Lé nouveau testament, etc. Plantin

3 6. — Pîantin à Jean Mareschal. '

Au Sire Jehan Mareschal, Marchant libraire demeurant à

Heydelberghe.

Sire Jehan Mareschal, Je vous ay assés adverti par cydevant que je m'esbahissois assés, comment aviés prins le tonneau des Bibles hébraïques - qui estoit derrière ma boutique à Francfort, veu que cestuy-là estoit de mon costé et marqué N° 7, là où je vous avois dès le commencement de la foire, dict et -montré l'autre plain de Cours * estre du costé de Frobene * et marqué N° 4, et me semble bien que j 'avois esté assés longtemps à Francfort pour venir prendre vostre tonneau en ma présence, sans y toucher après que j'estois party, puisque n'en aviés à faire. Je vous ay aussi adverti que j'ay délivré ici aux gens de Antoine Dieu un tonneau plain de Cours, pour l'envoyer suivant vostre ordonnance aux Morlots ' à Lion, pour le vous délivrer, ou à qui l'ordonnerés, et est parti d'ici le 4 juin. Au reste, s'il est chose que je puisse, la commandant, vous serés obéi d'aussi bon cueur que me recommandant à vostre bonne grâce, je prie Dieu vous maintenir en la sienne.

D'Anvers, ce 21 juin 1567.

L'entièrement vostre serviteur et amy C. Plantin.

1 . Jean Mareschal fut libraire à Heidelberg, à Lyon et à Spire.

2. ^ihlia hebraica (1566, iu-40, ou 2 tomes in-8°, eu 4 tomes in- 160).

3. Jus civile, L. Russardo auctore (i 566-1 567, 10 vol. ln-80).