Pierre Porret

sainctes, tellement advancé, depuis quatre ans en çà, non seulement l'impression des Sainctes Bibles es langues Hébraïcque, Grecque, Latine, Chaldée et Syrienne, mais aussi les Grammaires, Dictionnaires, Exercitations et autres divers livres et pourtraicts servants à l'intelligence desdictes langues et matières y contenues, que, de bref, nous espérons achever le tout et estre prests de l'exposer en vente, et que je ne doubte pas qu'il ne se trouve aucuns malicieux, d'autres ignorants, quelques-ungs aussi craintifs et doubteux qui voudroyent par adventure calumnier, rejecter ou tenir ceste nostre entreprinse pour suspecte et superflue et par ainsi dégouster les catholiques de s'oser servir de l'aide qu'en cela nous avons, sans rien y espargner du nostre, ni de celuy de nos amis, tasché leur faire et présenter : Pourtant est ce, Messigneurs, que, me confiant en vostre humanité, bonne affection, sainct désir et piété que vous portés à l'advancement de ceux qui sont amateurs et studieux des sainctes lectres et de nostre très saincte foy et religion catholique, je vous supplie très humblement et requiers, au nom de Dieu de qui est et provient toute bonne œuvre, qu'il vous plaise nous faire ce bien de visiter lesdictes Sainctes Bibles et autres livres et nous faire tant d'honneur que de vouloir nous donner vostre censure de chaicun desdicts livres et approbation par escrit, sous la confirmation de vos signes, afin que d'icelle nous puissions honorer la fin de ceste nostre entreprinse et ouvrage.

Quoy faisant,

Messeigneurs très honorés, vous ferés service à Dieu, profict à la république chrestienne et à moy ung singulier plaisir, duquel je tascheray toute ma vie de n'estre

veu ingrat envers nul de tous ceux qui m'aurés lionoré d'un tel bienfaict et prieray Dieu pour vostre prospérité et bonne santé.

D'Anvers.