VqAMIRAL Angers, samedi 14 juin
A MONS' DE LA TRIMOILLE
Mons' de la Trimoille , je me recommande a vous tant comme je puis. Uaumosnier Mauhugeon s'en retourne devers vous , lequel m'a parlé bien au long de la matière que vous sçavez ; et du tout je Tay remys a vous pour vous en communiquer et dire ce qu'il est besoing, pour après délibérer ensemble ce qu'il sera besoing d'en faire. Au demourant il m'a parlé touchant matière de vin. Il vouldroit bien que vous feussyés contant de luy donner congié d'en enlever chascune sepmaine de vostre ost deux pippes, en les payant, pour festoyer ses cousines qu'il" a en ce quartier
ET DE SES CONSEILLERS. lij
là. Il me semble que vous luy povez bien accorder sa requeste touchant ce points pour les raisons dessus dictes. Il vous dira le seurplus ; par quoy je me passe de vous escripre autre chose pour ceste heure^ si non que je vous di a Dieu, mons' de la Trimoille, a qui je pri qu^il vous doint tout ce que plus desirez.
Escript a Angiers , le xiiij"* jour de jung.
Le tout vostre cousin y
LOYS DE GRAVILLE
122 — CHARLES VIII Angers, dimanche 1 5 juin.
De par le Roy *. * Texte de Dom
Morice.
Cher et féal cousih , nous avons receu vos lettres , ensemble celles que le sire de Dunois escrivoit à nostre frère le duc de Bourbon , nostre amiral et à vous ; et sembloit par lesdites lettres que eussions accordé la trêve jusques à samedi, pour tout le jour, et que la deussions faire publier en nostre ost et ailleurs , ce que jamais ne fismes ; mais comme dès hier vous escrivismes, suimes contens que nostre armée ne feroit nulle course outre la rivière de Villaine et que jusqu'à vendredy, pour tout le jour, ne passeroit Vitré ou Marcilly et que les garnisons ne laisseroient à faire ce que bon leur sembleroit. Toutesfois, affin de toujours mettre la raison devers nous et quUls ne pensent que Ton les voulsist surprendre meschamment, ne partez demain pour tout le jour et ne faites course en ce pays qui leur soit dommageable ; et vous donnez bien garde que sous ombre de caritat ils ne vous puissent surprendre
Donné à Angers le xv'"* jour de juing.
Signé : CHARLES. Et plus bas : Robineau.
Et sur le dos est écrit : A nostre cher et féal cousin le sire de la Trimoille.
l38 CORRESPONDANCE DE CHARLES VIII
Morice.
Angers, lundi 1 6 juin.
* Texte de Dom Cher et féal cousin *, J'ay ce jourd'huy à trois heures du
matin receu les lettres que hier m^escrivites à trois heures du soir, par lesquelles m^escrivez la grande presse de publier la trêve que a fait le hérault du duc, [ce] que vous n^avez voulu faire dont vous savons bon gré. En tant que touche le jour de vostre partementy il nous semble que devez partir demain matin; mais regardez quels logis vous ferez, et de tellement les espacer que ne passiez outre Marcilly pour tout le jour. Et au regard des vivres, nous avons ce matin ordonné à nostre prévost de Thostel vous en faire mener, et n'y aura point de faute que vous n'en ayez aujourd'huy si largement que vous n'aurez cause d'en retarder votre partement. Nous vous envoyons une lettre que nostre frère le duc de Bourbon escrit au sire de Dunois, pour la lui envoyer à Nantes; et pour savoir la négligence du paquet que vous envoyasmes , adressant audit sire de Dunois, vous envoyons le controlleur des postes, et aussi pour changer l'assiete desdites postes à vostre partement.
Donné à Angers le xv)"** jour de juin, à huit heures du matin.
Signé : CHARLES. Et plus bas : Parent.
Et sur le dos est écrit : A nostre cher et féal cousin le sire de la Trimoille , nostre lieutenant en nostre armée.
ET DE SES CONSEILLERS. iSg
Angers , lundi 1 6 juin.
A NOSTRE CHER ET FEAL COUSIN LE SIRE DE LA TRIMOILLE y NOSTRE LIEUTENANT EN NOSTRE OST.
De par le Roy.
Cher et féal cousin, nous vous envoyons par delà nostre amé et féal conseillier et chambellan le s' de Charluz pour faire ce quMl sera besoing pour nostre service, ainsi quHl a voulentiers fait par cy devant, et lui avons ordonné faire sarrer ses gens de pié en nostre ost sans les souffrir escarter ; et pour ce advisez tousjours ensemble ce qui se devra faire pour le mieulx et souvant nous faictes savoir des nouvelles et de ce qui surviendra. Il n^y a riens changé depuis , si non que le duc nous a escript unes lectres desquelles vous envoyons le double cy dedans encloz.
Donné a Ângiers le xv)™" jour de juing.
CHARLES
Parent.
