LETTRE XXX

Peiresc au P. Gilles de Loches

1« AOUST 1634 (Ibid., folio 350, verso)

M' mon R. P., avec vostre lettre du 9 du passé, j'ay receu celle du R. ?• Coloinbin du 20 juin, où il me faict une très belle et curieuse relation de certaines particularitez de son voyage, concernant diverses choses que je luy avois demandées, dont je luy suis bien redevable, et par conséquent à vous qui avez esté le principal organe pour la liaison de nostre amitié, et dont je vous remercie très humblement. Je luy faicts responce, mais je n'ay osé la vous addresser , voyant combien sa lettre a tardé d'arriver jusques à vous, et de vos mains icy, parce qu'il me

mande qu'il partira en septembre. C'est pourquoyj'ay faict Faddresse directement à Sainct-Malo , soubz une envek un amy de Paris qui trouvera plus facilement le moyen de l'y faire tenir [sic] promptement que si elle alloit faire le destour à Tours, à cause de la multiplicité des messagers par les mains desquelz il fault qu'elles passent de ce costé là^ croyant qu'il y en ayt qui vont tout droict de Paris à Sainct-Malo, ce qui viendra bien à point. Car autrement ma lettre courroit fortune d'arriver trop tard et de le trouver party ou embarqué. Il ne me dict rien de ce que j'avois adjousté pour luy en la depescheque je vous fis par l'ordinaire d'aprez celuy qui porta d'icy la lettre que je luy escripvois. Ce qui me confirme en l'opinion de la difficulté du commerce de Tours à Sainct-Malo , puisqu'il ne l'avoit encores peu recevoir de vostre main au 20 juin. Car elle avoit suivyde bien près h première despesche le concernant. Et toutes fois il me semble que vous m'avez accusé la réception de toutes mes lettres , et qu'il ne s'est rien perdu, grâces à Dieu. Gomme j'ay receu l'Alphabet Gophte bien conditionné dont vous estes en peine par une inadvertance mienne dont je vous crie mercy de bon cœur , espérant que vous me la pardonnerez, comme je vous en supplie, pour les mesmes raisons que je vous en escripvis dernièrement. Nous avons eu le bien de voir icy M. de la Fayette, qui parle de la doulceur de vostre conversation de si bonne bouche, qu'il ne s'en peult soulier , et il y a plaisir de l'ouyr triompher sur cela. Nous avons veu en mesme temps M' le comte de Marcheville revenant de Rome en poste, où il s'estoit acheminé incognito. Il avoit quitté son navire Daulphin de Constantinople à Malte , et par felouque avait gagné Naples. Il ne trouva pas à Rome M. de Grequi , lequel estoit allé à Florence. Il s'est arresté en ceste ville depuis mercredy dernier, si ce n'est deux jours , pour aller voir

If?

M' le Mareschal à 3 lieues d'icy (1) , lequel est venu [le] revoir icy le lendemain. 11 aura des affaires à desmesler avec Messieurs de Marseille, qui sont assez fascheuses, et dont il n'a pas eu la satisfaction qu'il se promettoit. Vous pouviez penser qu'il nous a bien faict des relations de ce Levant, durant tout ce temps , qui seroient trop longues pour des lettres. Il m'avoit faict grande teste du sçavoir de M. d'Angus pour les langues orientales ; mais il ne sçait pas l'Arabe, ains seulement le Turc et Persan , ce qui pis est, ne lict pas commodément, de sorte qu'il ne sceut rien mordre sur le volume des Conciles ; mais , de fortune, nous avons eu icy un Turc natif d'Alep, qui le sceut fort bien lire et faire entendre à Laurent Bremond,de Marseille, et parleur moyen nous avons veriffié que ce volume contient les canons des Apostres en nombre de 30 seulement, à la suite desquels y en a autres 84 soubz le nom de S. Clément. Aprez quoy sont les 20 canons du Concile de Nicée , puis les 21 du concile de Sardes, et plusieurs aultres à la suitte, tant des Conciles de Constinople et d'Ephese, que de Gangies , de Laodicée, de Cesarée en Afrique, et aultres. Mais ce qu'il y a de plus excellent, à la fin, est une version arabique d'une partie du code Theodosien, ou des lois de Constantin, Yalentinien et Theodose sur les matières (pcclesiastiques de la foj, des sainctes églises et personnes sacrées, des mariages, légitimations et aultres pareilles matières dépendantes du droict divin et humain, distinguées par tiltres^ dont les curieux tireront bien du fruict quelque jour, tost ou tard. Ce qui me faict vous prier d'examiner un peu les volumes que vous avez des loix arabiques ou turquesques, pour voir s'il n'y auroit rien d'emprunté

(1) Nicolas de l'Hospital, marquis, puis (1644) duc de Vitry , marcchal de France depuis 1617 , gouverna la Provence de 1631 à octobre 1634 , puis y revint en 1635 (Papon, HisL de Provence), Il fut mis à la Bastiljç en 1637, et mourut çft septembre 1644«

du droîct romain, auquel cas il s'en pourroit bien tirer plus d'advantage qu*onne s'iraagineroit. Surquoy, attendant de vos nouvelles, et priant Dieu que les bains vous fassent grand bien, et que sa divine bonté vous comble de ses sainctes consolations et bénédictions, je finiray,

M' mon R. P., etc.

De Peiresg.

A Aix, ce 1» août 4634.

Mandez*moy, je vous supplie^ si vous avez sceu que le que le R. P. Hadrien de Seyde, qui est à ceste heure en esclavitude (1) en Constantinople, eusse jamais eu en son pouvoir les Epistres de saint Paul en arabe, et celle des autres apostres, ou non.

Ma despeche estant par malheur arrivée trop tard à la poste, j'ay este contrainct d'addresser vostre lettre et celle du R. Golombin à Lyon à un de mes amys, qui prendra le soin de les faire tenir à droicture, possible sans passer à Paris.