A MON COUSIN LE SIRE DE- LA TRIMOILLE, MON LIEUTENANT
Mon cousin , incontinant que les Bretons seront passez , venez vous en devers moy et amenez qui vous vouidrez avecques vous ; mais avant vostre partement donnez si bon ordre a toutqu^il n^en advieigne inconvénient , et laissez quelque homme de bien en vostre place jusques a ce que soiez retourné. Et adieu.
Escript a Angiers le vii]™* jour de jung.
CHARLES
Damont.
1 14 — MONS" DE BEAUJEU Angers^ dimanche S juin.
A MON COUSIN , MONS' DE LA TREMOILLE
Mon cousin , il me semble que , en ensuivant ce que le Roy vous escript, ferez bien de vous en venir devers luy pour plusieurs choses que Ton vous dira vous venu ; mais avant vostre partement donnez bon ordre par tout. Et a Dieu , mon cousin , qui vous doint ce que desirez.
Escript a Angiers le xxi)™^ jour de juing.
Vostre cousin ,
PIERRE
l3o CORRESPONDANCE DE CHARLES VIII
ii5 — L'ÇAMIRAL
Angers, dimanche 8 juin.
Mons"* de la Trimoille , je me recommande a vous tant comme je puis. Le Roy vous escript unes lectres que incontinent que les ambaxadeurs seront passez que vous en viengnez devers lui ; et me semble que vous devez donner bon ordre en vostre camp et y laissez ung bon personnage ou deux a qui vous recommandez tout. Il n^est riens venu de nouveau depuis que derrenierement je vous ay escript; s'il feust seurvenu quelque chose , incontinent je le vous eusse fait savoir. L'en dit par deçà que noz Bretons ne feront riens et que ce n'est que ung amusement. Donnez bonne ordre que les vins , a vostre partement , ne descendent point a Nantes. Pour ce que j'ay espérance de vous veoir de brief, je ne vous escrips plus si non que je vous di a Dieu , mons*" de la Trimoille , a qui je pri qu'il vous doint tout ce que plus desirez.
Escript a Angiers le viij™* jour de juing.
Le tout vostre cousin ,
LOYS DE GRAVILLE
ET* DE SES CONSEILLERS. l3l
ii6 - CHARLES VIII
Angers, vendredi li juin,
A MON COUSIN LE SIRE DE LA TRIMOILLE
Mon cousin , pour ce , comme sçavez , qu^il est besoing me servir en mon armée de Bretaigne des six coulevrines que avez a Craon, aussi de celle qui est a Rochefort % je vous prye que « sur Loire« mandez et escripvez a voz cappitaines desditz lieux qu^ilz les baillent au maistre de mon artillerie ou a celluy qu^il y envoyera, pour les faire habiller et monter ; et je les vous feray rendre et n^y aura point de faulte. Et a Dieu mon cousin, qui vous ait en sa saincte garde.
Escript a Angiers le xii)* jour de juing.
Primaudaye.
Angers, samedi 14 juin,
A NOSTRE CHER ET FEAL COUSIN LE SIRE DE LA TRIMOILLE ET A NOZ AMEZ ET FEAULX CONSEILLERS ET CHAMBELLANS LES SENES- CHAULX D^AGENOYS ET DE CARCASSONNE , LE SIRE DE S^ ANDRÉ ET LE CAPITAINE JAQUES GALEOT.
De par le Roy.
Cher et féal cousin et vous noz amez et feaulx j nous avons receu voz lectres escriptes a Ancenys, du xii)' jour de ce moys de juing , par lesquelles nous faiaes savoir que vous faictes voz préparatoires pour partir au jour que avons ordonné. Au regard
l32 CORRESPONDANCE DE CHARLES VIII
de vostredit partement, quant les ambaxadeurs de Bretaigne qui ont esté ycy devers nous ont esté depeschiez pour eulx en retourner , ilz nous ont requis que nostre plaisir feust leur octroyer de faire continuer Tabstinence de guerre d'icy a huit ou dix jours, sans mectre sièges ne assaillir aucunes places; ce que n^avons voulu faire , mais leur avons seullement accordé que jusques a vendredi prochain, pour tout le jour, le gros de nostre année ne passera point plus avant que Marcillé. Et pour ce regardez a vostre partement et advisez a faire voz logeis tellement que vous puissiez arriver ledit jour audit lieu de Marcillé, pour après faire ce que vous manderons.
