V AMIRAL
Chinon, mardi i3 mai.
A MONS' DE LA TRIMOILLE
Mons' de la Trimoille , je me recommande a vous tant comme je puis. J'ay receu la lectre que vous m^avez escripte après que vous avez eu parlé au cappitaine Raoul , par lesquelles vous mectez le reiTuz que Meritain a faict d'aller a Dol , dont je vous asseure que le Roy n'a pas esté content , non a pas esté mons' de Bourbon.
Le viconte d'Aunay partit dès hier matin pour aller audit Dol, et croy qu'il y sera demain de bonne heure. Le Roy luy a ordonné qu'il se gouverne selon que vous luy ferez savoir ; et ne luy a l'en rien dit de la matière que vous savez , par quoy sera besoing que luy envoyez homme pour l'advertir de la conclusion que vous y aurez prinse , car a l'eure qu'il est parti d'icy il n'estoit encores rien venu de voz nouvelles , par quoy l'en ne le luy a peu dire. Et sy devez savoir qu'il luy semble qu'il deffendra la ville contre tout le monde , mais qu'il aj^ mille hommes et deux cens lances : toutesfoiz gardez , comment que ce soyt , que vous ne le croyez si non de ce que vous verrez estre faisable, car il oseroit bien entreprendre chose qu'il ne saueroit parfournir. Au regard de Monthoison , puis qu'il ne veult demourez icy pour servir c'est ung très mauvais signe ; et croy fermement qu'il en fera ainsi que vous l'avez deviné.
Au seurplus , pour ce que je n'avoye des nouvelles de vous et que l'en ne faisoyt point courir la poste , j'escripviz hier unes lectres au seneschal d'Agenestz par ung paige qui fera bonne diligence , et luy envoyé deux lectres qui m'ont esté escriptes , pour les vous monstrez. La raison pour quoy je vouloye bien que vous les veissiés c'estoit afl&n de vous advertiz qu'il estoit besoing d^abreger la conclusion que vous avez prinse , qui est le
ET DE SES CONSEILLERS. g 5
siège de Foulgieres. Et pour vous en faire savoir ce qui m'en i fut hier dit , le grant escuier vint a moy, qui scet bien que vous y allez , et me dist qu'il gaigeroit a moy mille escuz que vous ne serez point devant six jours sans la prandre ; et je luy demandé , s'il avoit entreprins de le faire, comment il s'y gouverneroit. Il me respondit qu'il y a deux choses par quoy elle ne peut durer : l'unne sy est pour la fureur de l'artillerye , qui est si merveilleuse qui n'est homme qui ne soyt estonné en une petite place comme ceste la ; l'autre sy est qu'il feroit ung gea de terre des tranchées dedans les fossez , et force de boys parmy, tellement que en peu de temps il auroit mys le fossé en estât que bien aisément l'en vendroit a la brèche de la baterie. Et sy me dist qu'il ne congnoissoit homme de par dellà qui fiist pour deffendre une place. Je luy dis tout plain de choses au contraire ; mais pour abréger il me disoj^ du tout que ce n'estoit que abuz et enrageoit qu'il ne mectoit mysaille * a moy. Dieu vueille qu'il * Gageure vous en praingne ainsy comme je le vouldroye.
Je vous envoyé cy dedans encloz le double d'unes lectres qui ont esté envoyées au Roy par mons' de Croy, et celui qui les escripvoit audit s*^ de Croy estoit ung gendarme qui demeure a Namur, qui est très gentil compaignon. Je croy bien qu'il y a ung petit de mensongne , mais aussy il ne fault poiiit doubter qu'il ne soyt quelque chose de ce qu'il dit ; et sy vous prenez ceste place, l'en mectra l'affaire de deçà en tel estât que se cousté demoura en grant seureté et pourra aller la grosse troppe au devant du plus grant affaire. Je vous feray savoir des nouvelles ainsi qu'elles seurviendront ; et au regard des manteaulx que vous demander, ilz sont dès ersoeir a Angiers, et des lectres a mons*" de la Forest pour s'en aller boutez a Craon il y a deux jours qu'elles sont parties , et contiennent lesdictes lectres qu'il s'en aille audit lieu de Craon, ce que je croy qu'il fera.
Comme je vous ay escript , je vous fois ces longues lectres pour vous advertiz de ce qu'il me semble , mais il ne fault jà que vous les montrez. Vous en pourrez prandre ce que vous y trouverez de bon et le seurplus le gecter dedans le feu , ou a tout
g6 CORRESPONDANCE DE CHARLES VIIl
le moyns ne dire pas celuy qui vous escript ; et de toutes les provisions qui vous seront neccessaires soiez seur qu'il vous y sera fait les diligences possibles, en manière que vous n'aurez faulte de riens. Et quant vous aurez fait a ceste place , je croy que vous vendrez ung tour devers le Roy, car ledit seigneur Ta Bo Ç?**"*^'* *** ainsy promis a madamoiselle de la Trimoille * qui le vint hier
veoir, et j'en suis demeurré plaige comme je feiz de voz ducas.
