix à douze

mille livres de beurre jaune comme or, sans qu'il en tombe une seule pierre Charles Lancelot et Grand-Jean de Pire, son frère, voituriers et bons compagnons, qui furent nos guides et meneurs. « Et d'autant, dit-il, qu'ils me trouvoient à leur fantasie bon rompu et goulu de mesme, parce que, volontairement et sans me faire tirer l'aureille, je tirois a l'escarcelle pour leur donner le vin, ils me promirent en revanche me faire par les chemins bon traitement et composition honneste, « Mais pour le regard, me dirent-ils, de vostre compagnon (parlans d'un escholier sortant du collège, c'est à dire s'estimant, au jugement de sa mère, du curé et de luy, le plus habile du pais), il en aura des plus meures du panier. Et vous sauvez par les marests au mieux que pourrez; encore y travaillerez vous, si vos bottes sont à l'espreuve des mares de Tancre. »

Au soir, arrivez que nous fusmes à Moulins (ce n'est pas en Bourbonnois, pour ne mettre un erreur et qui pro quo , comme le secrétaire de l'empereur Charles le Quint en la capitulation de la prinse du duc de Saxe, où il mit enig pour eu/g, l'un signifiant sans et l'autre avec, qui fut cause de le retenir cinq ans prisonnier : car il se trouva escrit : avec prison, où il estimoit y avoir : sans prison; en quoy ne faut faillir, tesmoin ce grand

Auguste, qui déposa un sénateur pour n'avoir entendu l'orthographe, et escrit isi au lieu d'ipsi; c'est donc prés la Guiche où les suplians vont entrer en grosses et terribles disputes;, Grand- Jean, qui se disoit demandeur, se complaignoit énormément des mauvais et estranges tours que Charles, son compagnon, luy avoit fait, les articulant sur ses doigts par le menu et en détail, fort méthodiquement : « Vrayement, monsieur Joannes (ainsi s'appellera l'escholier), il me deplaist qu'un homme de sçavoir comme vous (je ne dy autre chose, et soit signifié ; mais pour le fait, s'il vous plaist entendre toute la râtelée... — Ouydea, respondit Charles, j'accorde que monsieur en juge, s'il luy plaist en prendre la peine, et s'y accropir comme si l'agout de toute la cour de Parlement en avoit fumé en robes rouges. » Par mon chef, faisoit bonne mine sire Joannes, enflé d'une certaine amour de luy-mesme, se voyant bonneter et appeler monsieur : « Il n'y a point d'ordre que vous autres, qui par raison, comme disoit Brandacier sur le 20. ou 2 2 . livre (que je ne mente), de la Truye-qui-fik, comme l'on va du collège Saincte Barbe à Mont-aigu, estes le plus bo : per diem accordons, je poiray plutost le desjeuner. — Comment, monsieur, accorder? faisoit Grand-Jean. Vous estes habile clerc et bon joueur

de veze, je n'en doute pas, et m'y cognois, peut estre, autant qu'un qui ne le sauroit pas si bien que moy; et ne vous desplaise. Mais, pour revenir, ce meschant... — Tu as menty, c'est toy! — Hola! hola! messieurs, tout beau! » Mais, en les départant, luy fut ottroié trois ou quatre bons coups de poin clos sur sa bonne femme d'eschine, et son chapeau de moût grande authorité foulé aux pieds, à l'antiquité et selon l'usance locale du lieu où se faisoient telles assignations et distributions manuelles.

Le sens et sang un peu reconciliez et refroidis, le moyenneur insista que de part et autre la cause fust debatue et plaidée selon que le cas y afïîert, et à beaux huis ouverts, offrant tenir la main à tous deux si l'on voioit que la lune fust levée et qu'elle eust prins son cotillon de tous les jours. Les torts et griefs de Grand-Jean furent que Charles, partie adverse, faisant semblant luy demander à la bonne foy : « A qui est ceste maison là ? quelle heure est-il? aurons nous foison de vandanges à la my-caresme a cheval? l'avous point veu ? » et semblables menus suffrages, luy auroit furtivement, et de guet à pens, contre l'ordonnance, pissé en sa gibessiere, luy auroit attaché une peau de connin sur l'espaule, feignant de l'autre main luy tirer sa chemise au colet; l'avoit un jour bor-

