LETTRE LX

Peiresc au P. Gilles de Loches

10 JUILLET 1635 (Ibid., folio 375)

M. mon R. Père, après une longue cessation du bonheur d'avoir de vos lettres, durant laquelle je n'osois vous escripre, pour ne contrevenir à vos ordres d'attendre vostre retour des bains, j'ay receu parnostre dernier ordinaire vostre lettre du 18 du passé, où j'ay esté infiniment ayse d'apprendre vostre heureux retour des bains. Mais j'ay esté un peu mortifié de ce que vous dictes m'avoir escript de Bourbon, et m'avoir envoyé une boette de coquillages et pétrifications par la voye de Moulins, que je n'ay pas receûe. Et si en eussiez faict l'addresse à M. de Rossy, de Lyon, qui m'escript d'ordinaire, je n'en serois pas en la mesme peyne ; mais je le prieray de s'en enquérir du S*" de Chailly. M. Aubery m'escript, en m'envoyant vostre lettre, qu'il vous a faict tenir celles qu'il avoit de moy si tost qu'il a esté adverty de vostre retour, et qu'il a receu une boette assez pesante de vostre part pour moy, laquelle il m'a envoyée à Lyon, et que vous lui avez faict part de quelques curiositez qui se sont bien trouvées de son goust, dont je vous remercie auN tant et plus que si c'avait esté pour moy mesme. Car c'est un digne personnage, et à qui je suis infiniment redevable. Il faudra attendre l'arrivée icy de l'une ou de l'autre de vos boettes pour vous dire nostre advis de toutes vos pétrifications. Cependant, je vous diray bien que je m'estonne un peu de ce que vous dictes des morceaux de bois façonnés et pétrifiés, ce qui n'est pas si commun, et mérite bien d'estre estimé, s'il est bien vérifié ; car vous ne dictes pas de l'avoir veu vous mesme. Ceste

couleur de terre orengée présuppose des qualités assez malignes, si elle est naturelle, pour ne pas produire des arbres ni autres plantes; mais si ce n'estoit que la brusleure, je ne sçay si cela seroit si exclusif de la fécondité; car la terre bruslée semble estre accompagnée d'un sel grandement fécond, au contraire des pierres, qui se calcinent.

Il faudroit esprouver de faire brusler de la terre des environs, pour voir si elle acquerroit ceste couleur orengée, et si elle seroit si stérile que celle-là.

J'attends dans trois ou quatre jours le retour de l'ordinaire d'Avignon, et qu'il m'apportera des lettres du cardinal Barberin, de qui je n'en ay pas receu ces deux ordinaires précédents , à cause qu'il se purgeoit lors de l'expédition de l'un, dont il me fit faire excase par le cavalier del Pozzo, et qu'il estoit aux champs lors du parlement de l'autre. Mais je fus bien asseuré qu'il a receu tout ce que je luy ay addressé, en bon estât, et pense qu'à ce coup vous aurez sa responce. Il m'escript volontiers de sa main, ce qui est cause que ce n'est pas si à point nommé comme si c'estoient ses secrétaires qui respondissent en son nom, comme ils font communément aux autres, et à moy aussy quand ce n'est pas pour affai^ res de la curiosité particulière de Son Eminence. Je prie à Dieu que le R. P. Epiphane se trouve bien de l'usage de ses eaux de Pougues (i). Salluez le de ma part, quand TOUS luy escrirez, et me tenez tousjours, Monsieur mon R/P., etc.

De Peiresg.

A Aiz, ce iO juillet 1635.

(1) Aujourd*hui chef-liea de canton de la Nièyre, arrondiasement de NeTers, à 12 kilomètres de cette ville.