I . Tous les quatre imprimeurs à Bâle

dedans mon livre de ladicte foire, ce que je ne voudrois faire autrement, pour ma vie, au préjudice d'autruy. Et de faict, je serois trop impudent, effronté et liors de sens d'entreprendre telle chose contre ce que j'aurois accordé, et que ma conscience me jugeroit, et ce d'autant plus que j'ay affaire à gens raisonnables et vivans. Nonobstant quoy, si vous estiés intéressé, je ne voudrois laisser de vous recompenser et faire ainsi que par raison vous sçavés bien juger. Mais je désire sur tout que la vérité soit recongneue. Parquoy je désire et vous supplie de m'en escrire un petit mot. Et s'il est chose en quoy je vous puisse faire aucun service ou à qui que ce soit en vostre nom et faveur, me le commandant, vous me trouvères prompt et prest de vous obéir d'aussi bon cueur que, me recommandant à vostre bonne grâce, je prie Dieu vous augmenter les siennes. D'Anvers, ce 13 febvrier 1568.