LETTRE CVIII

Peiresc au P. Agathange de Morlaiz

25 AOUT 1696 (Ibidem, folio 427.)

Monsieur mon R. P., les Vénérables Pères Zacharie de Nogent et Charles François d'Angers eurent tant de presse de partir, et je prenois tant de plaisir à les gouverner et entretenir au moins mal qu'il m'estoit possible, qu'ils s'en allèrent sans vous porter de mes lettres, à mon grand regret. Et, depuis leur despart, j'ay esté diverty si extraordinairement, que je n'ay sceu plus tost m'aoquitter de mon debvoir et vous remercier , comme je faicts 1res humblement , de la faveur que vous m'avez procurée de leur bienveillance, que je ne sçaurois jamais avoir méritée, et dont je vous seray, comme à eulx, eter-

(I) Cet bommage est à rapprocher de celui qui a été rendu à Jacquet GoUus par un de nos plus grands orientalistes, Silvestre de Sacy, dans U Biographie universelle. Peiresc fut en correspondance avec les deux frères.

nellement redevable. Mais je feray tout ce qui me sera possible pour m'en rendre moins indigne à Tadvenir, en vous servant, et eulx aussy, partout où vous me commanderez. J'ay esté bien ayse que M. Cassaigne vous ayt eâfin donné contentement pour ses libvres. Quand aux volumes de Baronius, n'y ayez pas de regret : la matière que désire le bon P. Agathange de Yendosme y est tralctée à fond depuis le mitan du YI* volume jusques au mitan, ou environ, du YII**, et consequemment tout ce qui estoit le plus important, les autres suittes n'estant pas différentes de Testât présent, que vous trouverez sur les lieux, comme je pense ; et s'il vous fault autre chose, tout est à vostre service. Tout ce qui me reste à vous dire est de prier ces bon Pères d'extorquer du R. P. Michelange de Nantes toutes ses observations de recclipsedu28aoust 1635, et autres, s'il en a faict aulcune de plus, et de les conjurer tous d'aymer pour Tamour de moy (mais principalement pour sa rare vertu et jugement) le R. P. Celestin de Saincte Liduine, ded Carmes deschaussez, lequel je vous recommande aussy. Car, advenant qu'il fist le voyage d'Egypte, vous cognoistVez un grand personnage et de trez rare condition, auquel j'ay de si estroites obligations, que je voudrois bien que mes amys luy peussent estre utiles là où mon service ne pourra agir personnellement. Excusez moy de tant de privaulté, et me tenez tousjours, Monsieur mon R. P., pour vostre

très humble, etc.

Db Peiresc

A Aix, ce 21 aoutt 4636.

Si VOUS ne partiez encores, et que vous voulussiez essayer de faire quelque observation de la haulteur du soleil à Marseille à l'heure de midy, la nous envoyant nous pourrions vous dire si vous avez bien rencontré avec celles qu'on y a desja faictes, pour juger de ce que vous pourrez faire ailleurs.