DES ESCHOLIERS

en hontoiant et rougissant (marques et intersignes d'un bon naturel), si je n'ay estudié et satisfait à mon devoir, comme j'y estois tenu, à tout le moins j'ay fait ce que j'ay peu. « C'est assez, di- « soit un ancien, d'avoir voulu et essaie choses ce hautes et dificiles. » Au regard des messiers, je vous en diray rondement et à la bonne foy ce qui en est, encore que, peut estre, il se pourroit faire mieux ne s'enquérir tant curieusement de plusieurs petites choses qui se passent parmy la jeunesse, et qui, pour estre la plus part mal raportées, troublent aigrement l'entendement de nos parens. Vérité est qu'un jour de jeudy (ouy, dit Eutrapel, car in die Jovina nunquam fit lectio bina) nostre maistre npus permit aller esbatre et jouer aux champs, confinant neantmoins et désignant les voyes et chemins que nous devions tenir, « parce, disoit-il, que vous estes à Paris, lieu estrange, où il vous faut traiter et gouverner sagement, avec grand' mesure et en enfans de bonne maison. Vous avez affaire à un bon peuple et qui vous aime ; mais gardez sur tout à ne le tromper en ceste honneste familiarité où il vous reçoit : ce que vous ferez vous jettans en leurs vignes, desrobans leurs raisins, faisans plusieurs degasts, debausches et outrages, comme les enfans mal instituez et nourris ont accoustumé faire ;