Plantin à Paul Manuce

Au Signeur Paulo Manutio.

Moult mag° Senor.

Je m'esmerveille que je n'ay response aux miennes, par lesquelles j'advertissois V. M. S. du nombre des Bréviaires que j'avois imprimés, et encore plus de ce que nulluy ne s'est addressé à moy, de sa part, pour recevoir la disme que je luy en doibs, par accord faict. Ores, j'advertis derechef V. M. S. que i''ay, jusques à ce jour, faict trois impressions des Bréviaires in-8°, qui sont trois mille cent et cinquante exemplaires, et une autre impression, de ceux in- 16°, de mille et cinq cents.

Parquoy, je doibs desdicts Bréviaires in-8° 300 exemplaires, et 150 in- 16°, lesquels je délivreray à qui V. M. S. l'ordonnera, ou moy-mesmes les pacqueray et les envoyeray où il luy plaira ordonner, ou bien payeray, à qui luy plaira, cent cscus d'or pour lesdicts exemplaires, et continueray comme l'ordonnera Vostredicte S'% à laquelle je baise les mains, et prie Dieu la vouloir conserver etc.

Le 26 novembre 1569.