Mons' de la Trimoille , je ne vous escrips plus pour ceste heure sy non que nous n'osons aller a Angers pour ce que l'en s'y meurt ; et vous dy a Dieu icy endroit , a qui je pry qu'il vous doint tout ce que plus desirez.
Escript a Chinon le xii)"' jour de may, a une heure après mydy.
> Autographe. U ' me sanble que vous devez vous conseillez et parlez sou-
vant a messire Claude de Monfaucon de vous affaire , car vous le trouvères bon chevallier et sage.
Le tout vostre cousin ,
Chinon , jeudi 1 5 mai.
A NOSTRE CHIER ET FEAL COUSIN LE S' DE LA TREMOlLLE , ET A NOZ AMEZ ET FEAULX CONSEILLIERS ET CHAMBELLANS LES CAPPI- TAINES ESTANS EN SA COMPAIGNIE.
De par le Roy.
Chier et féal cousin et vous noz amez et feaulx , nous avons receu voz lectres escriptes hier a cinq heures du soir aux fausbourgs d'Ancenys, contenans que vostre avant garde estoit la nuyt paravant arrivée dedens lesditz fausbourgs et de voz gens avoient visité le foussé, et le tout de ladicte arrivée de ladicte
avant garde avoit esté fait sans perdre homme ; dont en louons Dieu et de plus en plus congnoissons la bonne conduite de vous et des cappitaines qui sont en vostre compaignie et de ce mercyons tousjours vous et eulx.
Et au regard de Tentreprise de Jacques le Moyne et des deux cens honunes qui dévoient la nuyt passée entrer dedens la place d^Ancenys , se n^est pas le premier secours qui autresfoiz y est semblablement venu dont ladicte place ne laissa pas pour cela d'estre prise ; et espérons, a Tayde de Dieu et de vostre bonne diligence, que aussi ne sera pas ledit Jaques le Moyne ne son secours cause de nous garder la bonne fortune que n^ayons ladicte place, et nous semble que plus y aura de gens dedens et plus leur fera de guerre nostre artillerye et plus toust en viendrez a bout.
Et touchant les bateaulx que vous demandez * on y fait toute * V. n* 210. diligence de vous en envoyer, non obstant qu^il nous semble que bateaulx platz ne sont pour deffendre contre barques de mer ; mais pour ce que ne savons a quelle intencion, ceste là ou autre, vous les demandez, on vous en envoyé. Nous avons receù le rooUe des noms de ceulx qui sont en ladicte place d^Ancenys, par lequel rooUe et gens qui sont nommez dedens n'est de riens moindre nostre espérance du recouvrement d'icelle place. -
Toutes les choses que avez requises , tant par lectres que par mémoire , sont a Angiers et es Pons de Sée, tant manteaulx a bombarde et autre suite d'artillerye que avez demandée que foings, et y fut incontinent fait diligence que le nous feistes savoir. Et celles qui vous seront d'oresenavant neccessaires , advertissez nous en de bonne heure et a tout serez bien pourveu ; et pour ce vous prions que faictes bonne diligence en vostre affaire car vous n'aurez faulte de riens, et souvent nous advertissez.
Donné a Chinon le xv™* jour de may, a six heures au soir.
CHARLES
Robineau.
8i — MADAME DE BEAU JEU
Chinon , jeudi i5 mai.
A MON COUSIN MONS' DE LA TREMOILLE
Mon cousin , a ceste heure le Roy a receu voz lectres comment vous estes arrivez devant Ancenys ; Dieu vous y doint aussi bien besongner comme a Chasteaubryant. Je me suis si très mal acquictée de vous escripre depuis que je suis revenue , maiz on depesche tousjours les postes a si grant haste y de peur que aiez fauite de quelque chose [que] je n^ay pas bien eu loysir d'y pourveoir; maiz ne laissez pas a tousjours [me] advenir de voz bonnes nouvelles. J'ay envoyé quérir le bon sirugien d'Auvergne qui demeure a Louzon et incontinant le vous envoieray ; et aussi m* Jehan Desmons, sirurgien de Chastellerault, sera samedi en ceste ville , que je vous envoieray pareillement , car il me semble que c'est la chose de quoy vous avez le plus a faire au mestier que vous menez.
Les ambassadeurs du duc qui vindrent derrenierement seront demain a disner en ceste ville ; et viennent quérir saufconduit pour le prince , Dunoys et Comminge, ou lequel qu'il plaira au Roy. Ilz font bonne myne , je ne sçay quel en sera l'effet. De leur depesche serez advertiz ; maiz ung bien y a que cependant le Roy ne lerra point a faire ses besongnes , si Dieu plaist. J[e croy que le principal de leur venue estoit pour destourber ce siège , car ilz parlent de quelque trêve. Mon cousin , je prye a Dieu qui vous doint ce que desirez.
