LqAMIRAL

Chinon , vendredi 9 mai.

Mons' de la Trimoille, je me recommande a vous tant comme je puis. J'ay receu a ce matin une lectre que vous m'avez escripte, qui est la responce de la derreniere lectre que vous avyez eue de moy. Et au regard de faire praticquer les Allemans de par dellà , je suis bien de vostre advis qu'il y a manière voyrement ; mais le Roy a retyré ung petit cappitaine qui vynt quant et lesditz Allemans , lequel se rendit avec M. de Rohan a Josselin et est AUemant luy mesmes , nourry page du duc d'Autriche et est assez homme d'entendement. S'il vous semble qu'il vous puisse servir, mandez le moy aflfin que j'en parle au Roy, et je sçay bien qu'il le vous envoira.

Vous mectez en une article de vostre lectre que vous avez donné saufconduit a Monthoison. Vous sçavez que depuis que vous estes là plusieurs vous ont entretenuz de saufconduiz et de sceuretez , et pourtant s'ilz ne s'en sont ilz pas venuz. Je vous advise que sy vous ne prenez garde au contenu de vosditz saufconduiz ilz y en feront très bien leur proufBt de par dellà , car

îlz deisent que le Roy leur promect beaucoup [de] biens pour euk en venir et vous, comme son lieutenant, pour rançonner les seigneurs de par dellà a de Targent ou quelque autre advantage qu'ilz ont d'eulx. Mais pour les garder de monstrer vostredit saufconduit , mectez au commancement que cella vient a leur requeste , et le nom propre de cellui qui vous en vendra apporter les nouvelles et requérir ledit saufconduit pour eubc. Et sy vous leur faictes promesse , faictes que le tout soit a leur requeste et leur accordez comme lieutenant du Roy, faignant que cella viengne de vous , en les asseurant bien que vous leur ferez bon de la promesse ; et je croy que le Roy ne vous en lairra pas en derrière.

Et en tant que touche la demollicion de la place , où vous dictes que la dame de léans *ne s^en resjoyra jà, je le croiroye * V. n- 2o5 et 206. bien , car il y a longtemps qu^elle n^avoit point eu en sa maison de telz mesnagiers. Et touchant ce que vous mectez du viconte d'Aunay et des lieutenans du seneschal de Thoulouse et de Meritain , le Roy envoyé le cappitaine Raoul devers vous quHl vous en dira sur le tout son advis , là où il est bien besoing de pourveoir en grant sceureté.

Vous m'avez envoyé le mémoire que le maistre de Tartillerye vous a baillé pour envoyer au Roy , où il y a beaucoup de choses. Jusques icy vous n'avez eu faulte de riens ; mais aussi vous devez entendre que là où il se demande quelque chose oultre raison en la présence du lieutenant du Roy, comme vous estes , il les doit debatre en telle manière que quant il fait sa demande Ten puisse dire qu'il n'y a riens hors de raison et qu'il congnoist les choses qu'ilz sont faisables. Je le vous dy pour ce que mons*" du Fou a esté icy présent pour debatre ce siège de Fougieres et luy fut ordonné , de par le Roy, en faire ung advis de ce qu'il lui sembloit y estre neccessaire, et bien au large. Et pour ce que ledit s"" du Fou a esté deux foiz a prandre ladicte place par force, et conduysoit l'artillerye , il en doit par raison mieulx savoir la manière que cellui qu'il n'y fut jamais, et de la despence qu'il s'y peult faire aussi. Et pour du tout vous en adviser, sondit advis a esté mis par escript lequel le cappitaine

go CORRESPONDANCE DE CHARLES VIII

Raoul vous porte touchant les tranchées, pyonniers et charpentiers ; le tout selon qu^il y a fait besongner le temps passé , comme dessus est dit , de quoy il lui en prist très bien.

Ce que je vous escrips ainsi au long ce n^est que pour ce que je vouidroye bien que toutes les choses que vous conduisez vensissent bien a vostre honneur et prouffit , car je congnois assez de gens de quoy je me passeroye bien de leur en riens escripre. Ilz en feroient sur le tout ainsi quUlz le vouldroient entendre , et peult estre qu^ilz le feroient mieulx que je ne le sçauroye faire beaucoup ; toutesfoiz vous y prandrez ce que vous y trouverez de bon et laisserez le demourant.

Vous ne mandez riens des gens du gouverneur de Bourgongne et de ceulx de Jacques Gallyot , de ceulx de Jehan du Mayne et de cellui qui mesne les vingt lances des premiers qu^ilz vindrent de mons"" d^Albret , qui est passé il y a quatre jours par icy et disoit qu'il s'en alloit en Tost. Il vient gens tous les jours , tant pencionnaires comme autres ; le tout vous sera toujours envoyé affin que vous soyez plus fort. Faictes vostre affaire en diUigence , s'est a dire ce que vous trouverez faisable , car la longueur pourroit tourner a très grand préjudice.

Tout maintenant ont envoyé quérir les ambaxadeurs de Bretaigne leur saufconduit devers le Roy ; mais ce sont les propres personnages qu'ilz sont venuz derrenierement, tant ceulx du duc que ceulx des seigneurs. Toutesfoiz ilz ont escript que les gros vendront après eulx , mais ilz veullent avoir bien ample sceureté du Roy avant que desloger de là, laquelle ceulx cy viennent pour la demander et debatre.

