Gilles Beys à Jean Moretus

1570, le 8* mars.

Frère et amy Jehan. Toutes humbles recommandations prémises, soyez adverty que je me porte fort bien, Dieu mercy, espérant le semblable de vous et de tous les amys de par deçà. J'ay receu la lectre de nostre maistre, du primier de mars, avec les incluses pour divers, lesquelles j'ay délivrées toutes, fors que celle de Mons. Pimpontius Conseillier etc. à la cour de parlement, et ce suyvant l'advis et conseil de Mons. Thorins, lequel craignant que nostredict maistre ne mandict au susdict Mons. de Pimpont (par la lectre qu'il m'a envoyée pour luy bailler), comment il n'avoit pas encores receu la copie de son Virgile, laquelle il m'a baillée pour la vous envoyer^ passé trois sepmaines, et ne l'ay encores envoyée, faulte de voicturiers, et avons tousjours faict acroire audict S"" de Pimpont vous l'avoir envoyée, qui est la cause que nous n^avons pas trouvé bon de luy bailler les lectres de nostre maistre.

J'espère vous envoyer ladicte copie, par le premier voiturier qui partira de ceste ville, pour l'avoir par delà, devant le retour de nostre maistre de Francfort, et lors nostredict maistre luy pourra escrire ung petit mot, comme si vous eussiez reçeu ladicte copie, incontinent après son département de Anvers pour Francfort, car aultrement ledict Seigneur s'en pourroit fascher et accuser Mons. Thorins et moy de négligence etc.

Cecy vous est seulement pour advis. Nostre maistre m'a mandé aussy, par la sienne susdicte, qu'il vouldroit bien avoir quelques 40 ou 50 rames de papier réal de Troye, tel comme il im.prime la Bible en 4 langues. J'ay

esté hier par toute la ville de Paris, mais il n'y en a pas maintenant. Le Sire Cosme Carel m'a dict qu'il en espère de recevoir demain ou après demain. Incontinent qu'il y en aura en ceste ville, ne fauldray à le vous envoyer, par le primier, moyennant que je le puisse avoir pour 3 fl. 12 pats., la rame, comme mon maistre me mande Tavoir en Anvers de Mons. Langaigne, ou bien peu davantage.

Je suis mnrry que je ne vous puis envoyer ie papier grand bastard, faulte que la voicture est trop chère, qui est maintenant à 55 s. et éo s. tournois, le cent, qui est trop pour de papier. Incontinent que la voicture sera à meilleur marché, ne fauldray à le vous envoyer, ou bien, si vous en avez nécessairement affaire, mandésmoy que je le vous envoyé, à quelque pris que ce soit, et n'y feray faulte.

J'espère qu'avez assez entendu par mes précédentes les payements que j'ay faictpar deçà et ce quej'ay receu de vous et d'aultres par vostre compte etc. Ce que je vous envoyé encores de rechef pour le mettre en compte, si desjà ne l'avez faict le tout, comme est spécifié en ce petit billet. Cependant, je prieray le Créateur vous don ner la sienne, me recommandant très affectueusement à vostre bonne grâce, sans oublier tous ceulx de la maison de Paris.

Le susdict, Paris.