gné et bandé les yeux, et mené à un nid de tresée (un oiseau passager, ainsi qu'il l'appelloit) malicieusement, où il devoit prendre les petits, mais qu'il s'estoit emmerdé (parlant à l'antique et comme il faut) toute la main gauche, au grand mespris et scandale de toute la frairie blanche de Pacé; iî luy avoit, l'année des trois jeudis, vendu des coquilles, encore que luy complaignant retournast du mont Sainct Michel; aussi qu'allans au pardon de Lantreguier, il descousit un hardillon de la boucle à la sangle de son cheval de limons, à faute dequoy il fut contraint boire du vin sans eau et chevaucher un pied chaussé et l'autre nud; qui plus est, et où il n'y a aucune responce fondée en droit ou coustume, il luy avoit baillé, entre Saint Jean de Hannes et Mirebeau, un gros estron femelle gelé, à garder, enveloppé dans un linge, luy donnant entendre que c'estoit un lopin de bœuf salé, que la Grand' Chemise de Douay luy avoit donné en bonne conscience, pour eux refreschir et boire le coup (car vous entendez que bœuf salé fait bien boire, bien boire passe la soif, ergo bœuf salé passe la soif j; mais que cestehonneste marchandise meslée s'estant destrampée en sa manche et decoulée en partie jusques sur son fouet, que puis trois jours il avoit coupé à l'espine Pierre Noial, il auroit esté contraint se des-

l5o DEBATS ET ACCORDS

pouiller, laver tout son menu ménage, tandis que ce vénérable bailleur de fèves à my-croist cabrioloit, faisoit le pied de veau et les gambades, puis tout à coup se pasmoit à force de rire, qu'on l'eust bien trainé à escorche-cul jusques à vous m'entendez bien, sans tabourin ne sans lanterne; joignant à tout ce plusieurs exécutions réelles, grandement préjudiciables et tortionnaires, desquelles, si Monsieur n'y mettoit la main, il protestoit d'en avoir un monitoire à feresmoulu, luy deust il couster, hen!

Nostre maistre Joannes vouloit sur l'heure condamner Charles sur le simple raport de sa partie, comme fait aujourd'huy nostre jeunesse, laquelle, estant de plein vol constituée en dignité et magistrat, croit et prent les plaintes des premiers comme deniers contez et non receus; voire qu'il est mal-aisé et difficile leur faire perdre telles premières impressions et raports. En quoy sur tous autres princes excella le roy Loys XII, surnommé Père du peuple, avec ce seul mot de latin qu'il savoit, Audi partem. Caronavoit beau luy corner à la teste, ny importuner son compère Plessisbourré de le croire : « Sire, c'est le plus meschant, c'est cecy, c'est cela » : on n'avoit autre responce, sinon : « Audi partem. : je m'en enquerray, pour après y donner ordre. »

ENTRE PLUSIEURS FIONNESTES GENS. Ol

Mais Charles Lancelot, voyant son juge ouvrir la gueule de demy-pied de large pour luy prononcer son dicton, dit qu'il allast tout beau, et qu'il le recusoit, parce qu'il avoit les pieds plats et qu'il portoit son escritoire à gauche; qu'il cherchoit midy où il n'estoit pas; que dernièrement il avoit abreuvé du fin fond de ses chausses toute l'assistance de l'auditoire de Bobita, et y avoit persisté; qu'il avoit le nez fait comme un homme de par le monde; qu'il avoit entamé un pot de beurre sans visa ne pareatis ; coustumier ordinaire de pisser contre le vent; ressembloit à un valet de treffles; clochoit devant les boiteux; embrassoit, et rien n'estraignoit; parloit assez sans voir ne s'en repentir : par ces moiens, incapable, de toute incapacité, juger, ne rien entreprendre contre la porte de la Tranchée, Pré l'Abesse, ne autres équipages. Toutefois, s'il estoit regaigé, il consentoit accorder, pourveu , et non autrement, qu'il ne luy coustast rien que la barbe secouade. Conclusion que M. Jean, qui portoit venaison et avoit argent frais, paya l'escot, où furent presens et appeliez tous pretendans et interests. Et (continuoit Polygame) y fismes chère lie, et beusmes (comme dit Menotus en ses sermons) à tire- larigot. Et Dieu sçait s'il paya sa bien-venue, quand il fut à Poitiers, à un tas de

