Vlantin au Cardinal de Granvelle

Le 14 aoust 1568.

A Monsigneur le Cardinal Granvelle.

Très illustre et révérendissime,

Ayant achevé l'impression du Diurnale de Saincte Croix, j'avois desjà baillé la copie du Bréviaire aux compositeurs pour y besogner, quant j'ay receu les lectres de Vostre Illustrissime Signeurie qui m'ont faict changer de labeur, entendant, par la teneur d'icellcF, le dommage qui m'en eust peu ensuivir,veu que, de bref, se publiera le nouveau, selon le dire de Manutius, à qui je désire faire toutes les commodités qu'il me sera possible en la vente et distribution de sa disme, ainsi que j'espère que Vostre Illustrissime Signeurie aura entendu par mes précédentes, nonobstant la teneur desquelles je me remects à la discrétion et bon jugement de Monsigneur vostre maistre d'hôtel ', puisque il luy a pieu en prendre la charge en la faveur du bien que me procure Vostre Illustrissime Signeurie, à laquelle j'envoye ici encores 38 feilles de Summa Sancti Thomae, duquel livre j'espère que Vostre Illustrissime Signeurie aura receu maintenant toutes les précédentes, et de bref luy envoyer le reste qui seront les premières feilles et les indices.

J'ay aussi receu cejourd'huy les préfaces et index du livre de Becanus, par quoy j'ay bon espoir de l'avoir achevé dedans 12 ou 15 jours et alors de l'envoyer à