Gilles Beys à Jean Moretus

Frère et amy Johan. Toutes humbles recommandations prémises, j'ay receu les vostres du 3^ et 4* du présent. Pour responce auxquelles, serez adverty que j'ay receu les livres qu'avez mis dedans les coffres de Gassan, pour moy, le tout suyvant vostre mémoire, sinon que j'ay trouvé 51 Gramm. Heb. Isaaci, 4°, où n'en mettez que 50, et ICI Commentaria Cœsaris 8°, pour lOO.Pourquoy ndjouterez à chascung ung davantage, s'il vous plaist. J'ay aussy receu le coffre de Mons. Van de Werve bien condiiionné, et en ay retiré le port, suyvant la lectre de voicture etc.

Quant est du jeune homme qui debvoit venir par deçà pour m'aider, je vous en ay escript par mes dernières envoyées par Hans le messagier, comment il me suffiroit d'avoir ung garson de 12, 15 ou 16 ans etc. Toutefois cela ne vous est que pour advis, tout ce que le maistre en fera sera bien faict et agréable. Je ne ay sceu trouver de papier réal de Troye, tel que nostre maistre et vous m'avez demandé pour la Bible, sinon six rames de chez le Sire Guillaume Le Bé, à 4 fb 15 s. tz., la rame. Le Sire Cosme Carel et Merlin m'avoyent toujours asseuré d'en recevoir dedans un jour ou deux, ce qu'ils n'ont faict nullement, mais ils en ont bien receu d'aultre et du gros bon, mais point du fin. Pourquoy, je ne vous en ay sceu envoyer davantage que six rames, lesquelles je vous envoyé dedans une balle n° 18 signée de nostre marcque, dedans laquelle y a diverses besonges pour divers, le tout suyvant la facture que je vous envoyé icy inclose.

Incontinent qu'aurez receu ladicte balle, je vous prie

d'envoyer par le primier, et le plustost que pourrez, la malle qu'y est inclose à Mons. Parent, avocat en parlement à Paris, estant de présent à Cologne, avec ceste lectre icy enclose, car elle nous est fort recommandée. J'ay esté contrainct de vous envoyer ladicte balle, combien que la voicture est fort chère, à cause de la caisse qui y est dedans, par l'advis de M^ Pierre Porret, et aussi pour vous faire tenir les six rames de papier réal, combien que c'est bien peu que six rames, encores serviront ils tant qu'ils pourront en ung besoing, en attendant que l'autre pourra venir.

J'ay receu aussy les passements que mon maistre m'a envoyé dedans les coffres de Gassan, qui montent en tout deux centz vingt J^ tournois. Je vous prie de m'envoyer, par le primier, les livres demandés par mes précédentes, et délivrez les incluses à qui elles s'adressent, et me ferez plaisir.

Me recommendant très humblement à vostre bonne grâce et à tousceulxde la maison.

De Paris, ce 19'' mars 1570 par

Le tout vostre à commandement et comme frère amy

Gilles Beys.