MONS^ DE BEAU JEU
Chinon, jeudi i«' mai.
A MON COUSIN MONS' DE LA TRIMOILLE
Mon cousin^ je me recommande a vous. J^ay receu voz lectres et veu ce que vous et Mess" qui sont là avez escript au Roy par le cappitaine Raoul de Launay, et oy bien au long le rapport quUl a fait de vostre part. Le Roy vous renvoyé Merlin , lequel a esté présent a oyr parler et debatre des matières, qui vous en dira. Si le vueillez croire et, en ensuivant ce que le Roy vous escript, lui faire savoir vostre advis et ce qu'il vous en semblera, et aussi des nouvelles et de ce qui vous surviendra. Et a Dieu, mon cousin , qui vous ait en sa sainae garde.
Escript a Chinon le premier jour de may.
Vostre cousin ,
PIERRE
67 — LqAMIRAL Chinon i jeudi i*' mai.
A MONS' DE LA TRIMOILLE
Mons' de la Trimoille , je me recommande a vous tant comme je puis. J'avoys fait venir Merlin jusques icy pour vous porter la responce de ce que vous feriez savoir au Roy par le cappitaine Raoul de Launoy ; lequel cappitaine arriva arsoir bien tart , et tout incontinent qu'il fut arrivé le Roy Toyt de tout ce qu'il voullut dire et puis ordonna que a ce matin mons** du Fou , mons' du
Bouchage et moy debatrions la matière avecques lui en la présence de Merlin, ce qui a esté fait toute msLtynéc et puis après disner^ ledit seigneur présent , mons' de Bourbon et autres telz que ledit Merlin vous dira qu^ilz sont tous gens sceurs et qui jamais ne diront mot de ceste matière^ et tousjours en la présence dudit Merlin.
Et pour vous respondre ad ce que vous avez fait dire par ledit cappitaine que vous entendez que le Roy commande les choses et que vous mectrez paine d^acomplir son commandement ; s^est très bien dit maiz ce n^est pas parié raisonnablement , car ce seroit une manière de faire qu^il ne seroit pas de boucquan y pour ce que je n^en vys jamais user.
J^ay tousjours veu que, là où le Roy n'est en présence , ceulx qu'ilz conduisent sa guerre , pour ce quUlz voyent les choses a Tœul et ceulx quUlz vont et viennent dehors leur rapportent ce quUlz trouvent et qu'ilz congnoissent qui pevent servir a leur affaire , ilz fondent leur entreprises là dessus et puis en font ung advis de ce qu'il leur semble faisable et Tenvoyent devers ledit seigneur pour sçavoir ce qu'il lui en semble ; et sy leur advis luy semble bon, et a ceuk qu'ilz sont avecques lui pareillement , il le leur fait savoir et leur ordonne Texecucion. Et par ainsi l'en n'en peult donner charge a personne particulière, car quant chascun a dit son oppinion ce qui en advient après , soit bien ou mal , chascun en porte sa part ; mais renvoiez au Roy les choses creuement pour les ordonner sans en avoir voz advis, je ne sçauroye entendre que ce feust chose raisonnable. J'en ay parlé audit Merlin plus au long pour le vous dire.
Au seurplus Jacques Galliot s'en part demain d'icy pour aller a vous. Il est homme de bon conseil. Ses gens et ceulx du gouverneur de Bourgongne sont autour du Lude et seront dedans quatre ou cinq jours devers vous , qui est une très belle bande ; et les vous mesne pour les faire haster Jehan Guerin , MortiUon et mons' de Soret.
Madame sera samedi icy , là où nous aurons beaucoup de grossiers et gros personnages , c'est assavoir : mons** de Bresse , mons^ de Vandosme , le gouverneur de Bourgongne , mons' le
mareschal de Gyé , mons' de Foîx , mons' du Fou , le grant escuier, le bailli de Saint Pierre le Moustier^ le gouverneur de Lymosin^ mons' le grant bastard de Bourgongne^ mons' de Rohan , le grant bastard de Bourbon, sans Tordinaire de séans. Diaes moy , s'il vous plest , sy le Roy n'est pas bien acompagné.
Nous vous avons envoyé le cappitaine Meritain , qui est très homme de bien et qui vous aydera bien a conduire voz affaires de par dellà ; et autant qu'il en vendra qu'ilz seront gens pour vous ayder a conduire sest affaire ilz vous seront envoyez. Mandez moy tousjours de voz nouvelles ^ et ce qu'il seurviendra tousjours par deçà je le vous feray savoir.