l52 DEBATS ET ACCORDS

tiers opposans débauchez, qui pour lors y estoient ! Car la plus part, l'appellans Monsieur sans queue, attrapperent par emprunt en toute humilité, et à rendre au premier voyage de Charles le messager; mais il est encore par les chemins. Les autres luy vendoient livres où ils n'avoient rien, dont il falloit plaider. On luy accoustra des laquais en filles, ausquels en faisant l'amour il n'estoit rien espargné. On luy dressa tout à propos une querelle où il luy cousta son paillard d'argent : car son ennemy prétendu ensanglanté est soudainement, en faisant le hola, couvert de manteaux et mené chez Pelegeay, au Vieux-Marché, pour y estre medicamenté et guery; fut occasion de luy arracher toutes les dents de sa bource, dont furent nourris longue espace de temps les supposts de la Faculté. Et pour l'achever de peindre, sur ce qu'il fut contraint se retirer pour la nouvelle de la mort de son père, et luy tirer le surplus et reste de science qu'il avoit en sa gibessiere, le conduisirent jusques à Rocheriou, l'appellans Monsieur plus menu que sel, faisans semblant vouloir payer leur despence et bien-allée. Mais Charles le voiturier, qui avoit preste l'argent du delogement, dit que vrayement Monsieur n'avoit garde d'endurer cela, pour estre de trop bonne maison ; dont l'un d'eux, pour le haster et aller trouver un autre nouveau

ENTRE PLUSIEURS HONNESTES GENS. l53

pigeon, luy dit qu'il deust estre ja par les chemins pour courir Testât de son père, et que par advanture quelqu'un en pourroit estre pourveu. Mais il repartit gravement qu'ils avoient beau aller et venir, que c'estoit autant de temps perdu, parce que ledit office luy avoit esté laissé par le testament de son père; en vouloit croire Charles, qui ainsi le jura sur toutes les serpilleres et basts de ses chevaux, ferrez ou non. »

Lupolde dit que ce révérend jure-consulte, fils d'un riche pitaut, homme de justice, ne se soucia pas beaucoup des loix, car il avoit trouvé le mascaut et argent de son père bien enflé; se mesla aussi d'estre juge : car tout fut desbridé en ceste saison-là, qui estoit sur l'an mil cinq cens cinquante un , et la porte de justice vénale, et si ouverte qu'ayant de l'argent on passoit par tout ; et, comme dit Cicero, les nouveaux ignares et pecunieux estoient promeus et advancez aux magistrats, le jugement desquels faisoit et tenoit rang aux opinions sans poids ne mesure. Ce fut à cest habil-homme recompenser sa sottise et imperfection de son nouvel office, et payer le vulgaire en quelque monnoye rongnée, ou, autrement, en faisant bonne pipée, allant par la rue saluant à poids de marc, et force soye sur le dos, vrais ferremens pour entrer bien avant en la re-

l54 DEBATS ET ACCORDS

putation populaire, pourveu qu'on parle peu, avec un haussement d'espaules et yeux sourcilleux et admiratifs, en faisant bien le Raminagrobis, son resoluement , véritablement, et les matières douteuses. Toutefois, afin qu'il ne fust veu ignorer aucune chose, il accorda aux parties plaidantes aller en certaine commission, dequoy il se repentit depuis plus de quatre fois, car il ne savoit par quel bout il devoit commencer ou achever son procès verbal, et comme il en pourroit sortir à son honneur, quelque trongne renforcée qu'il fîst.

