MADAME DE BEAU JEU
Chinon, mardi 20 mai.
A MON COUSIN MONS' DE LA TRIMOILLE
Mon cousin , mons"* le mareschal des Querdes a escript a Monseigneur et a moy qu'il veult bailler son gouvernement de la Rochelle a mons' des Halles , moiennant la somme de six mil escuz et mil francs que montoit le revenu d'un an dudit gouvernement , nous priant que voulsissions tant faire envers le Roy , auquel il en escript , que son bon plaisir fust le consentir. Mon cousin , vous congnoissez le personnaige et les grans services qu'il a faiz au Roy et au royaume , par quoy je ne voy point que bonnement l'on l'en puist refuzer. Toutesfoiz pour ce que autresfoiz vous avons parlé de parvenir audit gouvernement , je vous en advertiz afin que regardez se le vouldriez avoir pour ceste somme, qui me semble fort excessive , et sinon je vous prie estre
content que Pen en face ainsi que ledit s*" des Querdes requiert ; et en telle autre office que adviserez, et fust beaucoup plus grant que cellui dessusdit , Monseigneur et moy nous y emploierons et vous y aiderons en façon que vous en aparcevrez. Et adieu mon cousin.
Escript a Chinon le * jour de may. * ^^ ^^*'^^"
Votre cousine ,
, ANNE DE FRANCE
87,- LqAMIRAL Chinon y mardi 20 mai.
A MONS' DE LA TRIMOILLE
Mons"* de la Trimoille, je me reconunande a vous tant comme je puis. J^ay receu deux paires de lectres de vous depuis quatre jours, mais pour ce que toutes les provisions neccessaires contenues dedans vozdictes lectres estoient données, tant de vivres que de bateaux, je ne vous y ay point fait de responce ; toutesfoiz je me doubtoye bien de ce qui est advenu de ceste place, par quoy vous n'avez plus de besoing que de vivres là où il s'y fait toute diligence. Au seurplus vous savez que je vous ay tousjours escript que je vous advertiroyé de tout ce qu'il me sembleroit de cest affaire là où vous estes : je vous advise , ainsi qu'il me semble , qu'il y a beaucoup de choses a regarder. Et a la première dont le Roy vous escript , pour l'abatement de ceste place, vous avez a assembler tous voz voysins d'Angiers et de toute ceste liziere qu'ilz la vous abatront en grant diligence, pour ce que le fait leur touche, en manière qu'elle sera mal aisée a remparer. Et est ung point là où vous devez prandre garde de près et le faire en diligence, car le Roy a mys a ce matin l'abatement de ladicte place en conseil , où il y avoit une dozaine de bons personnaiges qui tous ont dit et conseillé de l'abatre sans nul delay.
Au demourant le Roy envoyé en Bretaigne Mons' de Bordeaulx et le cappitaine Raoul de Launay, lesquelz passeront par ' vous. Et affin que vous entendez que les Bretons demandent , c^est en effect une trêve de quinze jours ou troys sepmaines ; et pour ce que bonnement Ten ne leur peut reffuzer une abstinance de guerre, il semble a de voz amys que veu le bon exploit qui a esté fait du cousté là où vous estes, qui est d^avoir geaé la frontière si loing des pays du Roy , que qui pourroit , entre cy et la prinse de ceste trêve, leur emporter une mesdiante place là où je croy quUlz n^atendront pas, qui est de Tautre cousté de la rivière, qui s'appelle le Loroux Botereau, ce seroit ung merveilleusement grant bien pour le pays de Poitou. Et si di Ten que ladiae place ne sauroit tenir troys heures avecques quatre canons , et si di Ten qu'il n'y a que trois ou quatre lieux de là où vous estes ; et si vous dy qu'elle a fait dommaige de cent mille escus en Poitou. Je ne sçay combien l'armée de Bretaigne est loing de vous et si ne puis deviner de si loing là où je suis comment ce que je vous escrips est faisable, mais je vous en advise pour les raisons que je vous ay tousjours escriptes. Vous y prandrés ce que vous y trouverez de bon et si ne ferez pas semblant que l'en vous en ayt riens escript ; mais il me semble que vous en povez parler aux cappitaines comme de vous, et ce que vous verrez faisable essaier de le faire et le demourant vous en passez.
Mons' de la Trimoille, pour ce que je n'ay pas temps de vous escripre plus longuement je m'en tais icy endroit , et vous dy a (
Dieu a qui je pry qu'il vous doint tout ce que plus desirez.
Escript a Chinon le xx™* jour de may.
* Autographe. L^^n * VOUS escript pour le govemement de la Rochelle. An
vous prommet myeuk ; je leur complcroye.
Le tout vostre cousin ,
LOYS DE GRAVILLE
88 — CHARLES VIII Chinon, mercredi 2i mai.
A NOSTRE CHIER ET FEAL COUSIN LE SIRE DE LA TRIMOILLE, NOSTRE LIEUTENANT, ET A NOZ AMEZ ET FEAULX LES CAPPITAINES ESTANS EN SA COMPAGNIE.
De par le Roy.
Chier et féal cousin et vous noz amez et feaulx , nous avons escript au seigneur du Plessis Bourré qu^ii reçoive tous les ostages que vous avez retenuz tant a Chasteaubryant que a Ancenys, aflfin d^en faire Teschange selon que vous en avez faict les composidons, en manière que nous ayons le seigneur de Champeroux et tous noz gens sans ce qu^il en faille pas ung ; et pour ce besongnez y ainsi que vous entendez qu^il ce doit faire. Au demourant faictes abréger d^abatre ceste place le plus tost que faire ce pourra, et faictes gecter dedans les fossez les pierres et les terres qu^ilz sont dedans le chasteau , et non pas de celles du dehors , et aussi faictes bien raser la murete et les moyneaux de devers Peaue ; et nous faictes tousjours savoir de voz nouvelles de ce qu^il vous sourvendra, et nous vous ferons savoir des nostres.
Donné a Chinon le xx)*"* jour de may.
CHARLES
De Saint Martin.
Chinon, mercredi 21 mai.
A NOSTRE CHER ET FEAL COUSIN LE S' DE LA TRIMOILLE
De par le Roy.
Cher et féal cousin j nous envoyons devers le duc nostre amé et féal conseiller et chambellan le s' de Morvillier auquel avons donné charge , en passant a Ancenys, de vous dire aucunes choses de par nous. Si vous prions que le croiez et adjouster foy a ce qu^il vous dira comme a nostre personne ; et au demourant faictes nous souvant savoir des nouvelles et de ce qu'il vous surviendra, et si riens nous survient nous le vous ferons savoir.
Donné a Chinon le xx)"** jour de may.
CHARLES
Damont.