Les ambassadeurs de Bretàigne n'ont encores riens mandé ; ce qu'ilz feront savoir en serez adverty. Pour ce que Merlin vous dira le demourant plus au long je ne vous escrips autre chose pour ceste heure^ si non que touchant vos gensdarmes il n'y aura point de faulte ne pareillement de voz conâscacions de Craon. Et içy endroit vous di a Dieu ^ mons^ de la Trimoille^ a qui je pri qu'il vous doint tout ce que plus desirez.
Escript a Chinon le premier jour de may.
Le tout Vostre cousin ,
LOYS DE GRAVILLE
8o ^ CORRESPONDANCE' DE CHARLES VIII
Chinon, lundi 5 mai.
A NOSTRE CHIER ET FEAL COUSIN LE S' DE LA TREMOILLE ET A NOZ AMEZ ET FEAULX LES CAPPITAINES ESTANS EN SA COMPAI- GNIE.
De par le Roy.
Chier et féal cousin et vous noz amez et feauU ^ nous avons esté présentement advertiz que se salge homme messirc Aymar de Prye s'en est allé rendre a Nantes , et vingt ou trente laquestz quant et luy. Vous entendez bien que c'est le voyaige des folz ; et qui ne leur donnera l'exemple que nous avons dit a vous j nostre cousin de la TremoiUe , et que vous avons fait savoir a ' Jamais. tous, nous n'aurons mes empiece * le bout de ceste guerre^ car le
royaulme est si grant que qui ne fera paour aux folz il ne s'i en pourroit que trop assembler. Et pour ce gardez , comment que ce soit y que autant que vous en pourrez prendre en voz courses , de noz subjectz et qui nous firent jamés service , faiaes les bailler et délivrer incontinent au prevost Postel et nous ferons bailler vingt escuz pour homme d'armes et dix escuz pour archier. Il y a quatre jours que nous n'eusmes de voz nouvelles ; faiaes nous en savoir le plus toust que vous pourrez.
Donné à Chinon le cinquiesme jour de may.
CHARLES
Robineau.
ET DE SES CONSEILLERS. 8l
Chinon , mardi 6 mai.
A MON COUSIN LE S' DE LA TRIMOILLE
Mon cousin , je vous envoyé une bande de gensdarmes de la compaignie du s' d'Albret qui s^en sont venuz derrenierement de Bretaigne ; et sont environ de xx a xxv hommes d^armes lesquelz ont bon vouloir de me bien servir. Je les ay chargez faire diligence et qu^ilz soient devers vous dedans cinq ou six jours ; je vous pry qu^ilz soient bien traictez , et les faictes retirer soubz renseigne du s' de Saint André. Et a Dieu soyez.
Escript a Chinon le v)"" jour de may.
CHARLES
Damont.
Chinon y mardi 6 mai.
A MON COUSIN LE S' DE LA TRIMOILLE
De par le Roy.
Mon cousin, je vous envoyé Jaques Galiot pour ce que je congnois quHl est homme de bonne conduicte et pour me bien servir. Je vous pry que le traictez le mieulx que vous pourrez , car vous entendez bien quUl vault estre bien traiaé , et luy communiquez tous mes affaires de par delà , car il est de bon conseil
et qui a veu du fait de la guerre autant que nul autre. Et adieu mon cousin.
Escript a Chinon le v)™* jour de may.
CHARLES
Damont.
Chinon , mardi 6 mai.
A NOSTRE CHER ET FEAL COUSIN LE SIRE DE LA TRIMOILLE, NOSTRE LIEUTENANT, ET NOZ AMEZ ET FEAULX CONSEILLERS ET CHAM-* BELLANS LES SIRES DE CHARLUZ, DE BALSAC, DE MONFAULCON ET DE SAINT ANDRÉ ET AUX CAPPITAINES DE NOZ GARDES CLAUDE DE LA CHASTRE ET JACQUES DE SILLY.
De par le Roy.
Cher et féal cousin et vous noz amez et feaulx, nous avons receu les lectres que vous nous avez escriptes touchant la créance de Merlin et qu^il a veu debatre en nostre présence ce qu^il vous sembloit de noz affaires de pac delà ; et , comme par luy vous avons fait savoir , nous avons trouvé vostre advis très bon touchant le siège de Foulgieres et n^ reste que regarder diligemment la manière de faire et conduyre Texecucion quant et quant.