Deux choses en cecy le tourmentoient : la première, son devoir et charge, qui luy defendoient demander l'avis et comme il se devoit gouverner en tels affaires, veu que par la loy civile c'est crime de leze majesté douter de la capacité d'un officier examiné, receu, et qui a fait le serment: auquel erreur il se fust embourbé lourdement s'il eust ouvert le bec de la déclaration de son insufîsance; la seconde et plus vive, qui luy donnoit droit en la visière, estoit qu'il avoit refusé pour adjoint les greffiers et commis de son auditoire, qui estoit souverain, et que son clerc, plus gaudronné que savant, escriroit sous luy. Les parties estoient liées, n'y avoit plus moyen de dire : « Je ne cuidois pas », parole d'un estourdy, et qui ne regarde plus loin que le bout de son nez. 11 faut

ENTRE PLUSIEURS HONNESTES GENS. l55

donc essayer toutes choses, et sur le formulaire d'une commission de chancelerie, dont, peut estre, il se souvenoit en avoir veu sur le bureau de sa chambre, va en bailler une de mesme à la partie demanderesse, pour adjourner le défendeur, ainsi commençant : « Nous M. Jean, etc., par la grâce de Dieu conseiller, etc. » Ce premier exploit donna occasion au second, que voicy, de les mettre tous deux en un sac à part, pour, le tout communiqué à qui estre devoit, en rire à fond de cuve : « Nous maistre Jean, aagé de trente ans, purgé de conseil ou environ, à vous messieurs mes maistres et compagnons, s'il vous plaist, savoir faisons publiquement et notoirement qu'à la vérité du faict je montay sur mon cheval, botté et esperonné, le quinziesme jour dudit mois, et fis monter sur un autre, qui n'estoit mie mien, mon clerc, ayant devant luy mon manteau, mon bonnet en son sein, et l'escritoire au costé. De là arrivasmes péremptoirement au petit Sainct Aubin, où je vous promets qu'il y a de mauvais chemins, et pour ce regard seulement fîsmes commandement extrajudiciellement, in quantum ad nos pertinet, vel pertinere dignoscitur^ aux juges de sur les lieux, en parlant à un poilier venant de Ville- Dieu, les faire r'habiller, ou bien dire : « Je ne le feray pas >■. Et parce que nous vis-

l56 DEBATS ET ACCORDS

mes un clocher, il nous fut advis qu'à nostre jugement il y pourroit avoir quelque église, dont ne fusmes frustrez de nostre petite expectation ; et, entrans dans icelle, dismes un De profundis, duquel la teneur ensuit : De profundis clamavi,etc. Quoy fait, nous remontasmes à cheval à l'ayde d'un appelle Huches et autres praticiens extra muros, lequel, pour n'avoir osté son chapeau cum reverentia qua decet, fut par nous prins à partie, sauf son recours, attendu lesdits mauvais chemins, dont il me souviendra toute ma vie. De là, traversans la lande de Gauteret, nous rencontrasmes, comme on ne songe pas les choses , le moulinier d'Andoille, auquel nous demandasmes son nom, lequel, en paroles fieres et arrogantes : « Monsieur, j'ay nom Gilles le petit moulinier, à vostre joly commandez le moy, et ne vous desplaise. )j Et d'autant que le cheval de mon valet se mit gratuitement à pisser, le mien luy voulut de gré à gré faire compagnie, dequoy, nos tres-honorez seigneurs, je vous ay bien voulu advertir, sans neantmoins vouloir entreprendre aucune jurisdiction. Ce fait (car il faut tout dire en un procès verbal), nous arrivasmes à Sainct Germain l'Esguiller, les uns disoient environ une heure, les autres deux, comme tôt capita, toi sensi/s; et nous logeasmes chez Perrine Lochet,

ENTRE PLUSIEURS HONNESTES GENS. I Sj

car Robin Trouilles estoit à la forge. Et sur ce que le demandeur me requit, un peu trop familièrement et en compagnon, si nous voulions boire, cela fut occasion de ne luy obtempérer, parce qu'il faisoit trop de « Je ne vous dy autre chose «; joinct que nous avons cela de louable et ancienne coustume, de père en fils, ne destuver jamais, fust pour nous mesmes, fors à requeste du procureur fiscal, deuement fondé selon que l'œuvre le requiert. Et, voyant au quadran estre temps de disner, nous delivrasmes deffaut sur partie adverse, et par le profit, encore que le cistre ne fust guère bon, dequoy il se faut taire pour le présent, attendu le fait dont est cas, nous fismes assez bonne chère, Dieu mercy et vous. De tout quoy et plusieurs autres choses de conséquence nous avons rédigé cestuy nostre présent procès verbal, pour servir au jugement du procès comme appartiendra. »

Ingénieuse couverture d'adultère.

