MONS"^ DE BEAUJEU

Les Montils, 14 mars.

A MON COUSIN MONS' DE LA TRIMOILLE

Mons' de la Trimoille j je me recommande a vous. Il arriva hier ung homme d^armes de la compaignie du s^ de Champerrouxy lequel venoit de Vannes et a dit au Roy que mons^ de Rohan est délibéré de tenir pour lui mais il a besoing d^estre secouru. A ceste cause il est besoing que vous advisez tous ensemble d^y donner la meilleure provision que vous pourrez en seureté , par quoy je vous prie que vous le faiaes car vous savez de combien cest affaire touche. Et a Dieu auquel je prie vous avoir en sa garde.

Escript aux Montilz le xiu)* jour de mars.

Vostre cousin ,

PIERRE

Les MontilS'lèS' Tours, mercredi 19 mars.

A NOSTRE CHER ET FEAL COUSIN LE S' DE LA TRIMOILLE , NOSTRE LIEUTENANT, ET A NOZ AMEZ ET FEAULX CONSEILLERS ET CHAM- BELLANS LES S^ DE CHARLUZ ET DE SAINCT ANDRÉ.

De par le Roy.

Cher et féal cousin et vous noz amez et feaulx , nous avons receu vostre lectre escripte de lundi au soir a cinq heures , et est venue a ce matin qui est mecredi y par laquelle vous mectez que vous avez envoyé Turquet a la Guierche et le seneschal D'Age-

naiz et le cappitaine Jaques de Silly a Ghasteaugontier, ,et que vous commencerez aujourduy a faire la reveue des gensdarmes de place en place, comme pieçâ le vous avions ordonné. Ce sont toutes choses neccessaires , et si pieçà eussent esté faiaes la chose n^en vaulsist que mieulx.

Au surplus Dimenche du Renier et Jaques de Grassay arrivèrent hier icy, et partirent jeudy de Vannes où ilz laissèrent toute la compaignie excepté quelque petit nombre de gens qui partoit pour venir a Chasteaubryant et a MarciUé pour ce que Ten leur avoit dit que le siège sU devoit mectre. Nous vous envolerons Tun des deux qui vous dira que c^est de leur fait , qui est très piteux s^il est vray ce qu^ilz disent. Ilz nous ont dit qu^il y avoit largement de communes devant noz gens qui sont a la Chaize, et disent que les ungs disoient que nostre cousin de Rohan estoit dedans Jossellin et qu^il tiendroit la place, les autres disoient quUl estoit allé a Concq mais qu^il disoit tousjours bonnes parolles de nous ; et peut estre qu'il leur tiendra bien quelque parlement pour actendre s'il aura quelque secours de nous.

Aussi ilz nous ont dit qu'il y a plusieurs des gensdarmes qui sont avecques eulx qui leur ont dit : <c Vous vous en allez en » France en pourpoint, mais pleust a Dieu que nous y feussions j» tous en chemise. » Pour conclusion , ilz disent qu'ilz vallent desconfiz. Vous l'orrez parler ; mais de mectre siège ilz disent qu'ilz en sont en mauvais estât et que si deux cens lances feussent passez, ce qu'ilz eussent fait aisément, ilz estoient defiaiz a jamais. Et disoient a commune voix , parmy leur ost , qu'ilz estoient montez une foiz sur mer a Vannes mais qu'ilz y monteroient encores une autrefoiz a plus grant haste qu'ilz n'estoient la première , et plusieurs autres meschantez parolles. 0>mme nous vous avons escript regardez , 'se nostre cousin de Rohan est assiégé , ce qui se pourra faire. Nous faisons haster nos gensdarmes a toute dilligence.

Le mareschal, des Querdes nous escripvit hier des nouvelles de Flandres qui continuent tousjours contre le duc d'Autrische , et que les Gantoys ont fait copper les testes a neuf hommes dont vous envoyons cy dedans encloz le double du brevet de

leurs noms. Et sont bien délibérez les Flamengs d'entretenir le traicté de la paix et de nous obeyr comme leur souverain , et jà Pont fait cryer en leur pays ; et si ont envoyé quérir les s" de Pierres et de Piennes et maistre Jehan Dauffey pour aller devers eulx a Gant y où tous les estatz des païs sont assemblez, et n'y veullent riens faire sans ce qu'il y ait de noz gens.

Donné aux Montilz lez Tours le xa""* jour de mars, a dix heures du matin.

CHARLES

Parent.