Escript a Chinon le xv"' de may, a troys heures après midi.
Vostre cousine ,
ANNE DE FRANCE
ET DE SES CONSEILLERS. gg
82 VcAMIRAL
Chinon, jeudi 1 5 mai.
A MONS'' DE LA TRIMOILLE
Mons' de la Trimoille y je me recommande a vous tant comme je puis. J'ay receu les lectres que vous m'avez escriptes ; et au regard de vostre arrivée devant Ancenys [vous] vous y estes très bien et sagement conduiz , car le Roy avoit grant paour que la perte feust plus grande a Tarrivée qu'elle n'a esté. En tant que touche les bateaulx que vous demandez , tout incontinant voz lectres receues le Roy a escript a mons' du Plessis qu'il en face toute dilligence , ce que je sçay bien qu'il fera. Et touchant les foings semblablement que vous demandez , l'en y a pourveu en manière que vous en aurez. Et ne faictes doubte nuUe que tout ce qu'il vous sera neccessaire , dont vous nous advertirez par deçà , il y sera fait si bonne dilligence que vous n'aurez faulte de riens.
Au seurplus il n'est riens seurvenu de nouveau pardeçà depuis les derrenieres lectres que je vous ay escriptes , si non que Blanchefort, maire de Bordeaulx, a cejourdui escript lectres au Roy qui contiennent commant mons' d'Albret s'en est retourné a Saint Sébastian , ainsi que vous pourrés veoir par unes autres lectres qu'il m'en a escriptes semblablement , lesquelles je vous envoyé cy dedans encloses. Et pour ceste heure je ne vous escrips plus si non que s'il est tousjours quelque chose en quoy je vous puisse faire plaisir, faiaes le moy savoir et soiez seur que je le feray de bon cueur ; en vous disant a Dieu , mons' de la Trimoille, a qui je pry qu'il vous doint tout ce que plus desirez.
Escript a Chinon le xv* jour de may.
Le tout vostre cousin ,
LOYS DE GRAVILLE
lOO CORRESPONDANCE DE CHARLES VIU
Ckinon, vendredi i6 mai.
A NOSTRE CHER ET FEAL COUSIN LE SIRE DE LA TRIMOILLE ET A NOZ AMEZ ET FEAULX CONSEILLERS ET CHAMBELLANS LES CAPPITAINES ESTANS EN SA COMPAIGNIE.
De par le Roy.
Cher et féal cousin et vous noz amez et feaulx , vous savez assez le grant nombre de chevaulx qui est en nostre artillerye qui est par dellà, lesquelx sont de grant despence et de présent n^est paâ de neccessité d'en avoir si grant nombre ; et pour ce appeliez le maistre et ceulx qui ont charge de par nous en nostredicte artillerye et advisez quel nombre vous est neccessaire d'en retenir. Vous avez la rivière qui vous fournira de tout et fault faire grant despence pour les bateaulx , et en semblable cas Tannée passée vous n'avyés devant Nantes que environ quatre cens soixante chevaulx. Donnez la provision a tout ainsi que vous verrez estre a faire , car ainsi que vous congnoissez assez la despence nous est fort grande. Toutesvoyes en ce qui est neccessaire nous ne la plaignons pas ; aussi celle qui n'est besoing de faire nous vouldrions bien qu'elle ne fust point faicte, afin de nous en aider ailleurs en noz autres affaires es autres contrées de nostre royaume.
Donné a Chinon le xvj"' jour de may.
CHARLES
Robineau.
Chinon, mardi 20 mai.
A NOSTRE CHER ET FEAL COUSIN LE SIRE DE LA TRIMOILLE, NOSTRE
LIEUTENANT
De par le Roy.
Chier et féal cousin , en ensuivant la promesse que avons faicte aux ambassadeurs du duc qui derrenierement sont venuz devers nous, nous envoyons noz amez et feaulx conseillers Tarchevesque de Bordeaulx et le s' de Morvillier devers luy, lesquelz partiront cejourduy. Et affin de trouver leur saufconduit * a leur arrivée a Anxenis , vous envoyons par les postes les lectres que escripvons au duc, ensemble ung mémoire touchant leurdit saufconduit ; et pour ce tout incontinant envoyez lesdictes lectres et mémoire a Nantes, affin de recouvrer ledit saufconduit selon le contenu oudit mémoire et le garder jusques a leur passage audit lieu d^ Anxenis, et qu^il n^y ait point de faulte.
Donné a Chinon le xx°*' jour de may.
CHARLES
Damont.
