LETTRE LVI

Peiresc au P. Cassien de Nantes

17 MAI 16S5 (Ibid., folio 369)

Monsieur mon R. P., la lettre qu'il vous a pieu m'escripre du 25 octobre ne m'a esté rendue que le 13 de ce moys de may, le navire Saincte Anne ayant demeuré six

mois en mer, sans entrer, à cause du mauvais temps et des quarantaines qu'il luy a fallu faire en divers lieux, ce qui nous avoit bien donné de la mortification. Mais la resjouissance en a esté tant plus grande quand il a pieu à Dieu le nous ramener, et que nous avons peu voir le livre, que vostre lettre accompagnoit, de ce vocabulaire des Gophtes en forme de grammaire^ que l'autheur a eu grande raison de nommer Sulum ou Eschelle, puisque c'est par une espèce de gradation qu'il faict monter les lecteurs à la notice de ceste langue : vous asseurant que, de ce peu que nous y avons peu deschifirer d'abbord, nous avons bien ressenty du plaisir et de la consolation, et espère que d'autres plus clairvoyants que moyen sçauront encores mieux faire leur proffit et celluy du public. Dieu aydant, et que vous ne tarderez gueres d'en ouyr des nouvelles. Ne regrettant que le temps qui s'est perdu depuis que la transcription du libvre fut achevée ; car, à ce que j'ay trouvé cotté tout à la fin, ce fut le 27 du moys de may de l'année passée que ce bon presbtre Bactar, que vous y avez employé, y mit sa dernière main. Encores qu'il se serve de la datte de l'an 1350 du Messie, puisqu'il y adjouste l'autre époque des SS. Martyrs, qui est postérieure de 284 ans, avec lesquels la supputation revient justement à l'année dernière 1634. Or, depuis ce temps là, il estoit parti deux ou trois navires, par lesquels, au lieu de la nouvelle qu'on nous escrivoit, que le livre estoit achevé, nous le pouvions avoir receu, et il seroit achevé d'imprimer à ces heures icy. Mais la datte de la dernière escritture de ce livre me faict présumer que, sur le vieil exemplaire dont il a esté transcript, il y en doibt avoir vraysemblamement un.e autre du temps qu'il fut pareillement escript, ce que je voudrois bien sçavoir au vray, et avoir coppie des paroles qui peuvent concerner le temps, et le lieu, et l'occasion de la dicte première transcription. Et s'il s'en trouvoit d'autres plus vieu^

exemplaires, je voudrois bien faire transcripre toutes les dattes différentes dlceux, et tout ce qui peult servir à faire juger en quel temps à peu prez Touvraige peult avoir esté composé par son premier autheur, ou du moins en quel temps le plus ancien livre estoit de quelque usaige parmy ceux de ccste nation « Et d'aultant qu'en la préface Tautheur tesmoigne que ce n'est que le choix* d'un ample recueil de paroles de ceste langue des CophteSy que plusieurs avoient trouvé trop prolixe, je vous supplie de vous enquérir si cet aultre livre plus estendu ne se trouveroit point, auquel cas je ferois volontiers la despence de le faire transcripre. J'y ay» entre autres choses, trouvé un chapitre tout entier des noms propres aux mesures et aux poids , selon ce qui s'en trouve en l'Escritture saincte et ailleurs : ce qui m'a esté bien agréable, pour une particulière curiosité que j'ay de ceste matière. C'est pourquoy je vous supplie de vous enquérir, de ce bon evesque patriarche, ou autres plus versés en ceste langue, s'ils ont aulcunes instructions plus amples sur cette matière. Et si le livre prolixe (dont celuy-cy n'est que l'epitome) se trouvoit, je vous prie d'en faire transcrire à part tout le chapitre de ces mesures^et des poids, et des monnoyes, ou autres appartenances, et de m'envoyer la coppie de ce chapitre à l'advance, aussy tost que la commodité s'en présentera, sans attendre que le reste du livre soit transcript. Voire, si quelqu'un pouvoit dresser là des instructions bien particulières de tous les divers noms des mesures et des poids de toute sorte, en toutes les langues qui sont en usaige en ce pays là, je veux dire non seulement en arabe ou moresque, et en cophte ou égyptien, mais en abyssin ou éthiopien, et en langue de Nubie et de l'Hiemen principalement, ensemble du turc et du persan et du grec vulgaire, avec un peu de mémoire de leur proportion réciproque , je le recevrois à singulière faveur , et

feroîs une recognoissance honneste à celuy qui s'en Youldroit donner la peine pour l'amour de moy, en luy envoyant des livres ou autres choses de par deçà, ou bien de Targent s'il l'ayme mieux qu'autre chose. Je vous prie d'y veiller un peu, et plus tost d'y employer diverses personnes, chascune en sa langue, et puis le faire revoir à des gens qui puissent faire la comparaison de quelques unes des dictes langues les unes aux autres pour le regard, s'ils ne peuvent les comparer toutes. J'ay veu que ce pauvre prebstre Bactar, qui s'est nommé au bas de ce libvre, n'a mis son advertissement qu'en arabe. Je serois bien ayse d'apprendre de vous s'il entend du langage rophte ce qu'il en fauldroit pour le parler , ou bien du turc, ou d'aulcune autre langue que l'arabe , mesme du franc (f/c) ou italien , ou provençal abastardy. Car je serois bien ayse de luy escripre ou faire escripre pour l'employer à la transcription de quelque autre pièce , et surtout des libvres de l'histoire et chronologie , s'ils en ont aulcunes, et sçaurois volontiers à quelle raison il le faut payer. Comme je sçaurois bien volontiers son âge, ses moyens, et son industrie, et autre chose. Car, s'il estoit homme à vouloir venir par de çà, nous luy trouverions, possible, bien meilleure condition que tout ce qu'il peult avoir ou espérer de par de là. Je serais bien ayse de sçavoir aussy i'age et qualitez principales de ce bon evesque qui exerce la fonction de patriarche, et quelles langues il parle et peult entendre, pour luy pouvoir escripre ou faire escripre en un besoing, et de quoy il se délecte, pour voir si nous luy pourrions rien envoyer d'icy qui fust à son goust , pour acquérir son [amitié à ta mode de ces païs là, puisque vous l'avez trouvé de si bonne volonté comme vous me dictes. Et vous supplie de sçavoir de luy quels livres ils ont de l'histoire, et spécialement de leur Eglise pretendueet de leur païs, mesme de la succession de leurs evesques, depuis qu'ils se sopt

soubstraicts de l'obeyssance et plaine communion eC cor* respondance avec les Grecs ; s'ils ont aulcun rooUe et succession de leurs evesques ; s'ils ont des chrestiens qui se maintiennent en leur obéissance particulière , et choses semblables. Les honnestes offres et semonces que vous me faictes de vous employer confidamment , me font abuser ainsy de vostre patience et de vostre desbonnaireté, vous suppliant de m'en excuser, et de me commander en revanche tant plus confidamment, comme , M *" mon

R. P., vostre, etc.

De Peiresg.

A Aix, ce 17 may 1635.