rcAMIRAL

Le Plessis-dU'Parc , mercredi ig mars.

A MONS' DE LA TRIMOILLE

Mons' de la Trimoille, je me recommande a vous tant comme je puis. J'ay a ce matin receu les lectres que vous m'avez escriptes de Pouencé y par lesquelles vous mectez que vous estes arrivé par delà et avez trouvé mons^ de Charluz et tous les autres cappitaines ausquelz vous avez dit ce que le Roy vous avoit ordonné ; et que , a cause d'unes lectres que le cappitaine Adrien leur avoit envoyés y Turquect est allé a la Guierche pour parler audit Adrien et a Rocherolles pour savoir leur advis touchant la place y si elle est tenable ou non; et aussi que le seneschal d'Agenoys et le cappitaine Jacques de Silly sont allez a Chasteaugontier pour faire la monstre des nobles et choeisir ceulx qu'ilz verront qui seront gens pour servir, qui a esté bien advisé. Mais au r^ard de ladiae place de la Guierche , si elle est en estât que l'en ne la puisse tenir il fault qu'elle soit bien mauvaise ; et si fault entendre [que] si vous abatez une place des païs du Roy devant eulx vous leur ferez croistre le cueur, qu'ilz n'ont pas grant.

Je ne vous escrips autre chose pour ceste heure, car j^ay ung petit de haste, si non que je vouldroye qu^il m^eust cousté grant chose et que vous oyssiez parler ceulx qui viennent de Vannes , car ilz font beaucoup de bons comptes. Mons' de la Trimoille , je ne vous escrips autre chose si non que je prie Dieu qu^il vous doint ce que plus desirez.

Escript au Plessis du Parc le xix"* jour de mars.

Le tout vostre cousin ,

LOYS DE GRAVILLE

7 - LE BAILU DE MEAUX Les MontilsAès-Tours , mercredi ig mars.