UqAMIRAL

Chinon ^ mercredi 21 mai.

Mons"" de la Trimoille, Je me recommande a vous tant comme je puis. Je vous oublié hier a escripre que le Roy avoit délibéré, passé a six jours, de s'en aller vers Angers. Toutesfoiz , pour ce qu'il y a eu quelque petit bruyt de mauvais her , la chose a esté dissimullée jusques a aujourduy ; mais ledit seigneur s'en part demain et sera sabmedi au Pont de Sée ou là autour , et de là yra peut estre a Nostre Dame de Behuart et coucher a Rochefort.

Au seurplus il y eut hier ung homme , qui est homme de bien, qui dit que sans point de faulte la plus part du bon meuble de mons"* le mareschal de Rieux est cachié dedans Ancenys. Je m^cn rapporte a mess" voz commis de le trouver.

Le Roy s'en part maintenant et s'en va disner a Plsle Bouchart. Faictes moy savoir de voz nouvelles, et de ce qui sourviendra par deçà je vous en advertiray tousjours. Je ne vous escrips plus pour ceste heure sy non que je vous dy a Dieu , mons** de la Trimoille, a qui je prye qu'il vous doint tout ce que plus desirez.

Escript a Chinon , le xxj"** jour de may.

Le tout vostre cousin ,

LOYS DE GRAVILLE

Chinon , jeudi 22 mai.

A NOSTRE CHER ET AMÉ COUSIN LE S' DE LA TRIMOILLE, VICONTE