Gilles Beys à Plantin

25 novembre 1569.

Très honoré. Geste sera seullement pour vous advertir que je ne puis rien recouvrir d'avantage de vostre mémoire pour Pôle que ce qui est spécifié en ce petit billet. J'espère que le recevrez bien tost, car le tonneau est parti de ceste ville, hier, par Paul voicturier d'Anvers. Je vous envoyé icy le double de tout ce que je vous ay envoyé depuis le commencement jusques à maintenant, avec l'extraict de toutes les lectres de change que j'ay payé à divers, et ay conféré la vostre avec mon livre et y ay trouvé bien peu de faulte, sinon en ce qu'a esté faict par mesgarde, comme pourrez voir par le double que je vous envoyé.

Je vous prie aussy, après que vous aurez conféré le mien, de m'en advertir et de l'ordre que vous volez que nous tenions dorcsnavant des lectres de change etc , comme aussy je prie Jan de faire. Je vous prie aussi de rendre l'argent à Jehan de ce qu'il aura déboursé pour mes mules etc., et si recevez les i8 it Tournois pour moy de Mons"" Montanus, dont je vous ay envoyé la cédulle par Antoine, messagier, retenez en pour vous ce que lesdictes mules auront cousté.

Je vous prie de délivrer à Mons"" de La Boderie ' l'incluse qui m'est recommandée, et luy présentez, s'il vous plaist, mes très humbles recommandations, sans oblier nostre très chière maistresse (que je debvois avoir nommé la première) et toutes vos filles et conséquemment à tous ceulx de la maison, et en prenez vostre part.

De Paris, ce 25^ susdict, par

Le tout vostre très humble à jamais serviteur Gilles Beys.

194. — Planfîn à Claude de Withem, seigneur de Risbours^. A Monsg*" de Rysbourg, le 2;) novembre. Monsigneur.

Ayant leu les lectres de V. S. par son chappelain, envoyé exprès, je me suis encores fort esmerveillé de ce qu'icelle m'accuse de n'avoir faict tour d'amy, de luy avoir renvoyé ung paquet, qu'elle m'avoit envoyé, pour l'adresser à Monsg-- le Chevallier de Sèvre, car je n'ay