PULÉE raconte une couverture et déguisement d'adultère finement et dextrement controuvé, et qui fit que les battus payèrent l'amende. Un jeune homme, ditil, appelle Philisiterus, s'énamoura d'une jeune dame belle et de bonne grâce, femme d'un homme d'authorité, mais cruel, fascheux, et tellement contregardant ceste pauvre désolée qu'elle ne faisoit pas ne marche qu'une longue traînée d'espions ne luy fust ordinairement en queue et sur les talons. Philisiterus seut bien faire son profit de tout, n'eut moyen plus exprés que d'aleguer ceste prison et captivité, laquelle il luy fit proposer et mettre en avant par un serviteur appelle Myrmece, ayant la principale charge se tenir prés et

l6o INGENIEUSE COUVERTURE

avoir l'œil sur sa maistresse et sans cesse estre au guet et en sentinelle , lequel il avoit gagné et pratiqué par argent et promesses, grands couratiers et maquereaux en tels affaires, au moyen desquels sa folle liberté fut relaschée et aucunement deschargée : car, sous ceste confidence de loyauté, il entra de nuit chez ceste damoiselle, où il fît ce qu'il voulut. Mais voicy le desastre : le p mary survient (ayant sans cesse un tableau de soubçon audevant ses yeux), qui frappe à l'huys, non un seul coup, comme l'on doit aux portes de respect, mais en grands trac trac, à la mode des mascarades, par tant et tant de fois que le pauvre amoureux n'eut loisir que s'affubler de son manteau, se mucer et cacher en un coin, qu'on l'eust bien mis en la bource d'un denier, attendant que Myrmece usoit de grandes longueurs et exceptions pour ouvrir l'huis. Quoy qu'en soit, il eschapa entre la peur et le danger. Le mary, voiant le lendemain matin les souliers de Philisitere demeurez soubs le lict, entra en si violente et aspre presumption qu'on avoit remué le ménage de sa femme qu'il fit mettre son valet Myrmece aux coliers en plein marché, comme pour lors il estoit permis aux maistres.

— Hée! bon Dieu, dit Eutrapel, où estoit la pauvre misérable? — Le texte n'en sonne mot,

d'adultère. i6i

dit Polygame, mais ceux ou celles qui ont passé telles piques vous en pourront conter. Tant y a que la resolution du maistre estoit, après avoir donné la torture à ce concierge, le faire mourir pour la révélation de l'affaire et à qui appartenoient ces beaux souliers. Mais Philisiterus, entendant le discrime de vie où estoit son poisson d'avril, voulut par un terrible revers asseurer toutes choses; et ce faisant, et entrant en la place où aussi estoit le mary, s'addressa à Myrmece, luy donna trois ou quatre bons coups de poin : « Va, meschant, disoit il en le battant, falloit il hier que tu me desrobasses mes souliers aux estuves, larron que tu es? Dieu doint bonne vie à qui t'a faict mettre icy. Aussi bien seras tu pendu ; tu n'en pers que l'attente. » Le bon-homme de mary, voyant l'honneur de sa femme bien net et justifié, rendit les souliers avec les plus grands mercis, confessant haut et clair qu'il avoit tort. » Lupolde, à ce propos, dit que, n'a pas long temps, une femme du mestier s'esbatoit avec dom Glaume Fauschoux à la mesme dance du loup, la queue entre les jambes. « Mais voicy la pitié : car Jean, le mary, qui venoit du marché tout mouillé, hucha, dés l'entrée de la court, qu'il mouroit de froid et qu'on luy fîst du feu. La femme, pour couper la teste à deux tout