Et sy vous voulez savoir ce qu'il me semble que voz voisins ont espérance de faire je vous respons , et sy ne m'en demandez pas , qu'ilz feront de trois choses l'une. C'est assavoir vostre siège de Fougieres posé et assis , ilz iront avecques toute leur puissance eulx gecter devant Dol avec grant force de pyonniers , espérant en briefs jours en faire ainsi comme ilz ont fait de la place de Vannes. Ou ilz se vendront parquer, avec tout ce qu'ilz pourront assembler, a une lieue ou a deux près de vostre siège, pour delà en hors vous faire tout Tempeschement qu'ilz pour-

ront. La troisiesme me semble qu'ilz assembleront Briquet et Marquet et se vendront gecter devant Glisson , pour ce qu'il leur semble place foible et que par ce moyen ilz vous feront lascher prise et feront de grosses courses en ce pays d'Anjou et de Poiaou de leurs gens de cheval.

Je vous escrips de toutes ses choses mon advis pour la raison qui est contenue en une article cy devant escripte , car soiez asseuré que sy de fait je puis ou povoye faire quelque chose a vostre advantage je le feroye de meilleur cueur que de paroUe la moiaié. Et icy endroit je vous dy a Dieu, mons"" de la Trimoille, a qui je pri qu'il vous doint tout ce que plus desirez.

Escript a Chinon le ix* jour de may.

Demandez des nouvelles de Flandres au cappitaine Raoul et il vous dira la vérité de tout ce qu'il s'y fait.

Le tout vostre cousin ,

LOYS DE GRAVILLE

Chinon, samedi lo mai,

A NOSTRE CHER ET FEAL COUSIN LE SIRE DE LA TRIMOILLE ET A NOZ AMEZ ET FEAULX CONSEILLERS ET CHAMBELLANS LES CAPPI- TAINES ESTANS EN SA COMPAIGNIE.

De par le Roy.

Chier et féal cousin et vous noz amez et feaulx , nous vous avons aujourdui escript que nous vous envoyons le cappitaine Raoul , pour vous dire ce qu'il nous sembloit touchant la matière de Dol principallement et pour ce que vous nous avyés escript que le viconte venoit devers nous pour ceste matière , dont il n'est encores nouvelles de sa venue. Toutesfoiz nous avons esté

advertiz que ledit viconte a tousjours esté prest de retourner dedens ledit lieu de Dol et que les autres gensdarmes qu'il avoit amenez a Chasteaubryand vouloient bien retourner quant et luy, mais ilz ont esté preschez de quelque ung qui les en a gardez, dont nous ne nous feussions empiece doubtez. Et neantmoins nous entendons que lesditz [gens] darmes en facent ce que par vous leur en sera ordonné ; et s'il y en a aucuns qui facent le contraire faictes le nous savoir, car icy endroit gist le bon service ou mauvais qu'ilz nous vouldroient faire. Incontinent que ledit viconte sera venu nous Tenvoyerons audit Dol , pour soy y conduire et gouverner selon que vous lui ferez savoir, car nous sommes bien seurs qu'il ne reffusera pas ceste commission ne autre que lui vouldryons bailler.

Faictes diligence en vostre affaire et nous mandez de voz nouvelles.

Donné a Chinon le x™* jour de may.

CHARLES

Robineau.

Chinon^ mardi i3 mai.

A NOSTRE CHER ET FEAL COUSIN LE SIRE DE LA TRIMOILLE , NOSTRE LIEUTENANT, ET A NOZ AMEZ ET FEAULX LES CAPPITAINES ESTANS EN SA COMPAIGNYE.

De par le Roy.

Cher et féal cousin et vous noz amez et feaulx , nous avons receu voz lectres lundi environ quatre heures après mydi, escriptes de dimanche au soir, par lesquelles nous mectez la venue devers vous du cappitaine Raoul et ce que avez advisé qu'il estoit besoing

ET DE SES CONSEILLERS. g3

de faire a ce qu^il vous a dit de par nous, dont le tout nous semble très bien. Toutesfoiz nous n'avons point encore eu vostre deliberacion ; mais au regard des apprestes que vous demander, selon le contenu de ce que vous nous avez fait savoir, la diligence en a esté faicte : nous avons escript au s*" de la Forest , passé a deux jours, qu'il se rende là où vous nous avez escript , et encore luy en escripvons unes autres lectres.

Le viconte d'Aunay fut hier depesché et s'en est allé à Dol actendent faire ce que vous luy ordonnerez, car nous le luy avons ainsy chargé et escript encore depuis son partement ; et avons envoyé le vieil Furet pour luy faire porter des vivres. Mais comme nous vous avons fait savoir il n'y a chose doubteuse si ce n'est ceste place là, par quoy est besoing que vous y aiez pourveu par ceulx que vous avez depeschez ; et ne s'en fault pas actendre de tous poins audit viconte, car il est tant plain de bonne voulenté qu'il oseroit bien entreprandre des choses qu'il ne sauroit parfoumir. Vous aurez bien esgard sur le tout , par quoy nous ne vous en faisons autre chose savoir. Et au regard de Montoison nous sommes bien de vostre advis : car puisqu'il ne veult demourer pour nous servir c'est très mauvais signe, car le revenu de sa maison est trop petit pour en faire grant mise. Faiaes nous tousjours savoir de voz nouvelles et nous vous ferons savoir des nostres.

Donné a Chinon le xnj™^ jour de may, a quatre heures après mydi.

Depuis ceste lectre escripte, j'en ay receu une autre de vous qui contient vostre partement et l'ordre que vous avez tenue a vostre desloger et de ceulx qui vont devant prandre le logis, qui nous semble très bien. Vous mectez en vostredicte lectre que le cappitaine Meritain s'en va a Dol ; il a prins le meilleur conseil et le plus honneste. Au regard de voz provisions que vous demandez, il s'en fait la diligence partout tellement que vous n'aurez faulte de rien.

CHARLES

De Saint Martin.