LcAMIRAL
Chinoriy mardi 6 mai.
A MONS' DE LA TRIMOILLE
Mons' de la Trimoille , je me recommande a vous tant comme je puis. J'ay receu depuis hier deux lectres que vous m'avez escriptes , dont la première parle de la venue de mons' de G)ulombiers ; et pour vous y respondre j'ay parlé a lui bien au long de ses maiters * , mais je ne trouve pas grant chose en ce * Matières, qu'il m'a dit. Vray est que tout ce qu'il compte est au desavantaige de tous ceulx de par delà et de leur puissance , car en somme ce n'est rien et sy sont si ennuyez qu'ilz ne pevent plus porter le faiz. Il y a tout plain de parlemens sur les allans et sur les venans , mais là où je verray qu'il y aura fons incontinant je le vous feray savoir. Au regard de la desmolucion de vostre place , elle est merveilleusement longue. Faiaes la abréger, car la longue demeure là ne vous est point séante , pour des raisons que je ne vous puis pas rescripre mais vous les saurez bien tost.
Le Roy escript a Monpesat selon que vous luy avez fait savoir ; mais il est bien besoing que vous saichez s'il est fort homme de bien , car par luy se pourroit on bien conduyre a l'avantaige ou au desavantaige du Roy. Il me semble que vous devez faire praticquer les AUemans du bastard Baudouyn, car vous les aurez maintenant plus a commandement que vous n'eustes jamais. J'ay maintenant receu une lectre de vous touchant le Fillot de Payenne. Il a esté autresfoiz a mons** des Querdes ; mais au regard de la promesse que vous luy avez faicte , s'il vous admeine les gens qu'il vous a fait savoir vostredicte promesse est bien employée et n'avez garde d'estre desdit pour si petit de chose.
Madame sera venue dedans deux heures ; et croy que avant que
se soit troys jours nous nous approucherons de vous. Je ne vous escrips plus pour ceste heure sy non que je vous dy a Dieu, mons' de la Trimoille , a qui je pry qu^il vous doint tout ce que plus desirez.
Escript a Chinon le vj"** jour de may.
Le tout vostre cousin.,
LOYS DE GRAVILLE
Chinon , vendredi 9 mai,
A NOSTRE CHER ET FEAL COUSIN LE S' DE LA TREMOILLE ET NOZ AMEZ ET FEAULX CONSEILLERS ET CHAMBELLANS LES SIRES DE CHARLUZ, D^AGENAYS, DE MONFAULCON ET DE SAINT ANDRÉ, ET AUX CAPPITAINES DE NOZ GARDES GLAUDE DE LA CHASTRE ET JACQUES DE SILLY.
De par le Roy.
Cher et féal cousin et noz amez et feaulx , nous avons receu voz lectres ensemble le rooUe de Tartillerie, pavaiz a potance et autres choses que pour le siège de Fougères vous sont neces- « V. IV aoS. saires *. Et touchant ce que par icelles nous escripvez que par- |
tirez demain ou lundi pour y aler, lesdictes provisions ne seroient prestes pour y estre quant et vous ; et aussi est premier besoing pourveoir a la place dont nous avez escript , ce que avons intention de faire : pour quoy ne sommes point d^avis que partez encores jusques a ce que aiez de noz nouvelles. Et vous donnez |
tousjours bien garde de là conduiae de voz ennemys pour le
nous faire sdVoir.
Donné a Chinon le ix°* jour de may, a viij heures du matin.
Damont. I
Chinon, vendredi 9 mai.
A NOSTRE CHER ET FEAL COUSIN, CONSEILLER ET CHAMBELLAN LE SIRE DE LA TRIMOILLE, NOSTRE LIEUTENANT.
De par le Roy.
Cher et féal cousin et vous noz amez et feaulx, nous avons receu voz lectres par lesquelles, entre autres choses, nous escripvez la difficulté que font les lieutenans des compaignyes du senes* chal de Tholouse et du cappitaine Meritain de faire ce que nous vous avons escript. Pour ceste cause, et aussy pour communicquer avecques vous de ce que aurez affaire pour assiéger Foulgieres , vous envoyons le cappitaine Raoul s' de Mervilliers * , * sic. lequel vous prions croyre comme nous mesmes de ce qu^il vous dira de par nous ; et par luy nous ferez bien au long savoir de voz nouvelles.
Donné .a Chinon le ix°* jour de may.
Damont.
Chinon, vendredi 9 mai.
A NOSTRE CHER ET FEAL COUSIN LE S' DE LA TRIMOILLE , NOSTRE LIEUTENANT , ET A NOZ AMEZ ET FEAULX LES CAPPITAINES ESTANS EN SA COMPAGNIE.
De par le Roy.
Cher et féal cousin et vous nos amez et feaulx, depuis au matin que nous vous avons escript avons advisé, affin que de
tout soyez mieuk advertiz de ce qu'il nous semble, vous envoyer le cappitaine Raoul de Launay, lequel sera dimanche au matin devers vous. Et en aaendant ce qu'il vous dira, ne laissez pas a faire toutes voz dilligences qui sont aux affaires de par dellà neccessaires, et nous advertis^ez de ce qu'il sourvendra et de nostre part aurez tousjours de noz nouvelles.
Donné a Chinon le ix"' jour de may, a ix heures au soir.
CHARLES
De Saint Manin.
