Nous n’avons malheureusement pu retrouver çette lettre
par la négotiation du renvoy des reistres de monsieur le duc Casimir et de la levée des deniers qui se doibt faire sur ceulx de la religion réformée pour leur payement; qui me gardera de vous en faire redite ne vous en envoyer de plus longue lettre, si ce n’est pour vous suplier de vouloir recevoir mes très humbles recommendations que je présente à Vostre Magesté après avoir suplié Nostre Seigneur de la vouloir conserver, Madame, en très parfaicte santé avec accroissement de toute prospérité.
De Bresle, ce xvn e aoust i568.
(man. propr.) Vostre très humble et très obéissant subject et serviteur,
Le cardinal de Chastillon.
(OriginalJ, B. N.. /. français, i55c. fü 272.
A Monsieur , Monsieur le duc de Montmorency ,
Pair et mareschal de France, gouverneur et lieutenant-général pour le Roy à Paris et Islc de France.
Monsieur, voulant monsieur de Joue, l'un des cent gentilzhommes de la maison du Roy, que vous cognoissez, s'en retourner avec sa femme en sa maison qui est au pays du Maine et doubtant d'être fouillé et recherché à cause de la garde que l'on a mise aux passages, combien qu'il^ ne porte armes ny rien autre chose de suspect, il désireroit bien avoir de vous ung passeport pour luy servir le long du chemyn qu’il aura à faire. Hz mènent une littière, une charrette, et dix ou douze chevaulx de leur train ; qui me faict vous supplier, monsieur, de luy faire dépescher ledict passeport, et le plus ample et favorable que fere se pourra à ce qu’il s'en puisse aller sans estre inquiété ne molesté, et ce me sera tousjours autant d'accroissement d’obligations davantage pour vous obéyr ailleurs en ce qu’il vous plaira m'employer, ce que je feray d’aussi bon cœur que, après
m'estre bien humblement recommendé à vostre bonne grâce, je supplieray Dieu vous donner, monsieur, en parfaicte santé heureuse et longue vie.
De Bresle, ce xvm e jour d’aoust i568.
Vostre humble et obéissant cousin,
(man. propr.) Le cardinal de Chastillon.
[Original], B. N../, français , 3 o"i, fo 43.