Touchant maistre Jaques Berziau , nous lui avons ordonné aller devers vous pour pourveoû* a faire Padvance aux gensdarmes, ainsi qu^il avoit esté parlé. Des francs archiers et autres qui s^en sont allez, dont ne nous povez bonnement au vray faire savoir le nombre jusques a ce que la reveue en soit faicte, qui est bien neccessaire de faire quand vous serez partis de là où vous estes, vous le prenez très bien ; et fauldra faire ladicte reveue et après nous advertir incontinent de tout, et nous y pourvoyrons tellement que les autres y devront prendre exemple , et envoyrons devers les seneschaulx et baiUiz de nostre royaulme afin qu^ilz en facent la pugnicion telle que nous escripvez. Et en tant que touche de faire dire a tous les gensdarmes qui sont en ceste ville d'Angiers qu'ilz s'en aillent devers vous , nous avons commandé au prevost de nostre hostel qui le face incontinent cryer, et qu'ilz soient en nostre armée dedans aujourduy ou demain sans nulle faulte.
Vous mectez en vosdictes lectres que les capitaines des firans archiers allèrent yer devers vous et dirent que leurs gens n'ont plus de quoy vivre , car des deux frans qui leur ont esté baillez ilz en dévoient la pluspart aux marchans et le demourant ilz ont despendu depuis. Nous nous en donnons merveille et en devez bien parler ausditz capitaines , car vous savez qu'il n'y a gueres que cest argent leur fut baillé : et les avons fait et ferons paier, mais aussi nous entendons qu'ilz nous servent sans nous vouloir contraindre de leur bailler argent a leur plaisir, ce qui ne se fera point. Du s' Dauroze et le capitaine Adrien, qui doivent partir
ET DE SES CONSEILLERS. l33
aujourduy pour eulx en aller a Saint Aulbin , vous avez bien fait de les y envoyer ainsi que l'avions chargié a vous , nostre cousin de la Trimoille , pour le leur dire. Nous vous savons bon gré des nouvelles que nous faictes savoir de Talée du s"^ de Rieux en basse Bretaigne , et aussi du bon vouloir que vous avez de les recueillir le mieulx que vous pourrez , se ainsi est qu'ilz facent Tentreprinse que le marchant qui est venu du Croysic vous a dit qu'ilz font pour vous aller veoir a la fin de la trêve ; et croyons certainement que, a Tayde de Dieu, ilz ne Tauront pas davantaige et que vous les reccullerez comme il leur appartient, s'ilz y viennent.
Nous vous envoyons cy dedans encloz le double d'unes lectres * que nostre cousin le roy d'Angleterre nous a escriptes * v. n* ai3, par Jarretière , son herault d'armes , par lesquelles vous verrez ce qu'il nous escript touchant la venue du s"" de Scalles et du petit nombre d'Anglois qu'il a amenez en Bretaigne sans son sçeu ne plaisir, mais l'a fait oukre ses deffenses, dont il n'est pas content. Au seurplus donnez vous tousjours bien garde de ce que aurez a faire, et de ce qui vous seurviendra nous advertissez et souvant nous faictes savoir des nouvelles.
Donné a Angiers le xhi)"* jour de' juing, a huit heures du matin.
CHARLES
Parent.
l34 CORRESPONDANCE DE CHARLES VIII
ii8 - CHARLES VIII
Angers, samedi i^juin.
A NOSTRE CHER ET FEAL COUSIN LE SIRE DE LA TRIMOILLE ET A NOZ AMEZ ET FEAULX CONSEILLERS ET CHAMBELLANS LES SENESCHAULX d'aGENOYS et de CARCASSONNE , LE SIRE DE S* ANDRÉ , ET LE CAPITAINE JAQUES GALEOT.
De par le Roy.
