Q^U I APRES MUSE

d'icelle, et d'avertir son maistre du beau trésor et joyau qu'il avoit en sa forest, que par aventure prince de la chrestienté n'avoit de pareil. »

Lupolde dit luy souvenir d'un procès où le seigneur féodal, par forme de desherance et biens vacans, avoit, et ses prédécesseurs avant, jouy d'un héritage par un long temps, et que l'heritiei empeschant icelle jouissance avoit produit pour tesmoin Olivier Macé, de la parroisse de Chaune, aagé de six vingts sept ans, par l'attestation mesmes de Robin Toutfés, Jean Joullaut, Jean Besenaye, le moindre d'iceux aagé de quatre vingts ans, et tel de cent dix ans, la déposition duquel commençoit : « 11 y a cent ans » ; au moyen de laquelle l'héritier fut ressaisy et remis en son héritage.

Eutrapel dit que le commencement de l'histoire Paole Jove : « Que tout estoit en paix *>, a esté ja pieça jugé le plus beau front et magnifique rencontre de livre qui se puisse voir, si le demeurant estoit assez véritable.

« Les premiers quarante ans de ce vieillard Macé, continuoit Lupolde, furent emploiez au mestier de cousturieret sonneur de fluste, qu'il apelloit un contre (sont ces flustes qu'on fait k Crouteles, large par le milieu et h deux accords . Il employa les autres quarante ?i plaider et tracasser, et fut un très-

mauvais voisin et ergoteux; le reste, qui revenoit à bien cinquante ans, s'en alla en finesses et faux tesmoignages. Car qui luy eust demandé s'il eust esté présent à la trahison de Roncevaux, bataille d'Azincour ou d'Auray, il eust franchy le saut hardiment et dit qu'ouy, tant il se tenoit seur de ce qu'il y a trois sortes de gens qu'on ne peut desmentir: les grands seigneurs, ceux qui ont fait longs voiages et les vieillards. Si quelquefois il estoit prins sans verd et en mensonge, il n'avoit autre defence sinon qu'il estoit vieil et resveur, ce qui luy servoit aussi contre ses créditeurs à qui il estoit obligé. Son dernier refuge estoit d'opposer et empescher les bans de mariage, disant au curé, fust ou ne fust, que les fiancez estoient parens, ce qu'il diroit en temps et lieu; mais, ayans accordé avecques luy et la main garnie, il se dedisoit le dimanche après, et, depuis, qu'il avoit songé à sa conscience, qu'on passast outre, pour tout luy, et qu'ils n'estoient plus parens. Mais, quelque chose qu'il fust, si n'y avoit il acte public en la parroisse, comme baptistaires, commères, noces, mortuaires et frairées, que sa portion ne luy fust gardée ou envoyée, suyvant sa longue possession et prescription; ce qu'il n'eust pris par forme d'aumosne, tant il estoit encore glorieux. Les bonnes gens aussi,