Gilles Hcys à un inconnu

(Le présent extrait d'une lettre de Gilles Beys a été conservé par une copie de la main de Plantin. Gilles Beys désire savoir si son oncle voudrait lui prêter une certaine somme d'argent pour lui permettre de faire honneur à ses affaires. S'il obtenait ce secours, il pourrait faire un riche mariage à Paris. Il recommande instamment à son correspondant de tenir secret leur échange de lettres, de lui écrire par l'intermédiaire de Hans Liefrinck ou d'un autre, et de ne confier à Plantin que des missives traitant de sujets sans importance.)

2 may 1 569.

Ende van daer naer Zantvliet getrocken bent om myn heer 00m te gaen besoecken en oock van hem te vernemen en te verstaen syn myninghe ende sin angande tgene daer ick U van geschreven hadde, te weten ofte hy my wel een hondert croonen twee of dreie ter hant

soude willen stellen om my daer mede ter eeren te mueghen schiken, eer ick inde bouverie mochte vallen, soo men gemeynlick seyt. Waer af ick met godts hulpe nochtans egheen sorge af en hebbe, nyet min waer den tyt wat beter, ick mocht my hier wel ten houwelicken staet begheven ende soude hopen wel goeden en rycken howelick te doene,soo 't ware myn heeroom ende myn moeder my die hant willen toe reyken, ghelyck sy metten anderen wel ghedaen hebben, waer aen ick oyck niet en twyffel, dat sy sulcx wel doen sullen. Waer af ick seer wel soude begeeren geadverteert te wesen en wat haer daer af dunct. Want ick en soude nyet gheerne tegen haerlieder raet oft wille begeeren te doen.

Ick bidde U, hout dit secret en maect toch boven al dat mynen baes t'Antwerpen daer af niet en verneemt, duer U oft myn heer oom oft duer yemant anders. Want daer en is noch niet af vermaert en moghelycken en soude ick hier niet willen houwen, want men en wcet nyet hoe dat hier aile dinghen sullen vergaen, ende en ben van sinne nyet sulcx te doene, voer dat ick en sie, dat ten eenen ofte ten anderen sal wesen, dwclck met Godts hulpe noch desen somer wel mochte wesen, dacromme ist dat u ende myn vrienden hier af wel heb willen adverteren.

Ick bidde U, als ghy my yet van sulcx wilt schryven, bestelt toch Uwe brieven tôt Hans Lieffrinck ' oft tôt ymant anders, en bidde haer dat zy die den bode van Paris geven willen om my die te bestellen, ende maect die

I. Hans Liefrinck, graveur sur bois et imprimeur de gravures à Anvers. Né à Augsbourg en 1518, mort à Anvers en :573.

brieven wel toe en doeget opsclirift schriven van yemant vremps, op dat men nyet en merct, ende aldus : A Gilles Beys, marchant libraire, rue S' Jacques, au compas d'or, près les Mathurins, à Paris, ende op dat mynen Baes nyet en twyfele hoe 't kompt, dat ghy hem egheen brieven en gheft om aen my te bestellen, schrift my somtyts een briefken, daer egheen verlang aen en leyt al sach hyt, ende geeft hem dat, maer anders nyet ende kan ick U ergens in vrientschap doen etc. Uyt Paris desen 2"^^" in meye 1569 by my.

U. L. Compère, Vrient ende Dienaer enz.