Plantin à Çayas. ' Monseigneur

Je pensois qu'eussiez jà receu les Heures in-12 et in-24, quand celuy à qui j'avois baillé mon pacquet pour le porter à Bruxelles, à monseigneur Leonardo de Tassis, m'a dict qu'il luy estoit [tombé] en l'eau sortant du batteau. Par quoy j'en ay incontinent faict lier d'autres qui estoyent parachevés, quand j'ay receu les vostres du 26 janvier, par lesquelles me commandez de faire relier 2 Epist. et Evang. * ce que j'ai incontinent sollicité et les envoyeray par le premier. Cependant j'envoye à Vostre Seigneurie Révérendissime lesdictes Heures in-24° et in- 12° ' avec 3 almanachs de Nostradamus * et 6 Kalendarium cum septem Psalmis ', lesquels je supplie à V. S. de recevoir en gré pour en faire un bien petit présent aux amis.

Je suis fort joyeux que V. S. se soit contentée de ma relation touchant l'impression de la Bible en 4 langues, pour laquelle j'ay desjà ordonné faire du papier excellent, à condition toutefois de renoncer à mon marché dedans trois mois, pour non que je prenne le nombre qui pour lors sera faict et achevé, et cependant j'espère d'avoir de V. S. R. l'advis de la résolution