I . Noms de différentes monnaies

graveur plus tost au double, car notes que cella nous est et sera encor plus que néccssayre, parceque nous avons de fort belles et grandes peaux et fortes, et, sy les courroyeurs ne nous estoient loyaulx, cela nous causeroit une ruyne. Pourtant je vous prie en fayre une bone ordonance, coy qu'il couste, que soyons en seureté sans dire mot pour etc.

Et, estant ainsi bien merquées, les livrerés pour bon conte aux courroyeurs, aux deux frères \ les priant, s'il vous plaist, de les passer et acoustrer le plus tost et le mieux qu'il leur sera possible, les laissant les plus fortes qu'ils pourront sans les affoyblir, car se sont les plus fortes qui sont les plus propres pour nostre aifayre et puys beau grain et beau lustre, etc.

Compère, il nous sera besoin conoistre quelques bon marchant qui fasse bon trafique de somac ' pour passer nos peaux, et parceque j'espère qu'il nous en faudra, avec le temps, cantité, et mesmes qu'ores à présent (pour avisio) nous avons bien des] à cent douseynes de peaux avec le poil et plus, pourtant je vous prie y bien aviser. Les deux courroyeurs et maistre Jaques conoissent bien ceux qui ce niellent dudict somac d'Espagne et savent bien. Notés que l'on les baille à long terme estant asseurés etc., come vous pourrés bien sçavoir par moyen des deux frères et de maistre Jaques tout le discours. Et faut entendre que je ne veux que du bon somac noveau, car notés que le noveau faict plus belle marchandise et mieux nourie sans (fonparayson que le vieux somac éventé etc. Pourtant pour la première balle en prendrés du nouveau et du meilleur, tout ainsi que