Au regard des bombardes que vous demandez, il y en a troys a Angiers , et est besoing que vous regardez combien il vous en fault et a quel jour vous les voulez avoir. Et des menuz prépara* tiiz dont vous parlez en vostre leare, vous avez là des charpentiers pour faire ses petites diligences ; mais des manteaulx nous en faisons faire icy qu^ilz seront incontinent prestz, et y a desjà six jours que les charpentiers sont après. Touchant canons, vous n^escripvez point combien vous en avez ne combien il vous en
fault , car si vous en avez peu il y en a deux des meilleurs de nostre artillerie a Vitré, et deçà Angiers nous n^en avons point des gros plus près que Paris. Il y a bien une bombardelle neufve a Tours ; si vous la voulez avoir vous Taurez bien tost , et pour ce mandez nous de tout autrement au long que vous n^avez faict. Nous sommes bien de vostre advis touchant la Guierche, mais que les brèches soyent bonnes et grandes.
Nous avons veu la demande du viconte d^Aunay et des autres cappitaines de Dol touchant la place. Ilz demandent beaucoup gens , tant de cheval comme de pié ; toutesfoiz ilz n^ont demandé chose qu^il ne soyt bien aysée a leur fournir, sy ne tient aux cappitaines. Et pour commancer a leurs deux cens lances, ilz doivent estre en nombre if xvi) , c'est assavoir : cinquante de nostre cousin de Vendosme , xl du viconte d'Aunay , lxxv du seneschal de Tholouse, xl de Meritain et doze du s' de la Forest, qui est la somme dessusdicte. Vous povez savoir a eulx combien il s'en fault qu'ilz n'ayent le tout , car ledit seneschal de Tho" louse nous a escript puis six jours qu'il a fait partir le seurplus de ce qu'il avoit avecques luy, passé a troys sepmaines , pour venir deçà. Aux autres compaignyes ne doyt pas avoir grant faulte , car nostredit cousin de Vendosme n'en a pas ung icy avecques luy ; et sy faulte y a vous savez la charge que nous avons donnée a vous, nostre cousin de la Trimoille, d'y fournir, tant là comme ailleurs en la frontière de Bretajgne, des places que vous y trouverez vuydes , et pour vous recompenser desditz gensdarmes vous avez ceulx du gouverneur de Bourgongne et de Jacques Galliot qui seront dedans deux jours a vous. Et touchant les gens de pié, il y en a sept cens d'ordinaires audit Dol, avecques les deux cens de la Guierche sy vous les leur voulez bailler. Nous croyons qu'ilz se pourront bien passer de ce nombre. Au regard d'arbalestiers et picquiers qu'ilz demandent , c'est a vous a regarder comment vous leur ferez se département.
Par l'advis dudit viconte il demande des hacquebutes. Nous n'en avons point , mais de canonniers et de pouldres vous luy en pourrez faire bailler ce que vous verrez qu'il lui sera neccessaire, car en vostre bende n'aurez point de faulte de pouldres. De
maçons et de charpentiers c'est une chose de quoy il trouvera assez ; de picqs et de pelles, adressez vous en a Primaudaye, car il en fist faire beaucoup Tannée passée. Il demande aussi du traict d'arbaleste. Saichez audit Primaudaye sll en sçayt point nulle part pour le luy faire délivrez ; mais aussy dictes bien audit Primaudaye que de toutes les choses qu^il luy baillera de nostre artillerie, que quant et quant il baille ung homme qui en saiche respondre et les faire ramener a nostredicte artillerie sy le siège ne leur venoit , car vous entendez assez que [ce] qu'il luy baillera par autre manière c'est chose perdue sans raison.
Et en tant que touche la desmolucion de la place de Chasteau- ' bryant, elle est merveilleusement longue ; et a ung tel affaire vous vous devez ayder de voz frans archiers et de toutes gens. Nous escripvons a Monpesat , touchant la conduyte des gensdarmes qui se sont venuz rendre, que nous les ferons bien traicter et payer comme noz gens de noz grans ordonnances et selon que vous leur aurez promis , et que en cela il n'y aura point de faulte.
Au seurplus nous avons tout a ceste heure receu une lectre de vous touchant cinquante honmies d'armes a qui vous avez donné seureté, et aussy une autre bende qui vous doint venir. Nous les ferdhs payer selon que vous leur avez promis. Retirez de ses gens là tant que vous pourrez, mais au regard des lacquaiz de se peuple mauvais n'en retirez pas ung. Et pour abréger, nous voulons bien traictez les gensdarmes qu'ilz s'en reviendront pour ce qu'ilz recongnoissent leur folye ; mais [de] ceulx que vous trouverez en armes contre nous faictes en ce que nous vous en avons \ escript puis troys jours , car par le moyen de cest article vous | aurez tantost la fin de ceste guerre. Faictes nous souvant savoir . de voz nouvelles et de ce qu'il nous sourviendra en serez tous- I jours advertiz. |
Donné a Chinon le v)"' jour de may , a v heures de soir.
CHARLES
Damont.