Cher et féal cousin et vous nos amez et feaulx , les ambaxadeurs de Bretaigne nous ont a leur partement requis continuer huit ou dix jours Fabstinence de guerre, pour pendent ce temps essayer a mectre quelque conclusion aux matières pour lesquelles ilz estoient venuz devers nous , ce que ne leur avons voulu accorder congnoissans que ce seroit le desavantaige des gensdarmes de nostre armée. Toutesfoiz , pour tousjours de plus en plus nous mectre en nostre devoir , leur avons octroyé que aucun sieige ne se meara et que nostre dicte armée ne marchera oultre Marcillé plustost que samedi xx)™* jour de ce présent moys de juing ; maiz les gensdarmes , tant des garnisons que autres , ne laisseront point a courir sans passer la rivière de Villaines. Des quelles choses vous advertissons afin que regardez de vostre partement des logeiz que vous ferez , et que en advertissez les commissaires que avons envolez pour les vivres , en nous faisant savoir ce que en aurez conclud avecques de voz autres nouvelles.
Donné a Angiers le xiii)"* jour de juing.
CHARLES
Parent.
ET DE SES CONSEILLERS. I 3d
iig -Vq^MIRAL
Angers, samedi 14. juin,
A MONS' DE LA TRIMOILLE
Mons' de la Trimoille , je me recommande a vous tant comme je puis. Mess**' les ambaxadeurs de Bretaigne s^en sont allez a ce matm^ ainsi que vous sçavez. Et pour vous parler de leur depesche j après toutes choses debatues, ilz ont requis au Roy qu^il lui pleust estre contant que son armée ne tyrast point oultre Victré , en tyrant droit a Dol , et en ce quartier là qull ne soit faict exploict de guerre d'aujourdui en huit jours , et lui ont promis que entre cy et là ilz essayeront a faire telle chose envers le duc et le pays que ledit seigneur s^en devra contanter ; laquelle chose le Roy leur a accordée. Toutesfoiz les garnisons ne laisseront pas a faire tousjours chascun endroit soy du mieulx qu^ilz pourront , tant d^ung cousté que d^autre.
Anthoine Kamazay m^a escript unes lectres lesquelles je vous envoyé cy dedans encloses ; et par icelles vous pourrés veoir ce que voz voisins ont fait a voz hommes de vostre baronnye de Craon , et croy qu^il vous en ayt autant esté escript. Je m'en rapporte bien a vous de vous en revancher et de faire faire la justice des brigans que ledit Kamazay tient prisonniers. Au seurplus madame la mareschalle * m'a escript que voz officiers * De Gyé. de Craon ont contraina les hommes de mons' le mareschal de sa terre et seigneurie de Morticrolle, et autres qu'il a en Anjou, a aller besongner a voz fonifficadons audit Craon. Pour abréger elle envoyé ce porteur devers vous pour vous solliciter de faire savoir a voz gens qu'ilz cessent de les plus contraindre ; je vous prye ainsi le faire , autrement vous n'aurez pas paix a madicte dame la mareschalle. Et icy endroit je vous di a Dieu , mons' de la Trimoille, a qui je pri qu'il vous doint tout ce que plus desirez.
Escript a Angiers, le xiii)"* jour de juing.
Le tout vostre cousin ,
LOYS DE GRA VILLE
l36 CORRESPONDANCE DE CHARLES VIII
120— VcAMIRAL
Angers, samedi 14 juin.
A MONS' DE LA TRIMOILLE
Mons' de la Trimoilley je me recommande a vous tant comme je puis. Je vous prie que faictes bailler au maistre de Tartillerie voz v) grosses coUevrines qui sont a Craon, aussi la grosse qui est a Rochefort y et m^envoyez Tinventoire (le tout ce que aurez baillé et il n^y aura point de faulte que je ne les vous face rendre aussi bien ou mieulx en point qu^elles ne sont de présent. Et a Dieu , mons' de la Trimoille , qui vous doint ce que plus desirez.
Escript a Angiers le xiii)"*" jour de juing.
Le tout vostre cousin j
LOYS DE GRAVILLE
